 ମେଷ |  ବୃଷ |  ମିଥୁନ |  କର୍କଟ |
 ସିଂହ |  କନ୍ୟା |  ତୁଳା |  ବିଛା |
 ଧନୁ |  ମକର |  କୁମ୍ଭ |  ମୀନ |
Yearly Horoscope Dhanu
ଧନୁ ରାଶି
ବର୍ଷ ଆରମ୍ଭରୁରବି ଶୁକ୍ର ଓ ଶନି ସ୍ଵରାଶିରେ, ଚନ୍ଦ୍ର ସପ୍ତମରେ, ମଙ୍ଗଳ ଓ ଗୂରୁ ଏକାଦଶରେ,ବୁଧ ଦ୍ଵାଦଶରେ, ରାହୁ ଅଷ୍ଟମରେ ଓ କେତୁ ଦ୍ଵିତୀୟରେ ଅବସ୍ଥାନ କରିଛନ୍ତି ।
ବାର୍ଷିକ ରାଶିଫଳ ଧନୁ ୨୦୧୮
ବାର୍ଷିକ ଶୁଭାଶୁଭ ଫଳ:
ଧନୁରାଶି ଜାତ ବ୍ୟକ୍ତିଙ୍କ ପାଇଁ ଶୁଭାଶୁଭ ମିଶ୍ରିତଫଳ ଭୋଗ ହେବ । ତେଣୁ ବର୍ଷ ଆରମ୍ଭରୁ ଯଥାବିଧି ପ୍ରତିକାର କରିଚାଲିବା ଆବଶ୍ୟକ। କେତେକ ବାଧାବିଘ୍ନ କଟିବ ଓ ଗଡି ଚାଲିଥିବା ସମସ୍ୟା ସୁଧୁରିଯିବାର ରାସ୍ତା ମଧ୍ୟ ପ୍ରଶସ୍ତ ହେବ। କେତେକ ଦିଗରୁ ପୂର୍ଣ୍ଣ ସହଯୋଗମିଳିବ। ମନର କଷ୍ଟ ଦୂର ହେବ। ଶତ୍ରୁ ପରାହତ କରି ଉଚ୍ଚ ପାହାଚରେ ପହଁଞ୍ଚି ପାରିବେ। ଆର୍ଥିକସ୍ଥିତି ଦୁର୍ବଳ ରହିବ ଓ ଅଯଥା ଦୌଡରୁ ମୁକ୍ତି ମିଳିବ ନାହିଁ। ଲକ୍ଷ୍ୟସିଦ୍ଧିକୁ ମୂଳ କରି ରାସ୍ତା ବଦଳାଇ ହେବ ଓ ସୁରକ୍ଷାକୁ ମଜବୁତ କରିବାରେ ସାମର୍ଥ୍ୟ ଯୁଟିବ। ଉଚ୍ଚାଶା ତୁଟିବ ନାହିଁ। ଯୋଜନାବଦ୍ଧ ହେବେ। ଭୁଲ୍ ତୃଟିକୁ ସଜାଡିବାର ସମୟ ବି ହାତରେ ପାଇବେ।ବନ୍ଧୁମିଳନ ତୀର୍ଥ ଭ୍ରମଣ ଓ ସଂସ୍କୃତିକ ତଥା ସାମାଜିକ କାର୍ଯ୍ୟରେ ଭାଗନେବେ । ବୁଦ୍ଧି ବିବେକ ଖେଳାଇ ପ୍ରତିକୂଳ ସ୍ରୋତକୁ ଅନୁକୂଳ ଦିଗରେ ମୁହାଁ ଇ ଦେବାକୁ ମଧ୍ୟ ସାମର୍ଥ୍ୟ ଯୁଟିବ। ସାମାଜିକ ସ୍ଥିତି ଓ ମାନସମ୍ମ।ନ ବଜାୟ ରହିବ । ଗୁରୁଜନଙ୍କ ସହାନୁଭୁତି ଉପଲବ୍ଧ ହେବ । ସମସ୍ତଙ୍କ ମେଳରେ ରହି ମଧ୍ୟ ନିଃସଙ୍ଗତା ଓ ଆବଦ୍ଧ ଯୋଗରେ ରୂଦ୍ଧଶ୍ଵାସ ହେବେ ।ଲଘୁଜନ ଓ ସେବାକାରୀମାନଙ୍କ ଚଞ୍ଚକତାରେ ଅସମ୍ମ।ନଜନକ ସ୍ଥିତି ପରିଲକ୍ଷିତ ହେବ। ଅଧିକାଂଶ ସମୟ ବହୁ କଷ୍ଟରେ ବିତାଇବେ । କଠିନ ପରିଶ୍ରମ କଲେ ମଧ୍ୟ ଯଶ-ମାନ ମିଳିବ ନାହିଁ । ବ୍ୟୟଭାର ମୁଣ୍ଡାଇ ଭୟଭୀତ ହୋଇପଡିବେ । ଅଯଥା ଧଁ। ଦୌଡ଼ ଲାଗିରହିବା ଯୋଗେ କ୍ଳାନ୍ତ-ଶ୍ରାନ୍ତ ହେବେ ଏବଂ ବେଳେ ବେଳେ ହତାଶାବୋଧ ବୃଦ୍ଧି ପାଇବ ।
ମହିଳା ମାନଙ୍କ ପାଇଁ:
ଗୃହିଣୀମାନଙ୍କ ପାଇଁ ଆରାମରୁ ବଞ୍ଚିତ ହେବାର ନାହିଁ। ଦକ୍ଷତା ପ୍ରଦର୍ଶନ କରି ସାମାଜିକ ସ୍ରୋତରେ ସାମିଲ ହେବେ। ସଙ୍କୁଚିତ ସ୍ଥିତିର ଅଧୀନ ହୋଇ ଘୋଷାରି ହେବେ ଓ ପ୍ରଚୁର ଖଟଣି ଖଟି ନିଜର ଭାବ ମୂର୍ତ୍ତିକୁ ବଜାୟ ରଖିବେ ।ପାରିବାରିକ ପତିଆରା ଭଲ ରହିବ ।ପୁରୁଣା ସଂପର୍କ ପୁନରାୟ ଯୋଡି ହୋଇପାରେଓ କର୍ତ୍ତବ୍ୟନିଷ୍ଠତା ରକ୍ଷା କରି ଯଶସ୍ଵିନୀ ହେବେ। ପରିବାର ମଧ୍ୟରେ ମୁଖ୍ୟତା ଲାଭ କରିବେ।କୁମାରୀମାନେ ଗୁରୁଜନମାନଙ୍କର ଆଦରଣୀୟା ହେବେ। ମାଙ୍ଗଳିକ ଶଙ୍ଖ ଧ୍ଵନି ଶ୍ରବଣର ଇଚ୍ଛା ପୂରଣ ହେବା କିଛି ବଡକଥା ନୁହେଁ। ଶିକ୍ଷାନୁଷ୍ଠାନ ତଥା ସେବାଓ ସାମାଜିକ ଅନୁଷ୍ଠାନରେ ଯୋଗ ଦେବାର ସୁଯୋଗ ମିଳିବ। କଳାସଙ୍ଗୀତ, ନୃତ୍ୟ ଗୀତରେ ମଜ୍ଜି ରହିମୋଟାମୋଟି ଭାବେ ସୁଖରେ ଦିନ କାଟିବେ। କର୍ମ କ୍ଷେତ୍ରରେ ଯଥା ସମ୍ଭବ ପ୍ରକୃତିସ୍ଥ ରହି ଅଳ୍ପ ପରିଶ୍ରମରେ ଅଧିକ ଲାଭର ଉପଭୋକ୍ତା ହେବେ । ଉତ୍ତମ ବୁଝାମୁଣାରେ ଗତିକରି ଅଦୃତି ଓ ଶ୍ରଦ୍ଧାର ଅଧିକାରିଣୀ ହେବେ। ଧର୍ମାନ୍ଧତାରୁ ଦୂରେଇ ରହି, ଅଧ୍ୟାତ୍ମିକତାର ପ୍ରଦର୍ଶନ କରି ଚଳିବେ ।
ସ୍ଵାସ୍ଥ୍ୟ:
ଚିନ୍ତିତ ହେଲାଭଳି କୌଣସି ନୂତନ ରୋଗବ୍ୟାଧିର ଆକ୍ରମଣ ଘଟିବ ନାହିଁ। ପୁରାତନ ରୋଗ ପୀଡା ଦୂର ହେବ। ମନବିକାର ଓ ରକ୍ତଚାପର ପ୍ରକୋପ ସାଧାରଣଅସୁସ୍ଥି ସାମୟିକ ଭାବରେ ଅତିଷ୍ଠ କରିବ ।ବାତଶ୍ଲେଷ୍ମାର ଉପସର୍ଗ ବି ପରିଲକ୍ଷିତ ହେବ । କ୍ଳାନ୍ତି ଓ ଅବସନ୍ନତା ଜନିତ ଆଳସ୍ୟଭାବ ଅନୁଭବକଲେ ବି ସେପରି ବିଶେଷ ରୋଗ ବ୍ୟାଧିର ଲକ୍ଷଣ ଦେଖା ଦେବ ନାହିଁ ।
ଛାତ୍ର ଛାତ୍ରୀ ମାନଙ୍କ ପାଇଁ:
ଶିକ୍ଷାର୍ଥୀମାନେ ଉଚ୍ଚଶିକ୍ଷା ଅଭିଳାଷ ପୂର୍ତ୍ତିଦିଗରେ ଲାଗି ପଡିବା ଭଳି ଅନୁକୂଳ ପରିବେଶ ମିଳିବ। ଅବଶ୍ୟ ଖର୍ଚ୍ଚ ବୃଦ୍ଧିକୁ ନେଇ କେଉଁଠି ଅନିଶ୍ଚିତତା ଲାଗି ରହିପାରେ। କିନ୍ତୁ ଉଦ୍ୟମ ଓ ଆନ୍ତରିକ ଚେଷ୍ଟା ବଳରେ ଅନେକ ସମସ୍ୟା ଅତିକ୍ରମ କରି ଅଧ୍ୟୟନ କ୍ଷେତ୍ରରେ ସୁନାମ ଅର୍ଜନ କରିବେ। ପରୀକ୍ଷାରେ ଉଚ୍ଚ ଶ୍ରେଣୀ ମିଳିବ। ଶିକ୍ଷକ ଓ ସହପାଠୀମାନଙ୍କ ମଧ୍ୟରେ ସମନ୍ଵୟ ରହିବ ଓ ବନ୍ଧୁତ୍ଵ ବୃଦ୍ଧି ପାଇବ। ପ୍ରତିଯୋଗୀମୁଳକ କ୍ଷେତ୍ରକୁ ସାହସର ସହିତ ଲମ୍ପ ଦେଇ ପ୍ରତିଯୋଗିତାମୂଳକ କାର୍ଯ୍ୟରେ କୃତିତ୍ଵ ଲାଭ କରିବେ।ଦୂରଯାତ୍ରାରେ ବିବାଦମୁକ୍ତ ନିରୁପଦ୍ରବ ଜୀବନଚର୍ଯ୍ୟା ମଧ୍ୟେ ସମୟ ବିତିବ ।
ପାରିବାରିକ:
ପାରିବାରିକ ଜୀବନ ଶୃଙ୍ଖଳିତ ରହିବ। ସାଙ୍ଗସାଥି ବା ବନ୍ଧୁବାନ୍ଧବ ସଂପର୍କରେ ସୀମିତତା ସତ୍ତ୍ୱେ ସମୟ କାଟିବା କଷ୍ଟକର ହେବ ନାହିଁ। ଦୂର ଭ୍ରମଣର ସୁଯୋଗ ଯୁଟିପାରେ। ପାରିବାରିକ ଜୀବନରେ ସୁବିଧା ବାଦକୁ ଆପଣେଇ ନେଇ ସବୁଥିରେ ଥିଲେ ବି କେଉଁଥିରେ ନିଜର ପ୍ରତ୍ୟକ୍ଷ ସପୃକ୍ତିକୁ ଦର୍ଶାଇବେ ନାହିଁ। ଅନ୍ୟମାନଙ୍କ କାନ୍ଧରେ ବନ୍ଧୁକ ରଖି ଖେଳ ଖେଳିବେ ଏବଂ ଅପଯଶକୁ ଦୂରକୁ ଠେଲିଦେଇ କେବଳ ଯଶତକ ଗ୍ରହଣ କରିବେ । ଏହା ଫଳରେ କ୍ରମଶଃ ବହୁ ଲୋକଙ୍କର ଚକ୍ଷୁଶୂଳ ହେବେ ଓ ଶତ୍ରୁପକ୍ଷ କ୍ରମଶଃ ପ୍ରବଳ ହୋଇ ଗୋଡ ଟାଣିବାର ପ୍ରଚେଷ୍ଠା ଅ।ରମ୍ଭ କରିଦେବେ ।ଆୟ ଉପାର୍ଜନରେ କୌଣସି ପ୍ରକାର ପ୍ରଗତି ଦୃଶ୍ୟ ହେବ। ଯାହା ଫଳରେ ଋଣମୁଖାପ୍ରେକ୍ଷୀ ହେବାକୁ ପଡିବ ନାହିଁ। ଅର୍ଥାଗମ ଦିଗ ଖୋଲା ରହିବ ଓ ଏଥିପାଇଁ ଅକ୍ଲାନ୍ତ ଉଦ୍ୟମ ଜାରି ରଖିବେ । ସ୍ଥଳବିଶେଷରେ ବ୍ୟୟ ସଂକୋଚନ ନ କଲେ ଆପଣା ଲୋକଙ୍କ ବିରକ୍ତି ଭାଜନ ହେବେ ।
ବ୍ୟବସାୟ ଓ ଚାକିରି:
ବ୍ୟବସାୟୀମାନେ ପରିଶ୍ରମୀ ହେବେ ଓ ଉଦ୍ଯୋଗ ବଳରେ ନିଜର ସ୍ଥିତିକୁ ମଜବୁତ୍ କରି ଚଳିବେ । ପୁରାତନ ସଂପର୍କରେ କେତେକସ୍ଥଳେ ଶିଥିଳତା ଘଟିପାରେ। କଠିନ ପରିଶ୍ରମ କରି ନିଜର ସ୍ଥାନ ସ୍ଥିତିକୁ ଦୃଢ କରି ପାରିବେ। କର୍ତ୍ତବ୍ୟ କର୍ମନିଷ୍ଠତାପ୍ରତିବଦ୍ଧତା ରକ୍ଷା କରି ନିଜକୁ ସୁରକ୍ଷିତ କରି ରଖିବେ। ମାଲିମୋକଦ୍ଦମାରେମୁଣ୍ଡଉଚ୍ଚ ରହିବ। କାରବାରର ଗତି ରୀତିରେ ପରିବର୍ତ୍ତନର ଆଶଙ୍କା ନାହିଁ।କର୍ତ୍ତୁତ୍ଵ ଜାରି ରଖି ଶ୍ରମିକ ଓ କର୍ମଚାରୀଙ୍କୁ ପ୍ରଭାବିତ କରିବା ଫଳରେ, ପ୍ରଗତିର ବେଗ ତ୍ଵରାନ୍ୱିତ ହେବ। ଶ୍ରମିକ ମାନେ ପାରିଶ୍ରମିକ ତୁଳନାରେଅଧିକ ଶ୍ରମ କରିବେ ଓ ବିରୋଧିତତ୍ତ୍ଵର ମୁଖରେ ସ୍ଵାର୍ଥ-ଲାଳସା-ପୂର୍ତ୍ତିର ମଜବୁତ ତୁଣ୍ଡି ଭିଡି ଦେଇ, ଆଇନ ଶୃଙ୍ଖଳା ଶକ୍ତିକୁ ସ୍ଥାଣୁ କରିଦେଇ ପାରିବେ । କର୍ମକ୍ଷେତ୍ରରେ ଭାରସାମ୍ୟ ରକ୍ଷାକରିନିମ୍ନବର୍ଗଙ୍କ ଯୋଗେ ପରିସ୍ଥିକୁ ନିଜ ତରଫରେ ନେଇ, ସ୍ଵାର୍ଥସିଦ୍ଧିର ପଥକୁ ପ୍ରଶସ୍ତ କରିବେ । ସୀମିତ ସ୍ଥିତିରେ ଶ୍ଵାସରୋଧକର ଅନୁଭୂତି ଜାଗିପାରେ ଓ ତାହାକୁ ଅତିକ୍ରମ କରିବା ଲକ୍ଷ୍ୟରେ ଭୋଗମାର୍ଗୀ ହୋଇ ନିଜକୁ ପ୍ରତାରିତ କରି ପାରନ୍ତି ।ରାଜନୀତି କ୍ଷେତ୍ରରେ ଶନ୍ତୁଳନ ରକ୍ଷା କରି ଚାଲିବେ ଓ ସାଧାରଣ ଲୋକ ସମ୍ପର୍କ ବଢିଯିବ ଓ ମାଲିମୋକଦ୍ଦମାରେ ନିଜ ପକ୍ଷ ସବଳ ରହିବ । ସୁଖ-ସନ୍ତୁଷ୍ଟି ପାଇବାରେ ବାଧା କିଛି ନାହିଁ ।କୃଷକମାନେ ଭୂମି ବିବାଦରୁ ରକ୍ଷାପାଇ ଆନନ୍ଦିତ ହେବେ । ଆମଦାନୀ ଦ୍ରବ୍ୟ ବ୍ୟବସାୟ ଦିଗରୁ ସମୟ ପ୍ରାୟତଃ ଅନୁକୂଳ ରହିବ ।ଅଭାବଗ୍ରସ୍ତତାର ଅଧୀନହୋଇ ଯେଉଁ ଅସୁବିଧା ଭୋଗ କରୁଥିଲେ ତାହା ଏବେ ଦୂରେଇ ଯିବ ।
ପ୍ରତିକାର:
ରାହୁ, କେତୁଓ ଶନିଙ୍କ ପାଇଁ ପ୍ରତିକାର କରଣୀୟ। ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ବଗଳାମୁଖୀ ଯନ୍ତ୍ର ପୂଜାକରିବା ସହ ତ୍ରିଶକ୍ତିକବଚ ଧାରଣ କରିବେ । ଗୃହରେ ବା ଗ୍ରହମନ୍ଦିରରେ ଯଜ୍ଞକରି ଦିନ ଦୁଃଖୀଙ୍କୁ ଅନ୍ନବସ୍ତ୍ର ଦାନ ଦିଅନ୍ତୁ। ବିଧବା ଅସହାୟା ବୃଦ୍ଧା ଓ ବୃଦ୍ଧମାନଙ୍କୁ ସାହାଯ୍ୟ କରନ୍ତୁ । ଗୋମାତାର ସେବାକରିବା ଆବଶ୍ୟକ ।