 ମେଷ |  ବୃଷ |  ମିଥୁନ |  କର୍କଟ |
 ସିଂହ |  କନ୍ୟା |  ତୁଳା |  ବିଛା |
 ଧନୁ |  ମକର |  କୁମ୍ଭ |  ମୀନ |
Yearly Horoscope Kanya
କନ୍ୟା ରାଶି
ବର୍ଷ ଆରମ୍ଭରୁ ରବି, ଶୁକ୍ର ଓ ଶନି ଚତୁର୍ଥରେ, ଚନ୍ଦ୍ର ଦଶମରେ, ମଙ୍ଗଳ ଓ ଗୂରୁ ଦ୍ଵିତୀୟରେ, ବୁଧ ତୃତୀୟରେ, ରାହୁ ଏକାଦଶରେ ଓ କେତୁ ପଞ୍ଚମରେ ଅବସ୍ଥାନ କରିଛନ୍ତି।
ବାର୍ଷିକ ରାଶିଫଳ କନ୍ୟା ୨୦୧୮
ବାର୍ଷିକ ଶୁଭାଶୁଭ ଫଳ:
କନ୍ୟାରାଶି ଜାତ ବ୍ୟକ୍ତିଙ୍କ ପାଇଁ ଶୁଭାଶୁଭ ମିଶ୍ରିତଫଳ ଭୋଗ ହେବ । ତେଣୁ ବର୍ଷ ଆରମ୍ଭରୁ ଯଥାବିଧି ପ୍ରତିକାର କରିଚାଲିବା ଆବଶ୍ୟକ । କର୍ମକ୍ଷେତ୍ରରେ ଅଗ୍ରଗତି ହେବ । ବହୁଦିଗରୁ ସାହାଯ୍ୟ-ସହଯୋଗର ହାତ ଗୁଡିଏ ଲମ୍ବି ଆସିବା ଫଳରେ ଲକ୍ଷ୍ୟସ୍ଥଳରେ ପହଞ୍ଚିବାର ପଥ ପ୍ରଶସ୍ତ ହୋଇଯିବ । ସାମାଜିକ ଭାବମୂର୍ତ୍ତି ବଢିବ । ତୀର୍ଥ ଭ୍ରମଣ ଯୋଗ ରହିଛି । ଉଚ୍ଚମନ୍ୟତା ବୃଦ୍ଧି ହେବା ସହିତ ଉଚ୍ଚାକାଂକ୍ଷାର ପରିପୁଷ୍ଟି ସାଧନ ନିମନ୍ତେ ଉଦ୍ୟମ କରିଚାଲିବେ। ମଉଜ-ମଜଲିସ୍ ମନୋ ରଞ୍ଜନର ମଉକା ମଧ୍ୟ ପାଇବେ । ବନ୍ଧୁ ମିଳନର ହସଖୁସି ମାହୋଲମଧ୍ୟେ ନିଜକୁ ପ୍ରତିଷ୍ଠିତ କରିବାର ସୁଯୋଗ ରହିଛି । ଚେଷ୍ଟା ଦ୍ଵାରା ନିଜର ହକ୍ ସାବ୍ୟସ୍ତରେ ସଫଳ ହେବେ । ଶୁଭ ସମୟ ଫେବୃୟାରି ତା୧୫ରୁ ମାର୍ଚ୍ଚ ୧୫, ଜୁନ ତା୧୫ ରୁ ଅଗଷ୍ଟ ତା୧୬, ନଭେମ୍ବର ତା୧ରୁ ଡିସେମ୍ବର ତା୧୪ ମଧ୍ୟରେ କର୍ମକ୍ଷେତ୍ରରେ ପଦୋନ୍ନତି, ରାଜନୈତିକ କ୍ଷେତ୍ରରେ ପଦବୀ ଲାଭ ଓ ନୂତନ ଗୃହନିର୍ମାଣ ପାଇଁ ପ୍ରସ୍ତୁତି ହୋଇ ପାରିବ । ଭାବଭଙ୍ଗୀ, ଠାଣି ଓ ଚାଲିଚଳନ ଦେଖିଲେ ଜଣାଯିବ ଯେ ଆପଣ ଯଥାର୍ଥରେ ଜଣେ ସେନାପତି ବା ପୁଲିସ ହାକିମ, ଅଥବା ପ୍ରଶାସକ । ଲକ୍ଷ୍ୟହାସଲ ହିଁ ମୂଳ ଆଭିମୁଖ୍ୟ ହେବ । ଧନାର୍ଜନ ଉଦ୍ୟମସଫଳ ହେବ । ଦୃଢମନରେ ପରୋପକାର କରିବେ । ଆସକ୍ତି ମୋହ, ଲୋଭ, କ୍ରୁର କର୍ମ ଗୁଡିକ ପାଇଁ ଅପଯଶ ପାଇବେ । ନୀତିସମ୍ପନ୍ନ ଓ ଆତ୍ମବିଶ୍ଵାସ ଦ୍ଵାରା ଅନ୍ୟ ଉପରେ ପ୍ରାଧାନ୍ୟ ବିସ୍ତାର କରିପାରିବେ । କୌଣସିଥିରେ ଅଭିମାନ ନଥାଇ ସନ୍ତାନମାନେ ସୁନାମ ଅର୍ଜନ କରିବେ । ଦାମ୍ପତ୍ୟ ଜୀବନରେ ବିଶେଷ ସୁଖ ପ୍ରାପ୍ତି ହେବ । ନିଜ ସ୍ଵାର୍ଥକୁ ସର୍ବସ୍ଵ ମଣି ଅନ୍ୟମାନଙ୍କୁ ପ୍ରତ୍ୟକ୍ଷ ଓ ପରୋକ୍ଷରେ ସାହାଯ୍ୟ କରିବେ । ଅଶୁଭ ଫଳ ମଧ୍ୟରେ ବହୁ କ୍ଷେତ୍ରରେ ଅପ୍ରିୟତା ଓ ଯାନବାହାନ ଭ୍ରମଣ ସଙ୍କ୍ରାନ୍ତିୟ ବ୍ୟବସାୟରେ କ୍ଷତିଗ୍ରସ୍ତ କରାଇବ ଏବଂ ମିତ୍ର, ଭ୍ରାତୃ ବିବାଦର ଆଶଙ୍କା ରହିଛି । ଏକବୁଝା ପ୍ରକୃତି ନିମନ୍ତେ ଆପଣା ଲୋକଙ୍କୁ ଉପେକ୍ଷା କରି ନିଜେ ଅବାଞ୍ଛିତ ହୋଇ ପଡିବେ । ଅନ୍ୟମାନଙ୍କପ୍ରତି ଉଦ୍ଦିଷ୍ଟ କର୍ତ୍ତବ୍ୟ-କର୍ମକୁ ପାସୋରି କେବଳ ନିଜକୁ ଦେଖିବେ । ଧର୍ମଦିଗରୁ ଦୂରେଇ ଯାଇ ବୈଷୟିକ-ଆସକ୍ତି ଦ୍ଵାରା ଜଡିତ ହେବେ । ଭାଗ୍ୟର ବିଡମ୍ବନା ଭୋଗ ହେବ । ବିଶେଷ ଅସୁସ୍ଥି ଜନିତ ବାଧା କିମ୍ବା ବୈଷୟିକ ସମସ୍ୟା ଘଟି ହନ୍ତସନ୍ତ ହେବାର ନ।ହିଁ । ମଝିରେ ମଝିରେ ଭ୍ରମଣ କରିବାକୁ ପଡିବ । ଚୋରୀ, ପ୍ରତାରଣା ଯୋଗୁ କ୍ଷତିଗ୍ରସ୍ତ ହେବେ । ଦୈବୀଶକ୍ତି ବଳରେ ଅନେକ ବିପଦରୁ ରକ୍ଷା ପାଇପାରିବେ ।
ମହିଳା ମାନଙ୍କ ପାଇଁ:
ଗୃହିଣୀ ମାନଙ୍କ ପାଇଁ ପରିଶ୍ରମପଦ ହେଲେ ମଧ୍ୟ ଅପରପକ୍ଷେ ଶୁଭଯୁକ୍ତ ହେବ । ଯଶମାନ ଉଚ୍ଚା ରହିବ, ନିଜ ଲୋକଙ୍କ ଶ୍ନେହ-ଶ୍ରଦ୍ଧା ପାଇବେ । ଶୁଭଶଙ୍ଖ ଧ୍ଵନିର ଅବସର ଯୁଟିବ । ବନ୍ଧୁମେଳରେ ଆଦୃତି ବଢିବ । କର୍ମକ୍ଷେତ୍ରରେ , ଘରେ ଓ ବାହାରେ ପ୍ରଭାବ ବୃଦ୍ଧି ଫଳରେ ସମୟ ଖୁବ ଭଲରେ କଟିବ । କୌଣସି ଶିକ୍ଷା ଗ୍ରହଣ ଅନୁଷ୍ଠାନରେ ଯୋଗ ଦେବାର ସୁବିଧା ସୁଯୋଗ ଆସିବ । କୁମାରୀ ମାନଙ୍କର ମନ ମୁତାବକ ପାତ୍ରସହ ବିବାହ ସମ୍ପନ୍ନ ହେବ । ବିବାହ ପରେ ନିଜ ସ୍ଥିତିର ପରିବର୍ତ୍ତନ ଘଟିବ ଓ ଉନ୍ନତି ହେବ । ପାରିବାରିକ କ୍ଷେତ୍ରରେ ଗୁରୁଜନଙ୍କ ସ୍ନେହ-ସହାନୁଭୁତି ହାସଲରେ ସମର୍ଥ ହୋଇ ପାରିବେ । ବାହ୍ୟ ପ୍ରତିପତ୍ତି ଉଣା ହେବ ନାହିଁ । ପରିବାର ଓ ସେବାୟତମାନଙ୍କ ଉପରେ କର୍ତ୍ତୃତ୍ଵ ବିସ୍ତାର କରି ହେବ । ପରରିବର୍ତ୍ତନଶୀଳ ଭାଗ୍ୟ ନେଇ ଜୀବନ ଶୈଳୀ ଗଢିବେ । ଧୀର ସ୍ଵଭାବ, ସ୍ଥିରଚିତ୍ତ ଓ ଦୃଢ ବିଚାର ବଳରେ ବିଶେଷ ଭାଗ୍ୟୋନ୍ନୋତି ଘଟାଇ ପାରିବେ । ଆକସ୍ମିକ ଭାବରେ କୌଣସି ଅବାଞ୍ଛିତ ସୂତ୍ରରୁ ମୋଟା ଅର୍ଥ ମିଳିଯିବ । ଘର ଅପେକ୍ଷା କର୍ମକ୍ଷେତ୍ରରେ ଜଞ୍ଜାଳ ଅଧିକ ମୁଣ୍ଡାଇ ବ୍ୟସ୍ତ ରହିବେ । ଅକସ୍ମାତ ଭୂମିଲାଭ ଯୋଗ ମଧ୍ୟ ଘଟିବ । ବିଦେଶୀ ବା ଦୂର ବନ୍ଧୁ ଖୁବ୍ ସାହାଯ୍ୟ କରିବେ ।
ସ୍ଵାସ୍ଥ୍ୟ:
ଶାରୀରିକ ସ୍ୱାସ୍ଥ୍ୟ ହାନି ଘଟିବ ନାହିଁ । ପୁରୁଣା ରୋଗବ୍ୟାଧିର ପ୍ରକୋପ କମିଯିବ । କିନ୍ତୁ ମାନସିକ ସୁସ୍ଥତା ସର୍ବଦା ଠିକ୍ ରହିବ ନାହିଁ । ସ୍ଵାସ୍ଥ୍ୟପ୍ରାୟ ଭଲ ରହିବ । କାନ୍ଧ ଓ ହାତରେ ସାମାନ୍ୟ ଧରଣର ପୀଡା କଷ୍ଟ ଅନୁଭବ କରିବେ । ବୟସ ବୃଦ୍ଧି ସତ୍ଵେ ପ୍ରାୟତଃ ସୁସ୍ଥ, ନିରୋଗ ଓ ବଳିଷ୍ଠ ଜୀବନଯାପନ କରିବେ । ଆଘାତ ପ୍ରାପ୍ତି ବା ରକ୍ତ ଦୋଷରୁ ଅଥବା ଗୁପ୍ତ ରୋଗପାଇଁ ସାମୟିକ କଷ୍ଟ ଭୋଗିବେ । ପ୍ରଚୁର ପୁଷ୍ଟିକର ଖାଦ୍ୟ ଓ ବ୍ୟାୟାମ ଆପଣଙ୍କ ପାଇଁ ଦରକାର । ଘଣ୍ଟିକା ପାକସ୍ଥଳୀ, ମୂତ୍ରାଶୟ ଓ ଆମାଶୟ ରୋଗ ଏବଂ ଟାଇଫଏଡ ଆଦି ବେଳେବେଳେ ପୀଡା ଦେବ । ଖାଦ୍ୟ ଭିତରେ ସୁରସ ଖାଦ୍ୟ, ଚୂଡାଭଜା, ଅଦା, ଟମାଟୋ, ଗାଜର, ପାଳଙ୍ଗ ଶାଗ, କଲରା, କାଗେଜିଲେମ୍ବୁ ଅଧିକ ଖାଇବା ଉଚିତ । ପିତ୍ତପ୍ରକୂପିତଉଦର ରୋଗର ଉପସର୍ଗ ସାଙ୍ଗକୁ ସାମୟିକ ରକ୍ତଚାପ ଓ ଶିରୋପୀଡା ମିଳିତ ପ୍ରଭାବ ବିସ୍ତାରି ହନ୍ତସନ୍ତ ହେବେ ।
ଛାତ୍ର ଛାତ୍ରୀ ମାନଙ୍କ ପାଇଁ:
ଶିକ୍ଷାର୍ଥୀମାନଙ୍କ ପାଇଁକେତେକାଂଶରେ ଅନୁକୂଳ ହେବ । ଅଧ୍ୟୟନ ପ୍ରତି ନିଷ୍ଠା ବୃଦ୍ଧି ପାଇବ । ସାଙ୍ଗଠନିକ କାର୍ଯ୍ୟରେ ଜଡିତ ହେଲେ ବି ମୁଖ୍ୟ କର୍ତ୍ତବ୍ୟକୁ ଗୁରୁତ୍ଵ ଦେବେ । ଫଳରେ ଅଧ୍ୟବସାୟ ଓ ଅଧ୍ୟାପନା ଆଶା ବହୁତ ଅଧିକ । ଖେଳକୁଦ, ପ୍ରତିଯୋଗୀତା ସମୟ ବେଶ ସୁଖରେ କାଟିବେ । ପଢାପଢିରେ ମନଲାଗି ରହିବ ଓ ପରୀକ୍ଷାରେ କୃତକାର୍ଯ୍ୟ ହୋଇ ଉଚ୍ଚଶ୍ରେଣୀ ପାଇବେ ଏବଂ ଉଚ୍ଚଶିକ୍ଷା ପାଇବାର ସୁଯୋଗ ମଧ୍ୟ ରହିଛି । ପରିଶ୍ରମ ନ ବଢାଇଲେ ଉତ୍ତମ ରୂପେ ଲକ୍ଷ୍ୟ ସିଦ୍ଧି ସମ୍ଭବ ହେବ ନାହିଁ । ସ୍ଥଳ ବିଶେଷେ ସ୍ଥାନ ପରିବର୍ତ୍ତନ ଯୋଗ ଅସନ୍ତୋଷର କାରଣ ହେବ । ବେଳେ ବେଳେ ବିବାଦମାନ ପରିସ୍ଥିତିର ବି ସମ୍ମୁଖୀନ ହେବାକୁ ପଡିବ ।
ପାରିବାରିକ:
ପାରିବାରିକ ସ୍ତରରେ ପ୍ରତିଷ୍ଠା ଓ ପ୍ରତିପତ୍ତି ସୁରକ୍ଷିତ ରହିବ । ସାମାଜିକ କାର୍ଯ୍ୟରେ ସଂପୃକ୍ତି ଘଟିବ ଓ ମର୍ଯ୍ୟ।ଦା ବୃଦ୍ଧି ଅବଧାରିତ । ଅପର ପକ୍ଷେ ଆର୍ଥିକ ସମସ୍ୟାକୁ ଜାଣିଶୁଣି ଆମନ୍ତ୍ରଣ କରିବେ । ଆୟଦିଗ ଠିକ ରହିବ । ଋଣବୃଦ୍ଧି ଆଶଙ୍କା ନ ଥିଲେ ବି ହାତମୁଠା ଖାଲି ହେବା ଭଳି ଆଶଙ୍କା ରହିଛି । ପାରିବାରିକ ଜୀବନ ସୁଖରେ କାଟିବେ । ମାଙ୍ଗାଲୋତ୍ସବ ଗୃହରେ ପ୍ରତିପାଦିତ ହୋଇ ଅତି ନିକଟର ବନ୍ଧୁବାନ୍ଧବଙ୍କସହ ପ୍ରିୟତା ସୃଷ୍ଟିହେବ । ସନ୍ତାନ ସନ୍ତତି ମାନଙ୍କପାଇଁ ବର୍ଷ ଫଳ ଉତ୍ତମ । ସ୍ତ୍ରୀଙ୍କ ସ୍ୱାସ୍ଥ୍ୟ ଭଲ ରହିବ । ମାତୃପୀଡା ଯୋଗ ରହିଛି । ଆଗାମୀ ଯୋଜନା ପାଇଁ ପ୍ରସ୍ତୁତ ହେବେ । ଜୁଲାଇ, ଅଗଷ୍ଟରେ ଯଥେଷ୍ଟ ଆର୍ଥିକ ଉନ୍ନତି ଘଟିବ ଓ କର୍ମକ୍ଷେତ୍ରରେ ଶୁଭ ଫଳ ପାଇବେ । ପାରିବାରିକ କ୍ଷେତ୍ରରେ ଅସନ୍ତୋଷ, କ୍ଷୋଭ ଓ ଅବଶୋଷ ଦୂରେଇ ଯିବ । ଗୁରୁଜନ କେହି ଅସନ୍ତୁଷ୍ଟରହିବେ । ଅ।ବଶ୍ୟକସ୍ଥଳେ ଛଳନାର ମଧ୍ୟ ଆଶ୍ରୟ ନେଇ ନିଜର ବ୍ୟକ୍ତିତ୍ୱ ଅକ୍ଷୁର୍ଣ୍ଣ ରଖିବେ । ନାନା ବାଟରେ ଧନାଗମ ଘଟିବ । ସେହିପରି ଖର୍ଚ୍ଚର ଦ୍ଵାର ସାହାଣ ମେଲା ରହିବ । ଅର୍ଥକୁ ମଧ୍ୟ ଭଗବାନ ଜ୍ଞାନ କରି ଗୁରୁତ୍ଵ ଦେଇ ଚାଲିବେ ।
ବ୍ୟବସାୟ ଓ ଚାକିରି:
ବ୍ୟବସାୟୀମାନେ ବେଳେବେଳେ ଲାଭର ପରିମାଣ ଆଶାତୀତ ଭାବରେ ବୃଦ୍ଧି ପାଇବା ଫଳରେ ପ୍ରସାର ପ୍ରଚାର ଦିଗରେ ମନ ବଲେଇବେ । ଶ୍ରମନିଷ୍ଠା ଦର୍ଶାଇ ସରକାରୀ ଦିଗରୁ ଲାଭବାନ ହେବା ଭଳି ସ୍ଥିତି ସୃଷ୍ଟି କରି ହେବ । କର୍ମରେ ମନଲଗେଇ ବିଶେଷେ ସହାନୁଭୁତି ହାସଲକରି ନିଜ ସ୍ଥିତିକୁ ମଜବୁତ କରିପାରିବେ । ଅଧିକ ପରିଶ୍ରମ ତୁଳନାରେ ଅଧିକ ପାରିଶ୍ରମିକ ଆଦାୟର ପ୍ରଚେଷ୍ଟା ଚଳାଇବେ । କାରବାରର ସୀମା ବଢାଇ ହେବ । କର୍ମକ୍ଷେତ୍ରରେ ମାଲିକ ସପକ୍ଷ ସଂଗଠନର ନେତୃତ୍ଵ ନେଇ କର୍ତ୍ତୁପକ୍ଷଙ୍କ ଶ୍ରଦ୍ଧାଭାଜନ ହେବେ । ପରିଶ୍ରମ ବିନା ଅଧିକ ଲାଭବାନ ହେବା ନିମନ୍ତେ ଅନ୍ୟମାନଙ୍କୁ ସିଡି ରୂପେ ବ୍ୟବହାର କରିବେ । ଚାକିରିରେ ପଦୋନ୍ନତିସହ ଆର୍ଥଲାଭ ହେବ । ସ୍ଥାନାନ୍ତର ନହୋଇ ଥିଲେ, ବର୍ଷର ଆରମ୍ଭରେ ଉତ୍ତମ ସ୍ଥାନରେ ଅବସ୍ଥାପିତ ହେବେ । ନିଜର ପ୍ରତିଷ୍ଠା ଓ ସୁନାମ ବଢିବ ଆୟ ମଧ୍ୟ ଉତ୍ତମ ହେବ । କଳବଳ ଖଟାଇ ନିଜର ସ୍ଥାନକୁ କୌଣସିମତେ ଦୃଢ ରଖି ପାରିବେ । ଗସ୍ତ କାର୍ଯ୍ୟକ୍ରମ ସ୍ଥଳରେ ବହୁ ସମୟ ବାହାରେ କଟାଇବାକୁ ବାଧ୍ୟ ହେବେ । ଭିନ୍ନ ରାସ୍ତାରେ ଆୟବୃଦ୍ଧିର ଯୋଜନା ମଧ୍ୟ ଚାଲୁରଖିବେ । ରାଜନୀତିରେ ଉଚ୍ଚ କର୍ମକର୍ତ୍ତାଙ୍କ ସମର୍ଥନ ପ୍ରଚୁର ମିଳିବ । ମୁଣ୍ଡ ଉଚ୍ଚାରଖି ଜନ ସମର୍ଥନର ଅଧିକାରୀ ହୋଇ ସାହାଯ୍ୟ-ସହଯୋଗ ଲାଭ କରିବେ । କୃଷିଜୀବୀମାନେ ଊଣା ଅଧିକ ରୂପରେ ଲାଭବାନ ହେବାର ସମ୍ଭାବନା ରହିଛି । ଚାଷରେ ଏ ବର୍ଷ କୌଣସି ବାଧା ବନ୍ଧନ ନମାନି ଆଗେଇ ଯିବାର ସୁଯୋଗ ପାଇବେ ।ତୈଳବୀଜ ଓ ରବି ଫସଲ ପ୍ରଚୁର ପରିମାଣରେ ଅମଳ କରି ଆର୍ଥିକ ସ୍ଥିତିକୁ ମଜଭୁତ କରିବେ । କ୍ଷେତରୁ ବେଶ୍ ଲାଭବାନ ହୋଇ ପାରିବେ । ଲୁହା, କାଠ, କୋଇଲା, କଳକବ୍ଜା, ବ୍ୟବସାୟରୁ, କଣ୍ଟ୍ରାକ୍ଟରୀରୁ ଯଥେଷ୍ଟ ଲାଭ ଉଠାଇବେ । ପରିବହନ ବ୍ୟବସାୟରେ କ୍ଷତିର ଆଶଙ୍କା ରହିଛି ।
ପ୍ରତିକାର:
ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ଶନିଯନ୍ତ୍ର ପୂଜାକରିବା ସହ ଛିନ୍ନମସ୍ତାଙ୍କ କବଚ ଧାରଣ କରିବେ । ଗୃହରେ ବା ଗ୍ରହମନ୍ଦିରରେ ଯଜ୍ଞକରି ଦିନ ଦୁଃଖୀଙ୍କୁ ଅନ୍ନବସ୍ତ୍ର ଦାନ ଦିଅନ୍ତୁ । ଅନ୍ଧ, ବିଧବା ଅସହାୟା ମାନଙ୍କୁ ସାହାଯ୍ୟ କରି ଗୋମାତାର ସେବାକରିବା ଆବଶ୍ୟକ । ଭିକାରୀ ଓ କୁକୁରକୁ ଖାଦ୍ୟ ଦିଅନ୍ତୁ ।