Yearly Mithuna Rashiphala

ଶେୟାର କରନ୍ତୁ ଅନ୍ୟମାନକ ସହିତ
  • 5
    Shares

Mesha barsika rasifala
ମେଷ
yearly odia rasiphala for brusha
ବୃଷ
Mithuna odia rasifala 2018
ମିଥୁନ
Karkata oriya barshika rashiphala
କର୍କଟ
Singha barsika horoscope
ସିଂହ
Kanya rashi phal for 2018
କନ୍ୟା
Libra odia horoscope Tula
ତୁଳା
Bichha this year rasifala
ବିଛା
Dhanu rasi astrology 2018
ଧନୁ
Barsika Makara oriya horoscope
ମକର
Odia Kumbha yearly rasifala
କୁମ୍ଭ
Odia Mina 2018 rasifala
ମୀନ

 


Yearly Horoscope Mithuna

ମିଥୁନ ରାଶି

ବର୍ଷ ଆରମ୍ଭରୁରବି ଶୁକ୍ରଓ ଶନି ସପ୍ତମରେ, ଚନ୍ଦ୍ର ସ୍ଵରାଶିରେ, ମଙ୍ଗଳ ଓ ଗୂରୁ ପଞ୍ଚମରେ, ବୁଧ ଷଷ୍ଠରେ, ରାହୁ ଦ୍ଵିତୀୟରେ ଓ କେତୁ ଅଷ୍ଟମରେ ଅବସ୍ଥାନ କରିଛନ୍ତି।


 

ବାର୍ଷିକ ରାଶିଫଳ ମିଥୁନ ୨୦୧୮

ଦୈନିକ ସାପ୍ତାହିକ ମାସିକ ବାର୍ଷିକ

ବାର୍ଷିକ ଶୁଭାଶୁଭ ଫଳ: 

ମିଥୁନରାଶି ଜାତ ବ୍ୟକ୍ତିଙ୍କ ପାଇଁ ଶୁଭଫଳର ପରିମାଣ ଅତ୍ୟନ୍ତ ଅଧିକ ହେବ। ଶତକଡା ୮୦ଭାଗ ଶୁଭଫଳ ଭୋଗ କରିବେ। ସାମାନ୍ୟ ପ୍ରତିକାର କରିନେବା ଆବଶ୍ୟକ। ଆପଣଙ୍କ ପାଇଁ ଶୁଭଫଳପ୍ରଦ ହେବା ସହିତ ବିଶେଷ ଯୋଗକାରକ ହେବାର ସମ୍ଭାବନା। ଜ୍ଞାନ ଓ ପରିଶ୍ରମର ସଂଯୋଗରେ ଲକ୍ଷ୍ୟ ପ୍ରାପ୍ତି ଘଟିବାର ପଥ ଉନ୍ମୁକ୍ତ ରହିଛି । ଉଦ୍ୟମ କଦାପି ବ୍ୟର୍ଥ ହେବ ନାହିଁ । ଲୋକପ୍ରିୟତା ବୃଦ୍ଧି ହେବ । ନିଜ ଲୋକଙ୍କ ସ୍ନେହ–ସୌହାର୍ଦ୍ଦ୍ୟକୁ ଆଧାର କରି ମନୋବଳ ବୃଦ୍ଧିର ସମ୍ଭାବନା ରହିଛି। ଉଚ୍ଚ ବ୍ୟକ୍ତିତ୍ଵ ବା ପ୍ରତିଭାକୁ ନେଇ ଉଚ୍ଚମନ୍ୟ ହେବାରେ ବାଧା-ପ୍ରତିବନ୍ଧକ ନାହିଁ । ଯୋଜନା ପ୍ରସ୍ତୁତି ସହିତ ତୁରନ୍ତ ତାହା ଅମଳ କରିବାର ପ୍ରଚେଷ୍ଟା ଜାରି ରଖିଲେ ସାଫଲ୍ୟ ହାତମୁଠାରେ ପାଇବେ । ଅବଶ୍ୟ ସତ୍କାର୍ଯ୍ୟରେ ସୁଖ ଓ ଅସତ କ୍ଷେତ୍ରେ କ୍ଳେଶକୁ କେହି ବଦଳାଇ ପାରିବେ ନାହିଁ । ବେଳେବେଳେ କ୍ଳାନ୍ତି ଓ ଅବସନ୍ନତାର ପ୍ରଭାବ କର୍ମବିମୁଖ କଲେ ବି କୌଣସି ଦିଗରୁ ଅନୁପ୍ରେରଣା ମିଳିବା ମାତ୍ରେ ପୁଣି ସତସିଂହର ବଳ-ପରାକ୍ରମ ଘେନି, କର୍ତ୍ତବ୍ୟଭୂମିରେ ନାୟକର ଭୂମିକା ହାସଲ ହେବା ଅବଧାରିତ । ବିକଳ୍ପ ପଥରେ ଆୟର ଅଭୀପ୍ସା ଜାଗିପାରେ, ଯଦିଚ ସେ ସ୍ଥଳରେ ଅପବ୍ୟୟର ଦ୍ଵାର ସାହାଣ ମେଲା ପାଇବେ। ଏଣୁ ବିବେକ-ବୁଦ୍ଧିକୁ ଖୋଲାରଖି ଗତିପଥ ନିର୍ଧାରଣ କରିବାର ସମୟ ଉପଗତ । କିଛି ବିରୋଧୀ-ଶକ୍ତି ପଛରେ ଗୋଡାଇବେ। ଧୈର୍ଯ୍ୟର ସହିତ ଶାନ୍ତି ରକ୍ଷାକରି ନୀରବ କର୍ମମୁଖର ହେଲେ ସ୍ଥାନଚ୍ୟୁତିର ଆଶଙ୍କା ଘଟିବ ନାହିଁ । ମୃଗଶିରା ନକ୍ଷତ୍ରର ବିଶେଷ ଶୁଭଫଳ ବେଳେ ଆର୍ଦ୍ରା ଓ ପୁନର୍ବସୁର ସାଧାରଣ ଶୁଭଫଳ ଭୋଗ ହେବ । ଇଂରାଜୀ ବର୍ଷଟି ଶୁଭାଶୁଭ ମିଶ୍ରିତ ଫଳ ଭୋଗ ହେବ। ମୂଲ୍ୟବାନ ବା ସୌଖୀନ ପଦାର୍ଥ ସଂଗ୍ରହ ତଥା ନିର୍ମାଣ କ୍ଷେତ୍ରରେ ଅଗ୍ରଗତି ନିମନ୍ତେ ସମର୍ଥ ହୋଇ ପାରିବେ ପାରିବାରିକ ସୁଖ ସମୃଦ୍ଧିରେ ମୁଖ୍ୟଭୂମିକା ତୁଲାଇବାର ସୁଯୋଗ ପାଇବେ। ଗଠନମୂଳକ ଚିନ୍ତାଧାରାକୁ ଉଜ୍ଜୀବିତ କରି ଯୋଜନାବଦ୍ଧ ରୀତି ଗ୍ରହଣ କରି ପାରିବେ । କଠିନ ପରିଶ୍ରମ ଯୁକ୍ତ ହେବେ ଓ ନିଜ କ୍ଷେତ୍ରରେ ଭାବମୂର୍ତ୍ତି ସୁରକ୍ଷିତ ରହିବ । କିଛି ନୂତନ ଯୋଜନା ମିଶାଇବା ଫଳରେ ବିଶେଷ ଲାଭବାନ୍ ହେବେ ।

ମହିଳା ମାନଙ୍କ ପାଇଁ:

ଗୃହିଣୀ ମାନଙ୍କ ପାଇଁ ଆଦର-ସ୍ନେହର ଅଭାବ ଘଟିବ ନାହିଁ । ଶୁଭକର୍ମର ପଦଧ୍ଵନି ଶୁଣିବା ଅସମ୍ଭବ ନୁହେଁ । ସୁଖ ଭ୍ରମଣର ସାମାନ୍ୟ ସୁଯୋଗ ବି ରହିଛି । ବିଳାସୋପକରଣ ଆବଶ୍ୟକତା ଦ୍ରବ୍ୟ ପୂରଣ ହେବା ଫଳରେ ଆନନ୍ଦିତ ହୋଇ ପାରିବ । କର୍ମଜୀବିନୀମାନେ ପ୍ରଚୁର ଖଟଣି ମଧ୍ୟେ ଆତ୍ମସନ୍ତୋଷ ଅନ୍ୱେଷଣ କରି ପାରିବେ । ପାରିବାରିକ କ୍ଷେତ୍ରରେ ସାମୟିକ ମତଦୈଧତା ଓ ଆଦର୍ଶଗତ ପାର୍ଥକ୍ୟ ପରିଲକ୍ଷିତ ହେବ । କୁଟୁମ୍ବ ଜନଙ୍କ ସ୍ଵାର୍ଥପରତା ଚିନ୍ତାର କାରଣ ହେବ ।ବନ୍ଧୁବାନ୍ଧବ ଦିଗରୁ ସ୍ଵାର୍ଥପ୍ରବଣତାର ଅଭିବୃଦ୍ଧି ଘଟିବା ଯୋଗେ ନାନା ବାଟରେ ଶୋଷିତ ହେବେ। ସନ୍ତାନ ପାଇଁ ଦୁର୍ଭାବନା ବଢିଯିବ । ବେଳେ ବେଳେ କୃତକର୍ମ ନିମନ୍ତେ ଅବଶୋଷ ଯୁକ୍ତ ହେବେ । ଖର୍ଚ୍ଚ ଭରଣାରେ ଅସୁବିଧା ହେବ ନାହିଁ । ଅବଶ୍ୟକ ଅର୍ଥ ହାତ ପଇଠ ହୋଇ କାମରେ ଲାଗିଯିବ। ସ୍ଥାନାନ୍ତର ବିଷୟରେ ଚିନ୍ତା କରିବା ଦ୍ୱାରା ବର୍ଷସାରା ଅସ୍ଥିରତା ଲାଗି ରହିବ । କୁମାରୀମାନେ ସାଧାରଣ ଭାବରେ ଜୀବନଚର୍ଯ୍ୟା କରି ଚାଲିବେ । କେତେବେଳେ ସୁଖ-ସମ୍ମାନ ତ କେତେବେଳେ ପୁଣି ନିନ୍ଦା ସମାଲୋଚନାର ଶିକାର ହେବାକୁ ପଡିବ।

ସ୍ଵାସ୍ଥ୍ୟ: 

କୌଣସିପ୍ରକାର ଉଲ୍ଲେଖନୀୟ ସ୍ୱାସ୍ଥ୍ୟପୀଡାର ସୂଚନା ନଥିଲେ ବି ନିଜର ଜନ୍ମଗତ ଶ୍ଲେଷ୍ମାଦୋଷ ନବଢିବା ପାଇଁ ଯତ୍ନବାନ ହେବାକୁ ପଡିବ । ଅନ୍ୟଥା ତହିଁର ଅପସର୍ଗ ଗୁଡିକ ଅସୁସ୍ଥି ପୀଡିତ କରିବା ସ୍ଵାଭାବିକ ଚକ୍ଷୁ ଓ ଉଦରପୀଡା, ଜ୍ଵର, ଶ୍ଲେଷ୍ମାପ୍ରକୋପ, ଶୀରବ୍ୟଥା, ରକ୍ତବିକାର ଦୁର୍ବଳତା ଭଳି ରୋଗର କବଳିତ ହୋଇ ବେଳେ ବେଳେ ଅସୁସ୍ଥ ହେବେ । ପୁରୁଣା ରୋଗର ପ୍ରକୋପରେ କଷ୍ଟ ଅନୁଭବ କରିବେ । ସତର୍କ ନ ହେଲେ ଛାତି, ଗଳା, ନାସା, ଚକ୍ଷୁ ଓ କର୍ଣ୍ଣକୁ ପ୍ରଭାବିତ କରିବ । ବହୁ ସମୟରେ ଗରମ ପ୍ରୟୋଗକୁ ଯଥାସମ୍ଭବ ମାନ୍ୟତା ଦେବା ଉଚିତ୍ ହେବ ।

ଛାତ୍ର ଛାତ୍ରୀ ମାନଙ୍କ ପାଇଁ: 

ଶିକ୍ଷାର୍ଥୀମାନଙ୍କ ପାଇଁ ବେଶ ଅନୁକୂଳ । ଉଚ୍ଚଶିକ୍ଷା ଦିଗକୁ ଆଗେଇ ହେବ ଓ ଏହି ପରିପ୍ରେକ୍ଷୀରେ ପରିଶ୍ରମର ଉପଯୁକ୍ତ ମୂଲ୍ୟାଙ୍କନ ମଧ୍ୟ ସମ୍ଭବ ହେବ । ଗୁରୁଜନଙ୍କ ସହଯୋଗ ପାଇବେ । ଉପଯୁକ୍ତ ମାର୍ଗଦର୍ଶନ ଗ୍ରହଣ କଲେ ବହୁ ଉଚ୍ଚଗାମୀ ହୋଇ ପାରିବେ । ପରିଶ୍ରମର ସୁଫଳ ଭୋଗ କରିବେ । ନିଶ୍ଚିତ ମହତ୍ତ୍ୱାକାଂକ୍ଷାର ସାଧନ ଉପଲବ୍ଧି ଅନୁରୂପ ସମ୍ଭାବନାପ୍ରଦ । ବର୍ଷର ମଧ୍ୟ ଭାଗରେ ଜ୍ଞାନ-ଗବେଷଣା ସ୍ତରରେ କୃତକାର୍ଯ୍ୟ ହୋଇ ଯଶ ମାନ ପ୍ରତିଷ୍ଠା ପ୍ରାପ୍ତି ହେବ । ଗୁରୁକୁଳର ଆଶୀର୍ବାଦ ବହୁକ୍ଷେତ୍ରରେ ସୁରକ୍ଷା ଦେବ ।

ପାରିବାରିକ:

ପାରିବାରିକ କ୍ଷେତ୍ରରେ ଶାନ୍ତି-ଶୃଙ୍ଖଳା ବ୍ୟାହତ ହେବ ନାହିଁ । ବୁଝାମଣା ଠିକ ରହିବ ଓ ପ୍ରଗତିଶୀଳ ଚିନ୍ତାଧାରାକୁ ଜାଗରୁକ କରି ପରସ୍ପର ପରାମର୍ଶରେ ଉନ୍ନତି ଦିଗକୁ ଆଗେଇବା ସମ୍ଭବ ହେବ । ନୂତନ ପଦାର୍ଥ ଗୃହକୁ ଆସିପାରେ । ଆତ୍ମୀୟ ମାନଙ୍କ ମେଳରେ ଉତ୍ସବ ମୁଖରିତ ହେବାର ଅବସର ବି ଯୁଟିପାରେ । କେତେ ବ୍ୟକ୍ତିଙ୍କ ଆତ୍ମକୈନ୍ଦ୍ରିକ ସ୍ଥିତିରୁ ସେମାନଙ୍କ ସହଯୋଗ ପାଇବାର ଆଶଙ୍କା ବି ରହିଛି । ଫଳରେ ଊତ୍ସାହିତର ଅଧୀନ ହୋଇ ଅବଶୋଷ ଦୁଶ୍ଚିନ୍ତା ଦୂର ହେବା ସାଧାରଣ କଥା । ଆର୍ଥିକ ସମସ୍ୟା ଟିକିଏ ବଢିବ, ଯାହା ଫଳରେ ହିସାବୀଗୁଣରେ ସୀମିତ ସ୍ଥିତିକୁ ଆପଣେଇ ନେଇ ମାନ ରକ୍ଷା କରିବା ଉଚିତ ହେବ । ଏ ସବୁ ସତ୍ତ୍ୱେ ରୁଣପ୍ରାପ୍ତି ହେବ ଓ ରୁଣବୃଦ୍ଧି ପାଇଲେ ଚକିତ ହେବାର କିଛି ନାହିଁ । ଧନବ୍ୟୟକୁ ନେଇ ବେଳେବେଳେ ଚିନ୍ତିତ ହେବେ ଓ ମୂଳ ଜମା କ୍ଷୟକୁ ଅଟକାଇବା ସମ୍ଭବ ହେବ । ସବୁପରେ ଆୟ ଦିଗଟି ଅବରୁଦ୍ଧ ହେବାର ନାହିଁ । ପରିଶ୍ରମ ବୃଦ୍ଧି ଅନୁସାରେ ପାରିଶ୍ରମିକ ହାସଲ କରିପାରିବେ ।

ବ୍ୟବସାୟ ଓ ଚାକିରି:

ବ୍ୟବସାୟୀମାନଙ୍କ ପାଇଁ ସନ୍ତୋଷପ୍ରଦ ହେବ । କାରବାର ବୃଦ୍ଧିକୁ ନେଇ ଉଚ୍ଚ ଚିନ୍ତନରେ ମଜ୍ଜି ପାରନ୍ତି । ଶ୍ରମିକ ଓ କର୍ମଚାରୀଙ୍କ ଉପରେ ସଂପୂର୍ଣ ଭାବେ ନିର୍ଭର କରିବା ଠିକ ହେବ ନାହିଁ । କାରଣ ସେମାନେ ଯାନ୍ତ୍ରିକତା ପ୍ରଦର୍ଶନ କରିବେ । ଏହି ସ୍ଥିତିରେ ଚଉଆଖିଆ ହୋଇ ସେମାନଙ୍କସହ ନ ଖଟିଲେ ଲାଭ କମିବ । ଏପରିକି, ସମୟାନୁବର୍ତ୍ତିତା ଓ ପ୍ରତିଶ୍ରୁତି ରକ୍ଷା କରିବା କଷ୍ଟକର ହୋଇ ପଡିବ । ବ୍ୟବହାର କୁଶଳତାକୁ ଆଧାର କରି ଉନ୍ନତିର ପାହାଚ ଚଢିବା ଯୋଗ ଅଛି । ଉଚ୍ଚବର୍ଗ ଓ ସରକାରୀ ସମ୍ପର୍କରୁ ଉପକୃତ ହେବେ । କର୍ମଜୀବୀମାନଙ୍କ ପାଇଁ ଶୁଭାଶୁଭ ମିଶ୍ରିତଫଳ ହେଲେ ବି ସମ୍ମାନ ଓ ପତିଆରା କ୍ଷୁର୍ଣ୍ଣ ହେବାର ନାହିଁ । କର୍ତ୍ତବ୍ୟନିଷ୍ଠାରୁ ବିଚ୍ୟୁତି ଘଟିବାର ନାହିଁ । ଇର୍ଷାତୁର ଲୋକଙ୍କ ମେଳରେ କ।ମ କଲେ ବି ସେମାନଙ୍କ କୁ ପ୍ରଭାବଠୁଁ ଦୂରେଇ ଯିବେ । ଗସ୍ତ କାର୍ଯ୍ୟକ୍ରମ କମିଯିବା ହିତକର । ଶାରୀରିକଠୁଁ ବୌଦ୍ଧିକଶ୍ରମ ବଢାଇ ପାରିଲେ ଅଧିକ ଲାଭବାନ ହେବେ । ଧୈର୍ଯ୍ୟବାନ ଓ ସହନଶୀଳ ହୋଇ, ବିବାଦମାନ କ୍ଷେତ୍ରଠୁଁ ପୃଥକ ରହିବା ହିତକର । କୋର୍ଟକଚେରୀ ମାମଲା ପ୍ରତି ବିତୃଷ୍ଣା ବଢିବ । ରାଜନୀତି କ୍ଷେତ୍ରରେ ନୀତି ଓ ଆଦର୍ଶ ପ୍ରତି ବିରୋଧ ସତ୍ତ୍ୱେ, ସନ୍ଧି ବା ଆପୋସ ବୁଝାମଣା ସୁଫଳ ଦାୟୀ ହେବ । କୃଷିଜୀବୀମାନେ ଆଶାବାଦୀ ହେବେ । ଚଳିତ କାରବାରରେ ବୁଡି ରହିବେ ଓ ଲୋଭଗ୍ରସ୍ତ ନ ହୋଇ ପରିଶ୍ରମୋଚିତ ଲାଭକୁ ମନେକରି କର୍ତ୍ତବ୍ୟ ତୁଲାଇ ଚଳିବେ । ନିମ୍ନବର୍ଗର ବ୍ୟକ୍ତି ବିଶେଷ ଅଧିକାଂଶ କ୍ଷେତ୍ରରେ ଠକିବାର ମନୋବୃତ୍ତି ଗ୍ରହଣ କରିବେ । ଯାହାଫଳରେ ବେଳେବେଳେ ଅସନ୍ତୋଷ ପ୍ରକାଶ କରି, ମଥାକୋଡି ହୋଇ ପାରନ୍ତି । ଉଚ୍ଚବର୍ଗରୁ ସମ୍ମାନ ଓ ଶ୍ରଦ୍ଧାର ସ୍ରୋତ ଛୁଟିବ । ଅନେକଙ୍କର କଲ୍ୟାଣ କରିବା ସୁଯୋଗ ପାଇବେ । ନିଜସ୍ଵ ପ୍ରତିଭା ପ୍ରଦର୍ଶନର ସୁଯୋଗ ପାଇବେ ।

ପ୍ରତିକାର:

ନବଗ୍ରହଙ୍କ ପାଇଁ ପ୍ରତିକାର କରଣୀୟ। ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ନବଗ୍ରହଯନ୍ତ୍ର ପୂଜାକରିବା ସହ ତ୍ରିଶକ୍ତିଙ୍କ କବଚ ଧାରଣ କରିବେ । ଅନ୍ଧ, ବିଧବା ଅସହାୟା ମାନଙ୍କୁ ସାହାଯ୍ୟ କରି ଗୋମାତାର ସେବାକରିବା ଆବଶ୍ୟକ । କୁକୁରକୁ ଖାଦ୍ୟ ଦିଅନ୍ତୁ ।


ଶେୟାର କରନ୍ତୁ ଅନ୍ୟମାନକ ସହିତ
  • 5
    Shares
  • 5
    Shares
error: Content is protected !!