Yearly Bichha Rashiphala

ଶେୟାର କରନ୍ତୁ ଅନ୍ୟମାନକ ସହିତ

Mesha barsika rasifala
ମେଷ
yearly odia rasiphala for brusha
ବୃଷ
Mithuna odia rasifala 2018
ମିଥୁନ
Karkata oriya barshika rashiphala
କର୍କଟ
Singha barsika horoscope
ସିଂହ
Kanya rashi phal for 2018
କନ୍ୟା
Libra odia horoscope Tula
ତୁଳା
Bichha this year rasifala
ବିଛା
Dhanu rasi astrology 2018
ଧନୁ
Barsika Makara oriya horoscope
ମକର
Odia Kumbha yearly rasifala
କୁମ୍ଭ
Odia Mina 2018 rasifala
ମୀନ

Yearly Horoscope Bichha

ବିଛା ରାଶି

ବର୍ଷ ଆରମ୍ଭରୁ ରବି, ଶୁକ୍ର ଓ ଶନି ଦ୍ଵିତୀୟରେ, ଚନ୍ଦ୍ର ଅଷ୍ଟମରେ, ମଙ୍ଗଳ ଓ ଗୂରୁ ଦ୍ଵାଦଶରେ, ବୁଧ ସ୍ଵରାଶିରେ, ରାହୁ ନବମରେ ଓ କେତୁ ତୃତୀୟରେ ଅବସ୍ଥାନ କରିଛନ୍ତି ।


 

ବାର୍ଷିକ ରାଶିଫଳ ବିଛା ୨୦୧୮

ଦୈନିକ ସାପ୍ତାହିକ ମାସିକ ବାର୍ଷିକ

ବାର୍ଷିକ ଶୁଭାଶୁଭ ଫଳ: 

ବିଛାରାଶି ଜାତ ବ୍ୟକ୍ତିଙ୍କ ପାଇଁ ଅଶୁଭଫଳର ପରିମାଣ ଅତ୍ୟନ୍ତ ଅଧିକ ହେବ । ଶତକଡା ୮୦ଭାଗ ଅଶୁଭଫଳ ଭୋଗ କରିବେ । ତେଣୁ ବର୍ଷ ଆରମ୍ଭରୁ ଯଥାବିଧି ପ୍ରତିକାର କରିଚାଲିବା ଆବଶ୍ୟକ । ମନୋବଳ ଅତୁଟ ରହିବ । ପ୍ରତିଯୋଗୀତା କ୍ଷେତ୍ରରେ ନିଜର ସ୍ଵାତନ୍ତ୍ର୍ୟ ସୁରକ୍ଷିତ ରଖି ଆଗେଇ ପାରିବାର ସାମର୍ଥ୍ୟ ଯୁଟିବ । କଠିନ ପରିଶ୍ରମ ଦ୍ଵାରା ଉତ୍ତମ ଭାବମୂର୍ତ୍ତି ଅତୁଟ ରହିବ । କିନ୍ତୁ ନିଜ ଲୋକଙ୍କ ପ୍ରତି କର୍ତ୍ତବ୍ୟରେ ଅବହେଳା ଘଟିବା ଫଳରେ ପ୍ରତ୍ୟକ୍ଷକିମ୍ବା ପରୋକ୍ଷ ବିରୋଧର ସାମୟିକ ଭାବେ ଚାପ ପଡିବ । ଦୌଡଧାପରୁ ବିଶ୍ରାମ ମିଳିବାର ନାହିଁ । ଯନ୍ତ୍ରଭଳି ଖଟଣି ଲାଗିରହିବ ଓ ତାହାର ମୂଲ୍ୟ ମଧ୍ୟ ପାଇ ପାରିବେ । ମନରେ ସ୍ଵାର୍ଥପରତା ଓ ନିଜର ପ୍ରତିଷ୍ଠା ସୁନାମ ବଢିବ । ପାରିବାରିକ ଜୀବନ ସୁଖ-ସନ୍ତୋଷରେ କଟିବ । ସମସ୍ତ ବାଧାବିଘ୍ନକୁ ଭ୍ରୂକ୍ଷେପ ନକରି ନିଜର ସିଦ୍ଧାନ୍ତରେ ଅଟଳ ରହିବେ । ଧର୍ମ କର୍ମ ବା ଇଷ୍ଟ ସାଧନାରେ ରତରହି ଆବଦ୍ଧ ଯୋଗରୁ ମୁକୁଳି, ପାରିବାରିକ ଶାନ୍ତି- ଶୃଙ୍ଖଳା ବୃଦ୍ଧି କରିବା ଓ ଗଠନମୂଳକ ଚିନ୍ତା ଯୁକ୍ତ ହୋଇ ଆନୁସଙ୍ଗିକ ପ୍ରସ୍ତୁତି ଆରମ୍ଭ କରିବେ । ଶୋଷିତ ଓ ନିର୍ଯାତିତଙ୍କ ବିଡମ୍ବନାକୁ ମୁଣ୍ଡେଇ ଦୃଢ ମନୋବଳରେ ଆଗେଇ ଚାଲିଲେ ସାଫଲ୍ୟ, ଉଚ୍ଚସମ୍ମାନ ଓ ପଦବୀ ଲାଭ ହେବ । ବନ୍ଧୁମାନେ ଈର୍ଷାପରାୟଣ ହେବେ । ନୈରାଶ୍ୟ, ଅର୍ଥାଭାବ ଓ ଦୁଃସମ୍ବାଦ ପ୍ରାପ୍ତିହେବ । ନୂତନ ଯାନ କ୍ରୟ, ନୂତନ ଗୃହନିର୍ମାଣ ଆଦି କରି ପାରିବେ ।

ମହିଳା ମାନଙ୍କ ପାଇଁ:

ଗୃହିଣୀ ମାନଙ୍କ ପାଇଁ ଶ୍ଵାସରୋଧକର ହେବ। ଖଟଣିରୁ ବିଶ୍ରାମ ନପାଇ ବେଳେବେଳେ ଦିକଦାର ହେଲେ ବି କାହାଠାରୁ ସହାନୁଭୁତି ବା ସାନ୍ତ୍ଵନା ପଦେ ଆଶା କରିବା ବୃଥା ହେବ । ଯନ୍ତ୍ରଚାଳିତ ସ୍ଥିତିରେ ଗତି କରିବେ ଓ ଭୋଗବିଳାସ ସ୍ଵପ୍ନ ପ୍ରାୟ ହେବ । କର୍ମକ୍ଷେତ୍ରରେ କର୍ମକୁ ଗୁରୁତ୍ଵ ଦେଇ ଆଗେଇ ଚାଲିଲେ ମଧ୍ୟ ଘରଲୋକଙ୍କ ଅଶାନ୍ତି ବୃଦ୍ଧି ପାଇବ । ପାରିବାରିକଜୀବନ ସୁଖ ଦୁଖରେ କାଟିବେ । ବିବାହରେ ବଧା ଦେଖାଦେଇ ବିବାହ କାର୍ଯ୍ୟ ସମ୍ପନ୍ନ ହେବ । ଅତି ନିକଟର ବନ୍ଧୁବାନ୍ଧବଙ୍କସହ ଅପ୍ରିୟତା ସୃଷ୍ଟିହେବ । ସନ୍ତାନ ସନ୍ତତି ମାନଙ୍କପାଇଁ ବର୍ଷ ଫଳ ଉତ୍ତମ । ଯଥେଷ୍ଟ ଆର୍ଥିକ ଉନ୍ନତି ଘଟିବ ଓ କର୍ମକ୍ଷେତ୍ରରେ ଶୁଭ ଫଳ ପାଇବେ । ଚାକିରିରେ ପଦୋନ୍ନତିସହ ଆର୍ଥଲାଭ ହେବ । ବର୍ଷର ଆରମ୍ଭରେ ଉତ୍ତମ ସ୍ଥାନରେ ଅବସ୍ଥାପିତ ହେବେ । ଆୟ ମଧ୍ୟ ଉତ୍ତମ ହେବ ।

ସ୍ଵାସ୍ଥ୍ୟ:

କ୍ଳାନ୍ତି ଓ ଅବସନ୍ନତାରୁ ମୁକ୍ତି ନମିଳିବା ବେଳକୁ ଉଦରପୀଡାର ସମ୍ମୁଖୀନ ହେବା ସ୍ଵାଭାବିକ । ଖାଦ୍ୟପେୟ ଓ ବିଶ୍ରାମରେ ନିୟମିତତା ନରଖି ଏପରି ବିଡମ୍ବନାର କବଳିତ ହୋଇପାରନ୍ତି । କିନ୍ତୁ ମନୋବଳ ପ୍ରତି ଆଞ୍ଚ୍ ଆସିବାର ନାହିଁ । ଦେହ ସୁସ୍ଥ ରହିଲେ ମଧ୍ୟ ଅଧିକାଂଶ ସମୟ ସନ୍ଧିମୂଳ ଓ ଅଣ୍ଟା କମରରେ ପୀଡା କଷ୍ଟ ଭୋଗିବେ । ବାତ ରୋଗୀମାନଙ୍କ ପାଇଁ ବର୍ଷଟି ସଂପୂର୍ଣ୍ଣ ଅଶୁଭ । ଜ୍ଵର, ଟାଇଫଏଡ ବା ରକ୍ତାମାଶୟଆଦି ରୋଗରେ ପୀଡିତାହେବା ଅଶଙ୍କାରହୁଛି । ପରିବାରରେ ପ୍ରାୟ ସମସ୍ତଙ୍କ ଦେହ ଅଳ୍ପ ବହୁତ ଅସୁସ୍ଥ ରହିବ । ବୃଦ୍ଧ ପିତାଙ୍କର ଅସୁସ୍ଥତା କ୍ରମେ ବଢିବ ଓ ପିତୃପକ୍ଷେ ଏ ବର୍ଷଟି ଭଲ ନୁହେଁ ।

ଛାତ୍ର ଛାତ୍ରୀ ମାନଙ୍କ ପାଇଁ:

ଶିକ୍ଷାର୍ଥୀମାନଙ୍କ ପାଇଁ ବୋଝପରି ମନେହେବ । ଭ୍ରମଣଯୋଗ ଆସିଲେ ବି ପାରିପାର୍ଶ୍ଵିକ ସ୍ଥିତି ବିରୋଧ କରିବ । ପଢାପଢିରେ ମନ ଲାଗିବ । ଭବିଷ୍ୟତ ଗଠନର ଯୋଜନାକୁ କାର୍ଯ୍ୟରୂପ ଦେଇ କଠିନ ଅଧ୍ୟବସାୟ ଦେଇ ଘୋଷାଡ଼ି ହୋଇ ଆଗେଇବେ । ବର୍ଷଟି ବେଶ ସୁଖରେ କାଟିବେ। କୌଣସି ଶିକ୍ଷାଅନୁଷ୍ଠାନରେ ଯୋଗ ଦେବାର ସୁବିଧା ସୁଯୋଗ ଆସିବ । ପଢାପଢିରେ ପ୍ରାୟ ଲାଗି ରହିବେ ଓ ପରୀକ୍ଷାରେ କୃତକାର୍ଯ୍ୟ ହୋଇ ଉଚ୍ଚଶ୍ରେଣୀ ପାଇବେ ଏବଂ ଉଚ୍ଚଶିକ୍ଷା ପାଇବାର ସୁଯୋଗ ମଧ୍ୟ ପାଇବେ । ବ୍ୟବହାର କୁଶଳତାକୁ ଆଧାରକରୀ ସହପାଠୀ ଓ ନିମ୍ନବର୍ଗର ସହାୟତା ପ୍ରାପ୍ତିହେବ । ପ୍ରତ୍ୟେକ କ୍ଷେତ୍ରରେ ଉଚ୍ଚସ୍ଥିତି ରକ୍ଷା କରି ଚଳିବେ । ବୈଷୟିକ ବିଦ୍ୟା ଅଧ୍ୟୟନ କରି ସନ୍ତୋଷ ହେବେ । ଶିକ୍ଷକ ଓ ସହପାଠୀମାନଙ୍କ ମଧ୍ୟରେ ସମନ୍ଵୟ ରହିବ ଓ ବନ୍ଧୁତ୍ଵ ବୃଦ୍ଧି ପାଇବ । ପ୍ରତିଯୋଗିତାମୂଳକ କାର୍ଯ୍ୟରେ କୃତିତ୍ଵ ଲାଭ କରିବେ ।

ପାରିବାରିକ:

ପାରିବାରିକ କ୍ଷେତ୍ରରେ କାହାକୁ ସହଯୋଗ କରି ହେବ ନାହିଁ କିମ୍ବା କାହାଠାରୁ ସହଯୋଗ ଆଶା କରିବା ମଧ୍ୟ ବ୍ୟର୍ଥ ସାବିତ ହେବ । ମାତୃ ବା ମାତୃସ୍ଥାନୀୟା ବ୍ୟକ୍ତିଙ୍କ ପାଇଁ ବନ୍ଧୁବାନ୍ଧବଙ୍କ ସହ ମନାନ୍ତର ସୃଷ୍ଟି ହେବ । ସନ୍ତାନ ଭଳି ଦ୍ରବ୍ୟ ଲାଭ ହେବ । ପୁତ୍ର କନ୍ୟାମାନଙ୍କର ଉନ୍ନତ୍ତି ଓ ଅଗ୍ରଗତି ଘଟିବ । ପୁତ୍ର କନ୍ୟାର ବିବାହ କାର୍ଯ୍ୟରେ ମଧ୍ୟ ସଫଳ ହେବେ । ଆୟ ଉତ୍ତମ ହେବ । ଆର୍ଥିକ ସ୍ଥିତି ସ୍ଵଛଳ ରହିବ । କେତେ ମୁଲ୍ୟବାନ ଆସବାବ ପତ୍ର କ୍ରୟ କରିବେ । ଜୀବନର ଘୋଡାଦୌଡରେ ସାମିଲ ହୋଇ ଆୟଦିଗ ଠିକ୍ ରହିବ, ମାତ୍ର ବ୍ୟୟର ଆଧିକ୍ୟ ହେତୁ ନିଅଣ୍ଟିଆ ସ୍ଥିତି ଦେଖାଦେଇ ପାରେ । ଦାମ୍ପତ୍ୟ ଜୀବନ ସୁଖରେ କଟିବ ।

ବ୍ୟବସାୟ ଓ ଚାକିରି:

ବ୍ୟବସାୟୀମାନଙ୍କ ପାଇଁ ଅତ୍ୟନ୍ତ ଶୁଭପ୍ରଦ ହେବ । ବ୍ୟବସାୟ କ୍ଷେତ୍ରରେ ଲୁଗାପଟା ଓ ସୌଖୀନ ଦ୍ରବ୍ୟର ବ୍ୟବସାୟୀମାନେ ଦ୍ଵିଗୁଣ ଲାଭ କରିବେ । କଳକାରଖାନା ବା ଯନ୍ତ୍ରପାତି ବ୍ୟବସାୟରେ ପ୍ରବଳ ଲାଭ ହେବ । ଲୁହା, କାଠ, କୋଇଲା, କଳକବ୍ଜା, ବ୍ୟବସାୟରୁ, କଣ୍ଟ୍ରାକ୍ଟରୀରୁ ଯଥେଷ୍ଟ ଲାଭ ଉଠାଇବେ । ପରିବହନ ବ୍ୟବସାୟରେ ଓ ପାର୍ଟନରସିପ ବ୍ୟବ ସାୟରେ ଲାଭ ଅପରି ବର୍ତିତ ରହିବ । ରପ୍ତାନି ବାଣିଜ୍ୟରୁ ଯଥେଷ୍ଟ ଲାଭ ମିଳିବ । କର୍ମ ସଂସ୍ଥାନ, ଶିଳ୍ପପ୍ରତିଷ୍ଠା ବା ଯୋଜନା ସାଫଲ୍ୟଦାୟକ ହେବ । ଯାନବାହାନ ବ୍ୟବସାୟରେ ତଥା ଭ୍ରମଣ ସଙ୍କ୍ରାନ୍ତିୟ ବ୍ୟବସାୟ ରେ ଲାଭବାନ ହେବେ । ବହୁ କ୍ଷେତ୍ରେ ପ୍ରିୟତା, ଶ୍ରମିକ ଓ କର୍ମଚାରୀମାନେ ନିଜେ ଲାଭବାନ ହେବାର ମଉକା ଖୋଜିବେ । ଏଣୁ ଅନ୍ଧଭାବେ ସେମାନଙ୍କ ଉପରେ ଦାୟିତ୍ଵ ଛାଡି ନିଶ୍ଚିନ୍ତ ହୋଇ ପାରିବେ ନାହିଁ । କର୍ମଜୀବୀମାନେ ସାମାନ୍ୟ ବିଶ୍ରାମ ପାଇଲେ ବି ସ୍ଵେଚ୍ଛାକୃତ ଭାବେ ଆଉ ଗୁଡିଏ ଦାୟିତ୍ଵ ମୁଣ୍ଡାଇ ଆରାମରୁ ଦୂରେଇଯିବା ଆଶା । ଘରେ ଓ ବାହାରେ ନୀରବ କର୍ମମୁଖରତା ଲାଗି ରହିବ । କୋର୍ଟ-କଚେରୀ ଦିଗ ପ୍ରତି ଧ୍ୟାନ ରହିବ ନାହିଁ । ଚାକିରି କ୍ଷେତ୍ରରେ ପଦୋନ୍ନତି ନିଶ୍ଚୟ ହେବ । କର୍ମ କ୍ଷେତ୍ରରେ ପ୍ରତ୍ୟେକ ମୁଖରୁ ପ୍ରଶଂସାବାଣୀ ଶୁଣିବେ । ପଦସ୍ଥ ବ୍ୟକ୍ତିଙ୍କର ଆସ୍ଥାଭାଜନ ହେବେ । ବର୍ଷର ପ୍ରଥମାର୍ଦ୍ଧର ଶେଷବେଳକୁ ସ୍ଥାନାନ୍ତରର ସୂଚନା ପାଇବେ । କୃଷକମାନେ ପରିଶ୍ରମକୁ ଈଶ୍ଵରଙ୍କ ଆରାଧନା ମନେକରି ଦ୍ଵିଗୁଣା ଲାଭ ପାଇବେ । କୃଷିରେ ଯଥେଷ୍ଟ ଅଗ୍ରଗତି ଘଟିବ ଓ ଚାଷୀମାନେ ସରକାରୀ ସାହାଯ୍ୟ ଲାଭ କରିବାର ସୁଯୋଗ ପାଇବେ । ରାଜନୈତିକ କ୍ଷେତ୍ରରେ ପଦବୀ ଲାଭ ଓ ରାଜନୀତି କ୍ଷେତ୍ରରେ ବାଧା ବନ୍ଧନ ନମାନି ଆଗେଇ ଯିବାର ସୁଯୋଗ ପାଇବେ । ପ୍ରତିଦ୍ଵନ୍ଦିତାରେ ବିଜୟୀ ହୋଇ ପଦ ପଦବୀରେ ଅଧିଷ୍ଠିତ ହେବେ । ରାଜନୀତିରେ ଘୋଡାଦୌଡର ସମ୍ମୁଖୀନ ହୋଇ ଲୋକସଂପର୍କ ସୀମିତ ହେବାର ଆଶଙ୍କା ବି ରହିଛି ।

ପ୍ରତିକାର: 

ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ନବଗ୍ରହ ଯନ୍ତ୍ର ପୂଜାକରିବା ସହ ତ୍ରିଶକ୍ତିଦେବୀଙ୍କ କବଚ ଧାରଣ କରିବେ । ଗୃହରେ ବା ଗ୍ରହମନ୍ଦିରରେ ଯଜ୍ଞକରି ବ୍ରାହ୍ମଣଙ୍କୁ ଅନ୍ନବସ୍ତ୍ର ଦାନ ଓ ଦକ୍ଷିଣାଦେଇ ସନ୍ତୁଷ୍ଟ କରିବେ । ଭିକାରୀ, କୁଷ୍ଠରୋଗୀ, ଷଣ୍ଢ, ଗାଈ, ଅସହାୟ ବୁଢାବୁଢୀଙ୍କୁ ସାହାଯ୍ୟ କରି ଖାଦ୍ୟପେୟ ଦେଇ ଆପ୍ୟାୟିତ କରିବେ ।


ଶେୟାର କରନ୍ତୁ ଅନ୍ୟମାନକ ସହିତ
error: Content is protected !!