 ମେଷ |  ବୃଷ |  ମିଥୁନ |  କର୍କଟ |
 ସିଂହ |  କନ୍ୟା |  ତୁଳା |  ବିଛା |
 ଧନୁ |  ମକର |  କୁମ୍ଭ |  ମୀନ |
Yearly Horoscope Karkata
କର୍କଟ ରାଶି
ବର୍ଷ ଆରମ୍ଭରୁ ରବି ଶୁକ୍ର ଓ ଶନି ଷଷ୍ଠରେ, ଚନ୍ଦ୍ର ଦ୍ଵାଦଶରେ, ମଙ୍ଗଳ ଓ ଗୁରୁ ଚତୁର୍ଥରେ, ବୁଧ ପଞ୍ଚମରେ, ରାହୁ ସ୍ଵରାଶିରେ ଓ କେତୁ ସପ୍ତମରେ ଅବସ୍ଥାନ କରିଛନ୍ତି।
ବାର୍ଷିକ ରାଶିଫଳ କର୍କଟ ୨୦୧୮
ବାର୍ଷିକ ଶୁଭାଶୁଭ ଫଳ: କର୍କଟରାଶି ଜାତ ବ୍ୟକ୍ତିଙ୍କ ପାଇଁ ଶୁଭଫଳର ପରିମାଣ ଅତ୍ୟନ୍ତ ଅଧିକ ହେବ । ଶତକଡା ୮୦ଭାଗ ଶୁଭଫଳ ଭୋଗ କରିବେ । ସାମାନ୍ୟ ପ୍ରତିକାର କରିନେବା ଆବଶ୍ୟକ । କର୍ମକ୍ଷେତ୍ରରେ ଅଗ୍ରଗତିର ବେଗ ବଢି ଚାଲିବା ଫଳରେ ଲକ୍ଷ୍ୟସ୍ଥଳରେ ପହଞ୍ଚି ପାରିବେ । ଯୋଜନାବଦ୍ଧ କାର୍ଯ୍ୟକ୍ରମ କଲେ ତାହା ଶେଷ କରି ପାରିବେ । ସାମାଜିକ ଭାବମୂର୍ତ୍ତି ଉଜ୍ଜ୍ଵଳ ହେବ ଓ ଉଚ୍ଚମାନ୍ୟତା ପ୍ରାପ୍ତ ହେବ । ସୁଖ-ସମୃଦ୍ଧି ମିଳିବ । ମନୋବଳ ଦୃଢ ହେବ । ପରକୁ ନିଜର କରି ପ୍ରଭାବଶାଳୀ ବ୍ୟକ୍ତିତ୍ଵର ସ୍ଵାତନ୍ତ୍ର୍ୟ ମଧ୍ୟ ଉପସ୍ଥାପନ କରିବେ । ଲୋକପ୍ରିୟତାରୁ ବଞ୍ଚିତ ହେବାର ନାହିଁ । ଧର୍ମ ଦିଗରେ ସଂପୃକ୍ତି ରହି ଆଶୀର୍ବାଦଯୁକ୍ତ ହେବାର ସମ୍ଭାବନା ଅଧିକ । ଶତୃମୁକ୍ତ ନିରୁପଦ୍ରବ ଜୀବନଚର୍ଯ୍ୟା କାଏମ୍ ରଖି ବୈଷୟିକ ଅଭିବୃଦ୍ଧିକୁ ତ୍ୱରାନ୍ୱିତ କରି ହେବ । ଯାହା ଫଳରେ ଉଚ୍ଚମନ୍ୟତାର ଅଧିକାରୀ ହେବେ ଓ ଭୋଗବିଳାସରେ ସାମିଲ ହେବାକୁ ଅବସର ସୃଷ୍ଟି କରି ପାରିବେ । ଅର୍ଥ ଉପାର୍ଜନରେ ଏକନିଷ୍ଠ ହେଲେ ଧନାଢ୍ୟ ହେବାର ରାସ୍ତା ଖୋଲିଯିବ ଓ ଋଣମୁକ୍ତି ହୋଇ ପାରିବେ । ଏଭଳି ଶୁଭ ଲାଭ ମଧ୍ୟେ ପାରିପାର୍ଶ୍ଵିକ ବାତାବରଣ ପ୍ରତି ସଚେତନତା ହ୍ରାସ ପାଇବା ଯୋଗୁ ଏକାକୀତ୍ଵର ପରିଧିରେ ନିଜକୁ ସଜାଇ ପାରନ୍ତି କିମ୍ବା ସୀମିତତାକୁ ଆଦରି ନେଇ ପାରନ୍ତି । ମୂଲ୍ୟବାନ ବା ସୌଖୀନ ପଦାର୍ଥ ସଂଗ୍ରହ ତଥା ନିର୍ମାଣ କ୍ଷେତ୍ରରେ ଅଗ୍ରଗତି ନିମନ୍ତେ ସମର୍ଥ ହୋଇ ପାରିବେ । ପାରିବାରିକ ସୁଖ ସମୃଦ୍ଧିରେ ମୁଖ୍ୟଭୂମିକା ତୁଲାଇବାର ସୁଯୋଗ ପାଇବେ । ଗଠନମୂଳକ ଚିନ୍ତାଧାରାକୁ ଉଜ୍ଜୀବିତ କରି ଯୋଜନାବଦ୍ଧ ରୀତି ଗ୍ରହଣ କରି ପାରିବେ । କଠିନ ପରିଶ୍ରମ ଯୁକ୍ତ ହେବେ ଓ ନିଜ କ୍ଷେତ୍ରରେ ଭାବମୂର୍ତ୍ତି ସୁରକ୍ଷିତ ରହିବ । କିଛି ନୂତନ ଯୋଜନା ମିଶାଇବା ଫଳରେ ବିଶେଷ ଲାଭବାନ୍ ହେବେ । କେତେକ ସ୍ଥଳରେ ବିଭ୍ରାନ୍ତି ଉପୁଯିବ ଓ ସରକାରୀ କୋପ ଭାଜନ ହେବାଭଳି ସମସ୍ୟା ମୁଣ୍ଡେଇବେ ଏବଂ ସେଥିପାଇଁ କିଛି ଆର୍ଥିକ ଦଣ୍ଡ ମଧ୍ୟ ସହିବାକୁ ପଡିବ । ଟଙ୍କ। ପଇସା ପ୍ରତି ସର୍ବଦା ସତର୍କ ରହିବାକୁ ପଡିବ । ଏପରିକି ନିମ୍ନବର୍ଗର କେହି ଲୋଭଗ୍ରସ୍ତ କରାଇ ଭାବମୂର୍ତ୍ତି ନଷ୍ଟ କରିବା ପାଇଁ ଚେଷ୍ଟା କରିବ । ଅର୍ଥ ଉପାର୍ଜନରେ ଏକନିଷ୍ଠ ହେଲେ ଧନାଢ୍ୟ ହେବାର ରାସ୍ତା ଖୋଲିଯିବ ଓ ଋଣମୁକ୍ତି ହୋଇ ପାରିବେ। କିନ୍ତୁ ନିଜର ଲୋକମାନେ ଅସହଯୋଗ କରିବେ। କ୍ଳାନ୍ତି ଓ ଅବସନ୍ନତା ବୃଦ୍ଧି ସହିତ ଶତୃ ବିରୋଧ ହେବେ ।
ମହିଳାମାନଙ୍କ ପାଇଁ: ଗୃହିଣୀ ମାନଙ୍କ ପାଇଁ ଆଶୀର୍ବାଦଯୁକ୍ତ ହେବ। ମନୋବାଞ୍ଛା ପୂର୍ଣ୍ଣ ହେବାର ପଥ ପରିଷ୍କାର ହୋଇଯିବ । ପ୍ରଚୁର ପରିଶ୍ରମ କରି ନିଜର ସାମାଜିକ ବ୍ୟକ୍ତିତ୍ଵର ବିକାଶ ଘଟାଇବେ । ବସ୍ତ୍ର-ଭୂଷଣ ଯୋଗ ସଫଳ ହେବ । ଭ୍ରମଣ ସୁଖ ଯୁଟିପାରେ । କର୍ମଜୀବିନୀମାନେ ପ୍ରତିଷ୍ଠା ସଂପନ୍ନା ହୋଇ ପାରିବେ । ପାରିବାରିକ କ୍ଷେତ୍ରରେ ସାମୟିକ ମତଦୈଧତା ଓ ଆଦର୍ଶଗତ ପାର୍ଥକ୍ୟ ପରିଲକ୍ଷିତ ହେବ । କୁଟୁମ୍ବ ଜନଙ୍କ ସ୍ଵାର୍ଥପରତା ଚିନ୍ତାର କାରଣ ହେବ । ବନ୍ଧୁବାନ୍ଧବ ଦିଗରୁ ସ୍ଵାର୍ଥପ୍ରବଣତାର ଅଭିବୃଦ୍ଧି ଘଟିବା ଯୋଗେ ନାନା ବାଟରେ ଶୋଷିତ ହେବେ । ସନ୍ତାନ ପାଇଁ ଆନନ୍ଦ ଅନୁଭବ କରିବେ । ବେଳେ ବେଳେ କୃତକର୍ମ ନିମନ୍ତେ ଅବଶୋଷ କରିବେ । ଖର୍ଚ୍ଚ ଭରଣାରେ ଅସୁବିଧା ହେବ ନାହିଁ । ଅବଶ୍ୟକ ଅର୍ଥ ହାତ ପଇଠ ହୋଇ କାମରେ ଲାଗିଯିବ । କୁମାରୀମାନେ କେତେବେଳେ ସୁଖ-ସମ୍ମାନ ତ କେତେବେଳେ ପୁଣି ନିନ୍ଦା ସମାଲୋଚନାର ଶିକାର ହେବାକୁ ପଡିବ । ସାଧାରଣ ଭାବରେ ଜୀବନଚର୍ଯ୍ୟା କରି ଚାଲିବେ ।
ସ୍ୱାସ୍ଥ୍ୟ: ସ୍ଵାସ୍ଥ୍ୟପୀଡାର ଆଶଙ୍କା ନାହିଁ । ତେବେ ସର୍ଦ୍ଦି ଓ ଜ୍ଵରର ସାମାନ୍ୟ ଉପସର୍ଗ ସ୍ଥଳବିଶଷରେ ଦେଖାଦେଇ ପାରେ । ଖାଦ୍ୟପେୟ ଓ ଆଚାର-ବିଚାର ତଥା ବିଶ୍ରାମରେ ଅନିୟମିତତା ଘଟିବା ଯୋଗେ ଚକ୍ଷୁ ଓ ଉଦରପୀଡା, ଜ୍ଵର, ଶ୍ଲେଷ୍ମା ପ୍ରକୋପ, ଶୀରବ୍ୟଥା, ରକ୍ତବିକାର ଦୁର୍ବଳତା ଭଳି ରୋଗର କବଳିତ ହୋଇ ବେଳେ ବେଳେ ଅସୁସ୍ଥ ହେବେ ।ପୁରୁଣା ରୋଗର ପ୍ରକୋପରେ କଷ୍ଟ ଅନୁଭବ କରିବେ । ତେଣୁ ସଚେତନ ରହିବାକୁ ପଡିବ।
ଛାତ୍ରଛାତ୍ରୀ ମାନଙ୍କ ପାଇଁ: ଶିକ୍ଷାର୍ଥୀମାନଙ୍କ ପାଇଁ ବିଭିନ୍ନ ରାସ୍ତା ଦେଇ ଅନେକ ସୁବିଧା ସୁଯୋଗ ଯୁଟିବାର ସମ୍ଭାବନା ରହିଛି। ଉଚ୍ଚାଭିଳାଷ ଥିଲେ, ସଫଳ ହେବ । କିନ୍ତୁ ଅଯଥା ବାକବିତଣ୍ଡାରୁ ପୃଥକ୍ ରହି ଅଧ୍ୟୟନନିଷ୍ଠ ହେଲେ ଯଶସ୍ଵୀ ହୋଇ ପାରିବେ । ବହୁ ଦିଗରୁ ଅନୁକୂଳ ହେବ । ପରିଶ୍ରମର ସୁଫଳ ଭୋଗ କରିବେ । ନିଶ୍ଚିତ ମହତ୍ତ୍ୱାକାଂକ୍ଷାର ସାଧନ ଉପଲବ୍ଧି ଅନୁରୂପ ସମ୍ଭାବନାପ୍ରଦ । ବର୍ଷର ମଧ୍ୟ ଭାଗରେ ଜ୍ଞାନ-ଗବେଷଣା ସ୍ତରରେ କୃତକର୍ଜ୍ୟ ହୋଇ ଯଶ ମାନ ପ୍ରତିଷ୍ଠା ପ୍ରାପ୍ତି ହେବ ।ଗୁରୁଜନଙ୍କ ଆଶୀର୍ବାଦ ବହୁକ୍ଷେତ୍ରରେ ସୁରକ୍ଷା ଦେବ ।
ପାରିବାରିକ: ପାରିବାରିକ ଜୀବନରେ ସ୍ନେହ, ସୌହାର୍ଦ୍ଦ୍ୟ, ସହଯୋଗ ଉତ୍ସାହ ମିଳିବ । ଗୃହରେ ବନ୍ଧୁମିଳନ, ମଙ୍ଗଳୋତ୍ସବର ଅବସର ଘଟିବ । ଋଣମୁକ୍ତ ହେବେ । ଦଇବି ସହାୟତା ଓ ନିଜର ଅଧ୍ୟବସାୟ ଯୋଗେ ଲକ୍ଷସିଦ୍ଧି ହୋଇଯିବ । ପ୍ରଚୁର ଆୟ ହେବା ଫଳରେ ଆବଶ୍ୟକ ଖର୍ଚ୍ଚ ଭରଣା ହେବାପରେ ବି ଅସ୍ଵଚ୍ଛଳତା ଭଳି ଦୁର୍ଦ୍ଦଶା ଘଟିବ ନାହିଁ । ପାରିବାରିକ କ୍ଷେତ୍ରରେ ସମାଲୋଚନାର ଶରବ୍ୟ ହେବେ ଓ କେତେକ ବ୍ୟକ୍ତିଙ୍କ ଆତ୍ମକୈନ୍ଦ୍ରିକ ସ୍ଥିତିରୁ ସେମାନଙ୍କ ସହଯୋଗ ହରାଇବାର ଆଶଙ୍କା ବି ରହିଛି । କେହି ପ୍ରତାରଣା କରି କ୍ଷୟକ୍ଷତି ଦିଗକୁ ଚାଲିଲେ ମଧ୍ୟ ଠିକ୍ ସମୟରେ ଧରା ପଡିବେ ଏବଂ ଅପଦସ୍ତ ହେବେ। ଏହି କାରଣରୁ ପରିଶ୍ରମ ବୃଦ୍ଧି ପାଇବ ଓ ଏହା ମଧ୍ୟ ଆନନ୍ଦିତ କରିବ । ନୂତନ ବନ୍ଧୁ ବା ସହଯୋଗୀ ପ୍ରାପ୍ତ ହୋଇ ନୂତନ ଯୋଜନାର ଶିଳାନ୍ୟାସ କରିପାରନ୍ତି । ଯଶମାନର ଅଧିକାରୀ ହେବେ । କିନ୍ତୁ ପରିବାର ପ୍ରତି ନିଷ୍ଠା ରଖିପାରିବା କଠିନ ହୋଇପାରେ । ନିଜ ଲୋକ ଈର୍ଷା ଦୃଷ୍ଟିରେ ଦେଖିବେ । ଭାବମୂର୍ତ୍ତି ଅମଳିନ ରହିବ । ମାଲି-ମୋକଦ୍ଦମାରେ ନିଜର ଜିଦ୍ ରକ୍ଷା ହେବ । ବାପା, ମା, ଭାଇ, ଭଉଣୀ ଓ ଆପଣାଲୋକଙ୍କୁ ଅନେକ ବାଟରେ ନିଜ ପକ୍ଷରେ ରଖିବାକୁ ପଡିବ । ସନ୍ତାନମାନେ ବେଶ୍ ଭଲରେ ଦିନଚର୍ଯ୍ୟା ଚଳାଇ ରଖିବେ।
ବାଣିଜ୍ୟ, ବ୍ୟବସାୟ ଓ ଚାକିରୀ: ବ୍ୟବସାୟୀମାନେ ଚଳିତ କାରବାରରେ ବୁଡି ରହିବେ ଓ ଲୋଭଗ୍ରସ୍ତ ନ ହୋଇ ପରିଶ୍ରମୋଚିତ ଲାଭକୁ ମନେକରି କର୍ତ୍ତବ୍ୟ ତୁଲାଇ ଚଳିବେ । ନିମ୍ନବର୍ଗର ବ୍ୟକ୍ତି ବିଶେଷ ଅଧିକାଂଶ କ୍ଷେତ୍ରରେ ଠକିବାର ମନୋବୃତ୍ତି ଗ୍ରହଣ କରିବେ । ଯାହାଫଳରେ ବେଳେବେଳେ ଅସନ୍ତୋଷ ପ୍ରକାଶ ପାଇବ । ଉଚ୍ଚବର୍ଗରୁ ସମ୍ମାନ ଓ ଶ୍ରଦ୍ଧାର ସ୍ରୋତ ଛୁଟିବ । କର୍ମ କ୍ଷେତ୍ରରେ ଉପରିସ୍ଥଙ୍କ ଶ୍ରଦ୍ଧାଭାଜନ ହୋଇ ଗୁଜୁରାଣ ମେଣ୍ଟାଇ ଚାଲିବା ମଧ୍ୟରେ ଅଧସ୍ତନମାନଙ୍କ ଈର୍ଷାର ଓ ଅସହିଷ୍ଣୁତାର ଶିକାର ହେବେ । ପରାଧୀନତା ବେଡିରେ ଶୃଙ୍ଖଳିତ ହୋଇ ମଧ୍ୟ ନିଜସ୍ଵ ପ୍ରତିଭା ପ୍ରଦର୍ଶନର ସୁଯୋଗ ପାଇବେ । ରାଜନୀତି କ୍ଷେତ୍ରରେ ଉତ୍ଥାନ ପତ୍ତନ ଲାଗି ରହିଲେ ବି ସାମୟିକ ଭାବେ ସ୍ଥିତି ସୁଧାରଜନକ ହେବ । କୃଷିଜୀବୀମାନେ କର୍ମଅନୁଯାଇ ଫଳପାଇ ନୂତନ ଦ୍ରବ୍ୟ କ୍ରୟ କରିବାର ସୁଯୋଗ ପାଇବେ । ସେବା ଭାବନାରେ ଉଊଦବୁ ଦ୍ଧ ହୋଇ ଅନେକଙ୍କର କଲ୍ୟାଣ କରିବା ସୁଯୋଗ ପାଇବେ ।
ପ୍ରତିକାର: ଗୁରୁ ଓ ରାହୁଙ୍କ ପାଇଁ ପ୍ରତିକାର କରଣୀୟ । ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ସର୍ବକଷ୍ଟ ନିବାରଣ ଯନ୍ତ୍ର ପୂଜାକରିବା ସହ ଛିନ୍ନମସ୍ତା କବଚ ଧାରଣ କରିବେ । ଅନ୍ଧ, ବିଧବା ଅସହାୟା ମାନଙ୍କୁ ସାହାଯ୍ୟ କରି ଗୋମାତାର ସେବାକରିବା ଆବଶ୍ୟକ । କୁଷ୍ଠ ରୋଗୀ ଓ କୁକୁରକୁ ଖାଦ୍ୟ ଦିଅନ୍ତୁ ।