Yearly Makar Rashiphala

ଶେୟାର କରନ୍ତୁ ଅନ୍ୟମାନକ ସହିତ
  • 5
    Shares

Mesha barsika rasifala
ମେଷ
yearly odia rasiphala for brusha
ବୃଷ
Mithuna odia rasifala 2018
ମିଥୁନ
Karkata oriya barshika rashiphala
କର୍କଟ
Singha barsika horoscope
ସିଂହ
Kanya rashi phal for 2018
କନ୍ୟା
Libra odia horoscope Tula
ତୁଳା
Bichha this year rasifala
ବିଛା
Dhanu rasi astrology 2018
ଧନୁ
Barsika Makara oriya horoscope
ମକର
Odia Kumbha yearly rasifala
କୁମ୍ଭ
Odia Mina 2018 rasifala
ମୀନ

 


Yearly Horoscope Makar

ମକର ରାଶି

ବର୍ଷଆରମ୍ଭରୁ ରବି, ଶୁକ୍ର ଓ ଶନି ଦ୍ଵାଦଶରେ, ଚନ୍ଦ୍ର ଷଷ୍ଠରେ, ମଙ୍ଗଳ ଓ ଗୂରୁ ଦଶମରେ, ବୁଧ ଏକାଦଶରେ, ରାହୁ ସପ୍ତମରେ ଓ କେତୁ ସ୍ଵରାଶିରେ ଅବସ୍ଥାନ କରିଛନ୍ତି ।


 

ବାର୍ଷିକ ରାଶିଫଳ ମକର ୨୦୧୮

ଦୈନିକ ସାପ୍ତାହିକ ମାସିକ ବାର୍ଷିକ

ବାର୍ଷିକ ଶୁଭାଶୁଭ ଫଳ:

ମକରରାଶି ଜାତ ବ୍ୟକ୍ତିଙ୍କ ପାଇଁ ଅଶୁଭଫଳର ପରିମାଣ ଅତ୍ୟନ୍ତ ଅଧିକ ହେବ । ଶତକଡା ୭୦ଭାଗ ଅଶୁଭଫଳ ଭୋଗ କରିବେ । ତେଣୁ ବର୍ଷ ଆରମ୍ଭରୁ ଯଥାବିଧି ପ୍ରତିକାର କରିଚାଲିବା ଆବଶ୍ୟକ । ଅନେକ ଦାଇତ୍ଵ ଓ ପରିଶ୍ରମର କବଳିତ ହୋଇ ଭୋଗବିଳାସ ଦିଗ ନ୍ୟୂନହେବ । ବେଳେବେଳେ ବିରୋଧୀ ଶକ୍ତି ପ୍ରବଳ ହେବେ ଓ ଖଳବଳ ସମ୍ମୁଖରେ ମୁଣ୍ଡ ନୂଆଁଇବାର ବାଧ୍ୟତା ଉପୂଜିବା ଅସମ୍ଭବ ନୁହେଁ । ଏହା ସତ୍ତ୍ୱେ ସାହସ ହାରିବେ ନାହିଁ । ଆନନ୍ଦ ଉତ୍ସବର ପରିବେଶ ମିଳିବ । ଗଠନ ମୂଳକ କ୍ଷେତ୍ରରେ ବାଧା–ପ୍ରତିରୋଧ ଛାଇ ଭଳି ଲାଗି ରହିବ । ତଥାପି ସଂକଳ୍ପ ଶକ୍ତିକୁ ସର୍ବଦା ଉଜ୍ଜୀବିତ କରି ରଖିବାକୁ କୌଣସି କ୍ଷେତ୍ରରୁ ଅନୁପ୍ରେରିତ ହେବା ସୂଚନା ବି ରହିଛି । ଆପଣା ଲୋକଙ୍କ ମଧ୍ୟରୁ କେହି କ୍ଷୟକ୍ଷତି ଘଟାଇବାର ଉଦ୍ୟମ କରିବେ । ବ୍ୟକ୍ତିଗତ କ୍ରୋଧକୁ ଆଧାର କରି କେହି ଚଞ୍ଚକତାର ଜାଲ ବିଛେଇ ଦେବେ । ଫଳରେ ହାତେମାପି ଚାଖଣ୍ଡେ ନ ଚାଲିଲେ ସମସ୍ୟା ଜାଲରେ ଛନ୍ଦି ହୋଇଯିବେ । ଆରମ୍ଭରୁ ସତର୍କ ରହିଲେ ଆର୍ଥିକ ଭରସାମ୍ୟ ରକ୍ଷାକରୀ ପାରିବେ । ଯଦିଚ ମାନହାନିର ଭୟ ନାହିଁ, ତଥାପି ବାରମ୍ବାର ପଟ୍ଟ ପରିବର୍ତ୍ତନ ଦେଖି କେତେବେଳେ ଆତଙ୍କିତ, ପୁଣି କେତେବେଳେ ଆମୋଦିତ ହେବେ । ବଦଳିର ଭୟ ନଥାଇ ପଦୋନ୍ନତିର ସମ୍ଭାବନା ରହିଛି । ଉପରିସ୍ଥ ଅଧିକାରୀଙ୍କ କୃପା ଦୃଷ୍ଟିରେ ରହିପାରିବେ । ନିମ୍ନବର୍ଗର ସହକର୍ମୀ କେହି ଉଦ୍ଦେଶ୍ୟ ପ୍ରଣୋଦିତ ହାନି ପହଞ୍ଚାଇବାର ଉଦ୍ୟମ କରି ଅପଦସ୍ତ ହେବେ । ମାଲି-ମୋକଦ୍ଦମାରେ ଶୀଘ୍ର ଫଇସଲା ଦିଗ ଉନ୍ମୁକ୍ତ ହେବ ।

ମହିଳା ମାନଙ୍କ ପାଇଁ:

ଗୃହିଣୀମାନେ ପ୍ରାୟତଃ ଚଳଚଞ୍ଚଳତା ମଧ୍ୟେ ଅତିବାହିତ ହେବେ । କଠିନ ପରିଶ୍ରମରୁ ମୁକ୍ତି ମିଳିବା ସମ୍ଭବ ନ ହୋଇପାରେ । ଅନେକେ ପରିଶ୍ରମ ସତ୍ତ୍ୱେ ମାନସିକ ଶାନ୍ତି ଜାରି ରହିବ ଓ ତାହା ସବୁ ଦିଗକୁ ସମ୍ଭାଳି ନେବାର ମୁଖ୍ୟ ଆଧାର ହେବ। ଘରେ ଓ ବାହାରେ ସର୍ବତ୍ର ଖଟଣି ଯୁକ୍ତ ହେବେ । ପରିଚାଳନା ଖର୍ଚ ବଢିବଢି ଚାଲିବ । ବନ୍ଦ କରିଦେଉଥିବା ବେପାର ପୁଣି ଚାଲୁ ହେବ । ବାଣିଜ୍ୟ କ୍ଷେତ୍ରରେ ଦୁଃସାହସିକ ପଦକ୍ଷେପ ନେବେ । ଚାକିରିରେ ଫଳ ମଧ୍ୟମ ଅସ୍ଥିରତା ସମ୍ପୂର୍ଣ ଦୂର ହେବ ନହିଁ । ତେବେ ନିକଟରେ ସ୍ଥାନାନ୍ତର ହୋଇ କର୍ମର ସାଧାରଣ ପରିବର୍ତ୍ତନ ଘଟିବ । କର୍ମକ୍ଷେତ୍ରରେ ସମ୍ମାନ ଓ ପ୍ରତିଷ୍ଠା ପାଇବେ । ଆୟ ଊତ୍ତମ ସ୍ଥଳେ କେତେକ ବାଧା ପ୍ରତିବନ୍ଧକ ସୃଷ୍ଟି ହେବ । ନାନା ପରିବର୍ତ୍ତନ ଦେଇ ଦିନ ବିତାଇବେ । ମାନସିକ ଅସ୍ଥିରତା ମଧ୍ୟେ ହତାଶାର ଦୀର୍ଘଶ୍ଵାସ ଜଡିତ ହେଲେ ହେଁ ବେଳେ ବେଳେ ଆଶା ଆକାଂକ୍ଷା ପୂର୍ତ୍ତି ଘଟିବା ଯୋଗେ ଭାଙ୍ଗିପଡିବେ ନାହିଁ । ଅବଶ୍ୟ ପରିଶ୍ରମ ବୃଦ୍ଧି ପାଇବ ଓ ବେଳେ- ବେଳେ ଚିଡିଚିଡି ହେବେ । କୁମାରୀ ଓ ଯୁବତୀମାନେ ସମସ୍ତଙ୍କ ମେଳରେ ରହି ମଧ୍ୟ ଏକାକୀ ମନେ କରିବେ । ଅବଶ୍ୟ ବର୍ଷ ଶେଷ ଆଡକୁ ସୁଖ ଶାନ୍ତି ବର୍ଦ୍ଧିତ ହେବ ଓ ମାଙ୍ଗଳିକ କର୍ମ ସମ୍ପାଦନ ହେବ । କର୍ତ୍ତବ୍ୟନିଷ୍ଠାରୁ ଯଶ- ପ୍ରଶଂସାର ଅଧିକାରିଣୀ ହେବେ।

ଛାତ୍ର ଛାତ୍ରୀ ମାନଙ୍କ ପାଇଁ:

ଶିକ୍ଷାର୍ଥୀମାନଙ୍କ ପାଇଁ ମିଶ୍ରିତ ଫଳଭୋଗ ହେବ । ନିଜର ଭଲମନ୍ଦ, ଉନ୍ନତି ଅବନତି, ଶାନ୍ତି ଅଶାନ୍ତି ଏ ସବୁ ନିଜର କର୍ମଧାରାକୁ ନେଇ ନିର୍ଦ୍ଦିଷ୍ଟ ହେବ । ପରିଶ୍ରମ କଦାପି ବ୍ୟର୍ଥ ହେବ ନାହିଁ । ଶିକ୍ଷା ଯୋଜନାରେ ଦୂରଗାମୀ ହେଲେ ସବୁ ମତେ ଉନ୍ନତିର ସମ୍ଭାବନା ବୃଦ୍ଧି ପାଇବ । ଗବେଷଣା କ୍ଷେତ୍ର ପ୍ରାୟତଃ ପ୍ରଶସ୍ତ ରହିବ । ପ୍ରତିଯୋଗୀତା କ୍ଷେତ୍ରକୁ ମୁହାଁଇଲେ ବାଧାବିଘ୍ନକୁ ପଛରେ ପକାଇ ଅଗ୍ରଗତିର ବେଗ ବଢିଯିବ । ଉଚ୍ଚତର ଶିକ୍ଷାଯୋଜନା ଫଳବତୀ ହୋଇପାରିବ ।

ସ୍ଵାସ୍ଥ୍ୟ:

ମାନସିକ ଅସୁସ୍ଥି ମଧ୍ୟେ ସାମୟିକ ଶାରୀରିକ ପୀଡା ଭୋଗ କରିବେ। କର୍ମ କ୍ଷେତ୍ରରେ ଘୋଷାଡ଼ି ହୋଇ ଚଳିବାର ସ୍ଥିତି ଉପୁଜିବ। ଶଯ୍ୟାଶାୟୀ ହେଲା ଭଳି ରୋଗ ବ୍ୟାଧି ଆଶଙ୍କା କ୍ଷୀଣ ଅଟେ । ବିଶେଷ ପିଡାର ଆଶଙ୍କା ନଥିଲେ ମଧ୍ୟ ମାନସିକ ଅବ୍ୟବସ୍ଥିତା ସାଙ୍ଗକୁ ଉଦରପୀଡା, ଚରାବାତର ସାମାନ୍ୟ ପ୍ରକୋପ ଓ ଶୀରପୀଡା ଅତିଷ୍ଠ କରିବ । ଖାଦ୍ୟପେୟରେ ନୀତିନିୟମ ରକ୍ଷା କରିବା ସହିତ ମନକୁ ସନ୍ତୁଳିତ କରି ରଖି ପାରିଲେ ସ୍ୱାସ୍ଥ୍ୟ ଭଙ୍ଗଭଳି ବିଡମ୍ବନା ଘଟିବ ନାହିଁ । ନତୁବା ଗୁରୁତର ଦେହପୀଡା, ପେଟ ରୋଗୀ ଓ ହାର୍ଣ୍ଣିଆ ରୋଗୀ ମାନଙ୍କର ଅପରେଶନ ହେବ । ପତ୍ନୀଙ୍କର ସ୍ୱାସ୍ଥ୍ୟ ନେଇ ସର୍ବଦା ଚିନ୍ତିତ ରହିବେ। ଅବିବାହିତ ମାନେ ବ୍ରହ୍ମଚର୍ଯ୍ୟ ପାଳନରେ ବିଫଳ ହେବେ।

ପାରିବାରିକ:

ପାରିବାରିକ ସ୍ରୋତରେ ଦୃଶ୍ୟ ବଦଳେଇ ଚଳିବାର ଆଶାଅଛି । ମୁଖବନ୍ଦ ରଖିପାରିଲେ ବହୁ ଅସୁବିଧା କଟିବ ଓ ଶାନ୍ତିହାନୀର ଭୟ ରହିବ ନାହିଁ । ଖର୍ଚ୍ଚକୁ ମୂଳ କରି ଚିନ୍ତାଗ୍ରସ୍ଥ ହେବେ । ଆୟ ବଢିବାର ନାହିଁ । ମୂଳଜମାରୁ କିଛି କମିବାର ବାଧ୍ୟତାମୂଳକ ସ୍ଥିତି ମୁଣ୍ଡେଇ ପାରନ୍ତି । ଦାମ୍ପତ୍ୟ ଜୀବନ ସୁଖରେ କଟିବ । ମାତୃ ଓ ମାତୃସ୍ଥାନୀୟା ବ୍ୟକ୍ତିଙ୍କ ପାଇଁ ବର୍ଷଫଳ ଶୁଭହେବ । ବନ୍ଧୁବାନ୍ଧବଙ୍କ ସହ ମଉଜ ମଜଲିଶରେ ଦିନ କାଟିବେ । ସନ୍ତାନ ଲାଭ ଯୋଗ ରହିଛି । ପୁତ୍ର କନ୍ୟାମାନଙ୍କର ଉନତ୍ତି ଓ ଅଗ୍ରଗତି ଘଟିବ । ପୁତ୍ର କନ୍ୟାର ବିବାହ କାର୍ଯ୍ୟରେ ମଧ୍ୟ ସଫଳ ହେବେ । ଆୟ ଉତ୍ତମ ହେବଫଳରେ ଆର୍ଥିକ ସ୍ଥିତି ସ୍ଵଛଳ ରହିବ । କେତେ ମୁଲ୍ୟବାନ ଆସବାବ ପତ୍ର କ୍ରୟ କରିବେ । ନିଜ ଲୋକଙ୍କ ତରଫରୁ ଆଶ୍ଵାସନା ବା ସହାନୁଭୂତି ପାଇବେ । ବହୁ ଦିଗରୁ ମନୋବଳ ଓ ପ୍ରତିକୂଳତତ୍ତ୍ଵ ସହ ମୁକାବିଲା କରିବାର ସାମର୍ଥ୍ୟ ବି ବୃଦ୍ଧି ପାଇବ । ହାତଖାଲି ହେବା ବେଳକୁ ଦୈବୀ ସହାୟତା ତଥା କର୍ମଯୋଗ ଦ୍ଵାରା ଖାଲି ହାତ ପୁଣି ଭରି ହୋଇଯିବ । ଶୁଭଫଳ ଗୁଡିକରେ ହ୍ରାସ ବୃଦ୍ଧି ଲାଗି ରହି ମଧ୍ୟ ଶାନ୍ତିର ନିଃଶ୍ଵାସ ମାରି ପାରିବେ ।

ବ୍ୟବସାୟ ଓ ଚାକିରି: 

ବ୍ୟବସାୟ କ୍ଷେତ୍ରରେ ଧର୍ମ ସଙ୍କଟ ଲାଗି ରହିବ। କର୍ମଚାରୀ ଓ ଶ୍ରମିକମାନେ ନିଜ ସ୍ଵାର୍ଥକୁ ଅଧିକ ଅନୁରକ୍ତି ଦର୍ଶାଇ କାମଚଳା ନୀତିରେ ପରିଚାଳିତ ହୋଇପାରନ୍ତି । ପ୍ରତିକୂଳ ସ୍ରୋତ ସହିତ ନିତ୍ୟ ସଂଘର୍ଷ ଜାରି ରଖିବେ । ଫଳରେ କ୍ଳାନ୍ତ-ଶ୍ରାନ୍ତ-ନୟାନ୍ତ ହେବା ଅବଧାରିତ । କେବଳ ଧୈର୍ଯ୍ୟ ଓ ସହନଶୀଳତା ହିଁ ରକ୍ଷା କରିବ । କୋର୍ଟକଚେରୀ-ମାମଲାରେ ରକ୍ତଚାପ ବୃଦ୍ଧି ପାଇବା ସାର ହେବ । କର୍ମ ସ୍ଥଳରେ ନିଜେ କଠିନ ପରିଶ୍ରମକରି ପତିଆରା ରକ୍ଷା କରିବେ । ଏ ବର୍ଷରେ ଲୁଗାପଟା ଓ ସୌଖୀନ ଦ୍ରବ୍ୟରେ ବ୍ୟବସାୟୀମାନେ ଦ୍ଵିଗୁଣ ଲାଭ କରିବେ । କଳକାରଖାନା ବା ଯନ୍ତ୍ରପାତି ବ୍ୟବସାୟ ମାନ୍ଦାରେ ଚାଲିବ । ଚାକିରିକ୍ଷତ୍ରରେ ବର୍ଷଫଳ ଅତି ଉତ୍ତମ ଫଳରେ ପଦୋନ୍ନତିର ଯୋଗ ଆସିଛି । କର୍ମ କ୍ଷେତ୍ରରେ ପ୍ରତ୍ୟେକ ମୁଖରୁ ପ୍ରଶଂସାବାଣୀ ଶୁଣିବେ । ପଦସ୍ଥ ବ୍ୟକ୍ତିଙ୍କର ଆସ୍ଥାଭାଜନ ହେବେ । ବର୍ଷର ପ୍ରଥମାର୍ଦ୍ଧର ଶେଷବେଳକୁ ସ୍ଥାନାନ୍ତରର ସୂଚନା ପାଇବେ । ରାଜନୀତି କ୍ଷେତ୍ରରେ ଉଚ୍ଚ ପ୍ରତିଷ୍ଠାର ଦ୍ଵାର ସାହାଣମେଲା ହେବ । ନିଜର ସଚ୍ଚୋଟତା ଯୋଗେ ସାଧାରଣ ଜନତାଙ୍କ ମୁଖରୁ ପ୍ରଶଂସାବାଣୀ ଶୁଣିବେ । ଆଗାମୀ ଦିନପାଇଁ ନିଜର ସ୍ଥିତି ମଜଭୁତ କରିରଖିବେ । କୃଷକମାନେ କରିଥିବା ସଂଘର୍ଷର ଫଳସ୍ୱରୂପ ଏବର୍ଷ ଦ୍ଵିଗୁଣା ଲାଭ ପାଇବେ । କୃଷିରେ ଯଥେଷ୍ଟ ଅଗ୍ରଗତି ଘଟିବ ଓ ଚାଷୀମାନେ ସରକାରୀ ସାହାଯ୍ୟ ଲାଭ କରିବାର ସୁଯୋଗ ପାଇବେ । ଏ ବର୍ଷରେ ରପ୍ତାନି ବାଣିଜ୍ୟରୁ ଯଥେଷ୍ଟ ଲାଭ ମିଳିବ । ରବି ଫସଲରେ ନଭେମ୍ବର ଡିସେମ୍ବର ମାସରେ ଆଶାତୀତ ଲାଭ ପାଇବେ ।

ପ୍ରତିକାର: 

ଗୁରୁ, ଶନି, ରହୁ, କେତୁ ଓ ମଙ୍ଗଳଙ୍କ ପାଇଁ ପ୍ରତିକାର କରଣୀୟ । ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ମହାମୃତ୍ୟୁଞ୍ଜୟ ଯନ୍ତ୍ର ପୂଜାକରିବା ସହ ମହାକାଳୀ, ମହାଲକ୍ଷ୍ମୀ, ମହାସରସ୍ଵତୀଙ୍କ କବଚ ବା ତ୍ରିଶକ୍ତି କବଚ ଧାରଣ କରିବେ । ଗୃହରେ ବା ଗ୍ରହମନ୍ଦିରରେ ଯଜ୍ଞକରି ବ୍ରାହ୍ମଣଙ୍କୁ ଅନ୍ନବସ୍ତ୍ର ଦାନ ଦିଅନ୍ତୁ । ଅନ୍ଧ,ବିଧବା ଅସହାୟା ବୁଢୀ ବୁଢା ମାନଙ୍କୁ ସାହାଯ୍ୟ କରନ୍ତୁ । ଗୋମାତାର ସେବାକରିବା ଆବଶ୍ୟକ । କୁକୁରକୁ ଖାଦ୍ୟ ଦିଅନ୍ତୁ ।


ଶେୟାର କରନ୍ତୁ ଅନ୍ୟମାନକ ସହିତ
  • 5
    Shares
  • 5
    Shares
error: Content is protected !!