 ମେଷ |  ବୃଷ |  ମିଥୁନ |  କର୍କଟ |
 ସିଂହ |  କନ୍ୟା |  ତୁଳା |  ବିଛା |
 ଧନୁ |  ମକର |  କୁମ୍ଭ |  ମୀନ |
Yearly Horoscope Tula
ତୁଳା ରାଶି
ବର୍ଷ ଆରମ୍ଭରୁ ରବି, ଶୁକ୍ର ଓ ଶନି ତୃତୀୟରେ, ଚନ୍ଦ୍ର ନବମରେ, ମଙ୍ଗଳ ଓ ଗୁରୁ ସ୍ଵରାଶିରେ, ବୁଧ ଦ୍ଵିତୀୟରେ, ରାହୁ ଦଶମରେ ଓ କେତୁ ଚତୁର୍ଥରେ ଅବସ୍ଥାନ କରିଛନ୍ତି ।
ବାର୍ଷିକ ରାଶିଫଳ ତୁଳା ୨୦୧୮
ବାର୍ଷିକ ଶୁଭାଶୁଭ ଫଳ:
ତୁଳାରାଶି ଜାତ ବ୍ୟକ୍ତିଙ୍କ ପାଇଁ ଶୁଭଫଳର ପରିମାଣ ଅତ୍ୟନ୍ତ ଅଧିକ ହେବ । ଶତକଡା ୭୦ଭାଗ ଶୁଭଫଳ ଭୋଗ କରିବେ । ତେଣୁ ବର୍ଷ ଆରମ୍ଭରୁ ଯଥାବିଧି ପ୍ରତିକାର କରିଚାଲିବା ଆବଶ୍ୟକ । କର୍ମକ୍ଷେତ୍ରରେ କେହି ଉତ୍ତମ ବ୍ୟକ୍ତି ସାହାଯ୍ୟ-ସହଯୋଗ କରିବେ । ଶତ୍ରୁମାନେ ପଛେଇଯିବେ ରୁଣ ଓ ରୋଗ ପୀଡାରୁ ନିସ୍ତାର ପାଇବେ । କୌଣସି ଦିଗରୁ ପ୍ରବଳ ଲାଭବାନ ହେବେ । ନିଜ ବୁଦ୍ଧିରେ ବାଟ ଚାଲିବାକୁ ଚେଷ୍ଟା କରନ୍ତୁ । ପାରିବାରିକ ସ୍ତରରେ ଭୁଲ ବୁଝାମଣା ଦୂରେଇଯାଇ ସୁଖ- ଶାନ୍ତିଅତୁଟ ରହିବ । ଉନ୍ନତିମୂଳକ ପଦକ୍ଷେପରେ ବାଧା ପ୍ରତିରୋଧ ହଟିଯିବ, ଦାମ୍ପତ୍ୟ ସୁଖବୃଦ୍ଧି ହେତୁ ଆନନ୍ଦିତ ହେବେ । ସାମାଜିକ କ୍ଷେତ୍ରରେ ଶାନ୍ତଶିଷ୍ଟ, ସତ୍ୟବାଦୀ, ଶାସ୍ତ୍ରପୁରାଣପ୍ରିୟ, ଧର୍ମାତ୍ମା, ଗୁରୁବ୍ରାହ୍ମଣ ଭକ୍ତ, ପରିଜନ ଓ ସାଧୁଜନପ୍ରିୟ, ସରଳ ହୃଦୟ, ବୁଦ୍ଧିମାନ, ଧୈର୍ଯ୍ୟବାନ, ସାଧୁସ୍ଵଭାବ ପ୍ରକାଶ ପାଇବ । ପରର ଅନିଷ୍ଟ ଚିନ୍ତା କରିବେ ନାହିଁ ଏବଂ ନ୍ୟାୟ ବାଟରେ ଚାଲିଲେ କ୍ରମଶଃ ବିପତ୍ତି କଟିବା ଫଳରେ ସୁଖ ସୌଭାଗ୍ୟ ବୃଦ୍ଧି ଓ ପାରିବାରିକ ବ୍ୟବସ୍ଥା ପରି ବର୍ତ୍ତନ ସାଙ୍ଗକୁ ଅର୍ଥସଙ୍କଟରୁ ମୁକ୍ତି ମିଳିବ । ନିଜର ବାପା, ମା, ଭାଇ, ଭଉଣୀଙ୍କ କଥା ବୁଝିବାକୁ ବେଶି ଆଗଭର ହେବେ। ଇନ୍ଦ୍ରିୟପରାୟଣତା ଓ ବିଷୟବାସନା ଉପରେ ଅଧିକ ଗୁରୁତ୍ଵ ଦେବେ। ପରଧନ ଭୋଗ କରିବାର ଲାଳସା ଓ ଯୁକ୍ତି-ତର୍କରେ ଦକ୍ଷତା ସହ ବ୍ୟବହାରିକ ବିଜ୍ଞାନ ଓ ଦର୍ଶନର ଗଭୀରତା ଭିତରକୁ ଟାଣିହୋଇ ଯିବେ ।
ମହିଳା ମାନଙ୍କ ପାଇଁ:
ଗୃହିଣୀ ମାନଙ୍କ ପାଇଁ ଶ୍ଵାସରୋଧକର ସମସ୍ୟା ଦୂରହୋଇ ଯିବ । ମର୍ଯ୍ୟାଦା ଆଖୁର୍ଣ୍ଣ ରହିବ । କର୍ତ୍ତବ୍ୟ କର୍ମ ଦିଗଟି ସ୍ଵଚ୍ଛନ୍ଦ ହୋଇ ସବୁ ଦିଗରୁ ଶାନ୍ତି ମିଳିବ । ଆବଦ୍ଧ ଯୋଗ ଦୂରେଇ ଗଲାଭଳି ଅନୁଭୂତି ମିଳିବ । ପାରିବାରିକ କ୍ଷେତ୍ରରେ ସମ୍ମାନର ସହିତ ଦିନଚର୍ଯ୍ୟା କରି ସୁଖେ-ଦୁଃଖେ ଚଳିବାରେ ବାଧା ଉପୁଜିବ ନାହିଁ । କର୍ମକ୍ଷେତ୍ରଟି ହାତଛଡା ହେବାର ନାହିଁ । ସଚ୍ଚରିତ୍ର, ସୁଗୃହିଣୀ, ବିନୀତା, ଓଜସ୍ଵିନୀଭାଷିକା, ସନ୍ତାନବତ୍ସଳା, ସ୍ନେହମମତାପୂର୍ଣ୍ଣା, ପତୀବ୍ରତା ଓ ବନ୍ଧୁମାନଙ୍କ ହିତୈଷିଣୀ ହେବେ । ପରିବାରରେ ଆଦରଣୀୟା ହୋଇ ସୁଖଭୋଗ କରିବେ । ଚାକିରି କ୍ଷେତ୍ରରେ ଉନ୍ନତି କରିପାରିବେ। ନ୍ୟାୟମାର୍ଗ ଓ ମିଷ୍ଟ ବଚନ ଆପଣଙ୍କର ଭୂଷଣହେବ । ନିକଟସ୍ଥ ସ୍ଥାନମାନଙ୍କରେ ଭ୍ରମଣକରି ବେଶ୍ ଆନନ୍ଦ ଅନୁଭବ କରିବେ । ପ୍ରବାସରେ ମଧ୍ୟ କେତେକ କ୍ଷେତ୍ରରେ ଉନ୍ନତିକର ହେବ । ଅଧିକ ଭାଗ୍ୟବାଦିନୀ ହୋଇ ନିଜ ଗୋଡରେ ନିଜେ ଠିଆ ହେବାକୁ ସାହସ ବାନ୍ଧିବେ । କୁମାରୀ ଓ ଯୁବତୀମାନେ ଉତ୍ତରାଧିକାରୀ ସୂତ୍ରରୁ କିଛି ଧନ ସମ୍ପତ୍ତି ପାଇବାର ଯୋଗ ଅଛି । ସ୍ଵାର୍ଥକୁ କେନ୍ଦ୍ରକରି ସବୁଥିରେ ହସ୍ତକ୍ଷେପ କରି ସୁଯୋଗ ହାସଲ କରିବେ । ପଶୁ ସମ୍ପଦ, ଧନ ସମ୍ପତିରେ ଘର ହସି ଉଠିବ । ଶିକ୍ଷୟତ୍ରୀ, ସିଲାଇକାରିଣୀ, ଲେଖିକା ବା ଚାକିରିରେ ଉତ୍ତମ ରୋଜଗାର କରିପାରିବେ । ସମାଜ ସେବା ଓ ରାଜନୀତିରେ ସ୍ଵନାମ ଅର୍ଜନ କରିପାରିବେ ।
ସ୍ଵାସ୍ଥ୍ୟ:
ଶାରୀରିକ ସ୍ୱାସ୍ଥ୍ୟ ଭଲ ରହିବ । ମାନସିକ ଦୁର୍ବଳତା ଲାଗି ରହିବ । ସ୍ଫୁର୍ତ୍ତି ହ୍ରାସ ପାଇବ । ଶର୍ଦ୍ଦି- ଶ୍ଲେଷ୍ମା ପ୍ରକୋପର କବଳିତ ହୋଇ ହନ୍ତସନ୍ତ ହେବେ । ପୁରୁଣା ରୋଗର ପୀଡା ବୃଦ୍ଧି ପାଇବ । ଏପରିକି ଶଜ୍ୟାଶାୟୀ ହେବାର ଆଶା କରାଯାଇ ପାରେ । ଦେହ ସୁଦୃଢ ଥିବାରୁ ସହଜରେ ରୋଗରେ ପଡିବା ସମ୍ଭବ ନୁହେଁ । ଅଯଥା ମନ ବ୍ୟାଧିରେ ଆଖିରୋଗ ସହିତ ଟାଇଫଏଡ, ଯକ୍ଷ୍ମା, ଜଣ୍ଡିସ, ଆମାଶୟ, ଅମ୍ଳ, ଅଜୀର୍ଣ୍ଣ ପ୍ରଭୃତି ରୋଗ ଦେଖା ଦେଇପାରେ । ମାଛ, ଛେନା, ପାଳଙ୍ଗ, ବାଦାମ, ଦହି ଓ ଲେମ୍ବୁ ସରବତ ପ୍ରଭୃତି ଖାଇବା ହିତକର ।
ଛାତ୍ର ଛାତ୍ରୀ ମାନଙ୍କ ପାଇଁ:
ଶିକ୍ଷାର୍ଥୀମାନଙ୍କ ପାଇଁ କେତେକ ଦିଗରୁ ଅନୁକୂଳ ହେବା ସତ୍ତ୍ୱେ ମୋଟାମୋଟି ସୁଫଳ ପାଇବେ । ପରିଶ୍ରମର ମୂଲ୍ୟ ମିଳିବା ହେତୁ ଉଚ୍ଚାକାଂକ୍ଷା ଜାଗ୍ରତ ହେବ ଓ ଅଧ୍ୟୟନ ପ୍ରତି ଉତ୍ସର୍ଗିକୃତ ହେବେ । ଅଧ୍ୟବସାୟର ଉତ୍ତମ ଫଳ ଆସ୍ଵାଦନ ନିମନ୍ତେ ଉଚ୍ଚଶିକ୍ଷା ଯୋଜନା ଚିଠା ପ୍ରସ୍ତୁତ କରିବେ । ଯୋଜନା ଫଳପ୍ରସୂ ହେବା ସହଜ ସରଳ ହୋଇଯିବ । ଫଳରେ ଶିକ୍ଷାରେ ଦ୍ରୁତ ଗତି ଅତିଷ୍ଠକର ହେବ । ବିଦ୍ୟାଦତା ଯନ୍ତ୍ର ପୂଜା କରିବା ନିତ୍ୟାନ୍ତ ଆବଶ୍ୟକ।
ପାରିବାରିକ:
ପାରିବାରିକ କ୍ଷେତ୍ରରେ ସନ୍ତାନ-ସନ୍ତତିଙ୍କ କାରଣରୁ ଶ୍ନେହ-ସୌହାର୍ଦ୍ଦ୍ୟ ବୃଦ୍ଧି ହେବ । ଧର୍ମାନୁଷ୍ଠାନ ସଂପୃକ୍ତି ଘଟିପାରେ । ଆୟ ଦିଗଟି ଉତ୍ତମ । ଅଯଥା ବ୍ୟୟକୁ ରୋକିଲେ ଦଇବି କୃପା ମିଳିବ ଓ ବୈଷୟିକ ଉନ୍ନତି ମଧ୍ୟ ହେବ । କେତେକ କ୍ଷେତ୍ରରେ ଅସ୍ଥିରତା ଓ ଅଶାନ୍ତି ଦୂରେଇଯିବ । ପରସ୍ପର ପ୍ରତି ବିଶ୍ଵାସ ଭରସା ନିଷ୍ଠା ଜନିତ ଯେଉଁ ଆନ୍ତିରକତା ବୁଝାମଣା ଆତ୍ମିକ ବନ୍ଧନକୁ ସୁଦୃଢ କରି ରଖିବ । ଯାହାର ପ୍ରଭାବରେ ପ୍ରତିକୂଳ ସ୍ରୋତକୁ ଆତିକ୍ରମ କରିହେବ । ସିଧା ଓ ଟାଣୁଆ ଶକ୍ତି ଆର୍ଥିକ ସ୍ଥିତିକୁ ସୁଦୃଢକରି ସ୍ଥିର ହିସାବରେ ଚଳିବାରେ ପ୍ରେରଣା ପ୍ରଦାନ କରିବ । କୁଳଶ୍ରେଷ୍ଠ ଓ କୀର୍ତ୍ତିଶାଳୀ ଭଳି ଦିବ୍ୟ ଗୁଣ ଗୁଡିକ ଠୁଳ ହେବ । ବ୍ୟକ୍ତିଗତ ସୁଖ, ଦୁଃଖ ତଥା ମନର ଭାବ କେହି ଠିକ୍ ଭାବେ ଠଉରେଇ ପାରିବେ ନାହିଁ । ଜଣେ ସତ୍ ପରାମର୍ଶଦାତା, ଶିକ୍ଷକ, ଦାର୍ଶନିକ, ଉପଦେଷ୍ଠା, ଆଇନଜ୍ଞ, ବୈଜ୍ଞ।ନିକ, କର୍ତ୍ତବ୍ୟନିଷ୍ଠ, କର୍ମଠ, ସଚ୍ଚୋଟ ବ୍ୟକ୍ତିରୁପେ ସମାଜର ସ୍ଵୀକୃତି ପାଇବେ । କର୍ତ୍ତବ୍ୟନିଷ୍ଠ, ଉଦ୍ୟମୀ, ଦକ୍ଷ, ଜନପ୍ରିୟ, ସିଦ୍ଧହସ୍ତା, କବି, ସୁବକ୍ତା, ଧାର୍ମିକ, ବନ୍ଧୁ-ବାନ୍ଧବ ପ୍ରିୟ, ଗୁରୁଦେବତାରେ ଭକ୍ତି ଭଳି ନିଷ୍କଳଙ୍କ ଗୁଣଗୁଡିକରେ ଭୂଷିତ ହେବେ ।
ବ୍ୟବସାୟ ଓ ଚାକିରି:
ବ୍ୟବସାୟୀମାନଙ୍କ ପାଇଁ କାରବାର କ୍ଷେତ୍ରରେ ଅବନତି ଘଟିବ ନାହିଁ । କାରବାର ଦିଗରୁ ପ୍ରଚୁର ଲାଭବାନ୍ ହେବେ। ନିଜର ପ୍ରତିପତ୍ତି ବିସ୍ତାର କରି ପାରିବେ । ସଂସ୍ଥା ମଧ୍ୟରେ ବିରୋଧୀ ତତ୍ତ୍ଵ ସକ୍ରିୟ ହେଲେ ମଧ୍ୟ ଗତାନୁଗତିକ ଭାବେ ଅତିବାହିତ ହେବ । କିନ୍ତୁ ସତ୍ୟର ଜୟ ହେବ ଓ ଭୁଲ୍ ଠିକ୍ ଜାଣିହେବ । କୋର୍ଟ-କଚେରୀ ମାମଲାରେ ଖର୍ଚ୍ଚ ବଢିବ । ଶ୍ରମିକ ଓ କର୍ମଚାରୀମାନେ ଆରମ୍ଭରୁ ଖାମଖିଆଲ କରି ପତନ ଅଭିମୁଖୀ ହୋଇ ପାରନ୍ତି । ସ୍ଥଳ ବିଶେଷରେ ବିଦ୍ରୋହ ବା ଅଶାନ୍ତିର ମୁହାଁମୂହିଁ ହୋଇ ଧନମାନ ଦିଗରୁ ସୁରକ୍ଷିତ ରହିବେ । ବିଶେଷ ଧୈର୍ଯ୍ୟଧାରୀ ଓ ପରିଶ୍ରମୀ ନ ହେଲେ ବ୍ୟବସାୟକୁ ରକ୍ଷା କରିବା କାଠିକର ପାଠ ହେବ । କର୍ମକ୍ଷେତ୍ରରେ ବିବାଦୀୟ ସ୍ଥିତି ଓ ଶତ୍ରୁଙ୍କ ସହିତ ପ୍ରତି ନିୟତ ସଂଘର୍ଷ କରି ସମାଧାନର ରାସ୍ତା ପ୍ରସ୍ତୁତ କରିବେ । ଉପରିସ୍ଥ ଓ କିଛି ସହକର୍ମୀ ଭୁଲ୍ ବୁଝି ମତାନ୍ତର ସୃଷ୍ଟି ହେବ । ରାଜନୀତି କ୍ଷେତ୍ରରେ ସ୍ଵାଭିମାନ ରକ୍ଷା ପାଇଁ ସଙ୍ଘର୍ଷରତ ହେବେ ଓ ଶତ୍ରୁ ବା ବିରୋଧୀମାନେ ଭୂମିଗତ ହେବେ । ଏପରିକି ଭାବମୂର୍ତ୍ତି ଅମଳିନ ରହିବ । କୃଷି ଜୀବୀମାନେ ସତ୍ୟ ଧର୍ମ ଉପରେ ଆସ୍ତାରଖି କାଳାତିପାତ କରିବେ ଅଭାବ ଅସୁବିଧାର ଦିନ ଦୂରେଇ ଯିବ । ଆମୋଦ-ପ୍ରମୋଦ, କ୍ରିଡା, ଆଡମ୍ବରରେ ଆଗ୍ରହ ବଢିବ । ଯଥାର୍ଥ କର୍ମ ଯୋଗୀ, ଉତ୍ସାହୀ, ଶିଳ୍ପୀ, ସହିତ୍ୟିକ, ସଂଗୀତଜ୍ଞ, ଯାନ୍ତ୍ରିକ ଭାବେ କ୍ଷାତି ଅର୍ଜନ କରିବେ ।
ପ୍ରତିକାର:
ଗୁରୁଙ୍କ ପାଇଁ ପ୍ରତିକାର କରଣୀୟ । ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ଶ୍ରୀ ଯନ୍ତ୍ର ପୂଜାକରିବା ସହ ଉଗ୍ରତାରାଙ୍କ କବଚ ଧାରଣ କରିବେ । ବ୍ରାହ୍ମଣ, ଅନ୍ଧ, ବିଧବା ଅସହାୟା ମାନଙ୍କୁ ସାହାଯ୍ୟ କରନ୍ତୁ । ଗୋମାତାର ସେବାକରିବା ଆବଶ୍ୟକ । କୁକୁରକୁ ଖାଦ୍ୟ ଦିଅନ୍ତୁ ।