 ମେଷ |  ବୃଷ |  ମିଥୁନ |  କର୍କଟ |
 ସିଂହ |  କନ୍ୟା |  ତୁଳା |  ବିଛା |
 ଧନୁ |  ମକର |  କୁମ୍ଭ |  ମୀନ |
Yearly Horoscope Mina
ମୀନ ରାଶି
ବର୍ଷ ଆରମ୍ଭରୁ ରବି, ଶୁକ୍ର ଓ ଶନି ଦଶମରେ, ଚନ୍ଦ୍ର ଚତୁର୍ଥରେ, ମଙ୍ଗଳ ଓ ଗୂରୁ ଅଷ୍ଟମରେ, ବୁଧ ନବମରେ, ରାହୁ ପଞ୍ଚମରେ ଓ କେତୁ ଏକାଦଶରେ ଅବସ୍ଥାନ କରିଛନ୍ତି ।
ବାର୍ଷିକ ରାଶିଫଳ ମୀନ ୨୦୧୮
ବାର୍ଷିକ ଶୁଭାଶୁଭ ଫଳ:
ମୀନରାଶି ଜାତ ବ୍ୟକ୍ତିମାନେ ଶୁଭାଶୁଭ ମିଶ୍ରିତଫଳ ଭୋଗ କରିବେ । ତେଣୁ ବର୍ଷ ଆରମ୍ଭରୁ ଯଥାବିଧି ପ୍ରତିକାର କରିଚାଲିବା ଆବଶ୍ୟକ । ପାରିବାରିକ ଜୀବନ ସୁଖରେ କାଟିବେ ଅତି ନିକଟତର ବନ୍ଧୁବାନ୍ଧବଙ୍କସହ ପ୍ରିୟତା ସୃଷ୍ଟି ହେବ । ସନ୍ତାନ ସନ୍ତତି ମାନଙ୍କପାଇଁ ବର୍ଷ ଫଳ ଉତ୍ତମ । ଦାମ୍ପତ୍ୟ କ୍ଷେତ୍ରରେ ଶାନ୍ତି ସୃଷ୍ଟି ହେଇ ପରସ୍ପର ମଧ୍ୟରେ ସମନ୍ଵୟ ରକ୍ଷା କରିବା ମଧ୍ୟରେ ଅତୀବ କଠିନ କାର୍ଯ୍ୟକୁ ସହଜ ସରଳରେ ସମାଧାନ କରିପାରିବେ । କର୍ମର ଜଞ୍ଜାଳରେ ବାନ୍ଧି ହୋଇ ସମୟର ଭୀଷଣ ଆଭାବ ପରିଲକ୍ଷିତ ହେବ । ପୂର୍ବରୁ ଥିବା ଭୁଲ ବୁଝାମଣା କଟିଯାଇ ମାନସମ୍ମାନ ବୃଦ୍ଧିହେବ । ନିମ୍ନବର୍ଗୀୟଙ୍କ ମେଳରେ ଉଚ୍ଚ ମନୋବୃତ୍ତିର ଶିକାର ହୋଇ ବହୁ ହିତୈଷୀଙ୍କ ସହାନୁଭୂତି ପାଇବେ । ଗତାନୁଗତିକ ଅର୍ଥୋପାର୍ଜନରେ କିଛି ବିଶ୍ରୂଙ୍ଖଳା ଘଟିବାର ନାହିଁ । କିନ୍ତୁ ଆବଶ୍ୟକତାରୁ ଅଧିକ ପ୍ରାପ୍ତିର ଆସକ୍ତି କାରଣରୁ ଆଦର୍ଶ ଓ ନୀତି ବହିର୍ଭୂତ ହେବା ସମ୍ଭବ । ଯଦିଚ ଗଡି ଚାଲିଥିବା କେତେକ ସମସ୍ୟା କଟିବାର ନାହିଁ, ତଥାପି ସମସ୍ୟାର ପୀଡାପ୍ରଦ ପ୍ରକୋପ ଦବିଯିବା ଫଳରେ ଉତ୍ସାହ-ଉଦ୍ଦୀପନାଯୁକ୍ତ ଜୀବନଚର୍ଯ୍ୟାକୁ ଆପଣେଇ ନେବାରେ ଅସୁବିଧା କିଛି ନାହିଁ । ଶତୃମାନେ ଭୂମିଗତ ହେବା ଫଳରେ ଭୟ ଓ ଆଶଙ୍କାପ୍ରଦ ମାନସିକତା ଦୂର ହେବ । ଦବି ଯାଇଥିବା ଲୋକସମ୍ପର୍କ ପୁନରୁଜ୍ଜୀବିତ ହୋଇ ଉଠିବ ଓ ମାନସିକ ଶାନ୍ତି ମିଳିବ । ଏପରି ଶୁଭପ୍ରଦ ସୂଚନା ସତ୍ତ୍ୱେ ମୋଟାମୋଟି ସମୟ ଯେ ଭଲ ନୁହେଁ, ଏକଥା ସ୍ମରଣ ରଖିବାକୁ ହେବ ଓ ଆବଶ୍ୟକ ସତର୍କତା ଗ୍ରହଣରେ ହେଳା ନକରିବା ଉଚିତ ହେବ । ନିଜ ଲୋକ ବି କେତେକ କଙ୍କଡା ଭଳି ସ୍ଵାଭାବିକ ଗୋଡଟଣା ବୃତ୍ତିର ଚମତ୍କାର କରିବେ । ଚାକିରି କ୍ଷେତ୍ରରେ ଅତି ଉତ୍ତମ ଫଳ ପଦୋନ୍ନତିନିଶ୍ଚୟ ହେବ । କର୍ମ କ୍ଷେତ୍ରରେ ପ୍ରତ୍ୟେକ ମୁଖରୁ ପ୍ରଶଂସାବାଣୀ ଶୁଣିବେ । ପଦସ୍ଥ ବ୍ୟକ୍ତିଙ୍କର ଆସ୍ଥାଭାଜନ ହେବେ । ବର୍ଷର ପ୍ରଥମାର୍ଦ୍ଧର ଶେଷବେଳକୁ ସ୍ଥାନାନ୍ତରର ସୂଚନା ପାଇବେ ।
ମହିଳା ମାନଙ୍କ ପାଇଁ:
ଗୃହିଣୀମାନେ ପରିବାର ମଧ୍ୟରେ ମୁଖ୍ୟତା ଲାଭ କରିବେ । ଗୁରୁଜନମାନଙ୍କର ଆଦରଣୀୟା ହେବେ । ଶିକ୍ଷାନୁଷ୍ଠାନ ତଥା ସେବା ଓ ସାମାଜିକ ଅନୁଷ୍ଠାନରେ ଯୋଗ ଦେବାର ସୁଯୋଗ ମିଳିବ । ଧର୍ମାନ୍ଧତାରୁ ଦୂରେଇ ରହି, ଅଧ୍ୟାତ୍ମିକତାର ପ୍ରଦର୍ଶନ କରି ଚଳିବେ । ସଙ୍କୁଚିତ ସ୍ଥିତିର ଅଧୀନ ହୋଇ ଘୋଷାରି ହେବେ ଓ ପ୍ରଚୁର ଖଟଣି ଖଟି ନିଜର ଭାବ ମୂର୍ତ୍ତିକୁ ବଜାୟ ରଖିବେ । ଖଟଣିରେ ରୁଦ୍ଧଶ୍ଵାସ ହେଲେ ବି କେଉଁଠୁ ଆହାପଦେ ଶୁଣିବାକୁ ମିଳିବ ନାହିଁ । ମାନ-ଅଭିମାନ, ରାଗ-ରୁଷାର କୌଣସି ଅନୁକୂଳ ପ୍ରତିକ୍ରିୟା ମଧ୍ୟ ଦୃଶ୍ୟ ହେବ ନାହିଁ । କର୍ମକ୍ଷେତ୍ରରେ ଯନ୍ତ୍ରବତ୍ ଚଳପ୍ରଚଳ ହେବେ । ଫଳରେ ଦାଦନ ଖଟିବା ଭଳି ବୋଧ ହେବ । ବୁଦ୍ଧି ବିବେକ ଖେଳାଇ ପ୍ରତିକୂଳ ସ୍ରୋତକୁ ଅନୁକୂଳ ଦିଗରେ ମୁହାଁଇ ଦେବାକୁ ମଧ୍ୟ ସାମର୍ଥ୍ୟ ଯୁଟିବ । ସାମାଜିକ ସ୍ଥିତି ଓ ମାନସମ୍ମ।ନ ବଜାୟ ରହିବ । ସମସ୍ତଙ୍କ ମେଳରେ ରହି ମଧ୍ୟ ନିଃସଙ୍ଗତା ଓ ଆବଦ୍ଧ ହେବେ । ଲଘୁଜନ ଓ ସେବାକାରୀମାନଙ୍କ ଚଞ୍ଚକତାରେ ଅସମ୍ମ।ନଜନକ ସ୍ଥିତି ପରିଲକ୍ଷିତ ହେବ । ଅଧିକାଂଶ ସମୟ ବହୁ କଷ୍ଟରେ ବିତାଇବେ । କଠିନ ପରିଶ୍ରମ କଲେ ମଧ୍ୟ ଯଶ-ମାନ ମିଳିବ ନାହିଁ । ବ୍ୟୟଭାର ମୁଣ୍ଡାଇ ଭୟଭୀତ ହୋଇପଡିବେ । ଅଯଥା ଧଁ। ଦୌଡ଼ ଲାଗିରହିବା ଯୋଗେ କ୍ଳାନ୍ତ-ଶ୍ରାନ୍ତ ହେବେ ଏବଂ ବେଳେ ବେଳେ ହତାଶାବୋଧ ବୃଦ୍ଧି ପାଇବ । ମାଲିମୋକଦ୍ଦମାରେ ପଶିଲେ ଅପଦସ୍ତ ହେବା ସାର ହେବ । ରାଜନୀତି କ୍ଷେତ୍ରରେ ନିନ୍ଦା ଓ ଭୟପ୍ରଦ ହେବ । ସାଧାରଣ ଲୋକ ସମ୍ପର୍କ କମିଯିବ ଓ ଚଞ୍ଚକତାର ଶିକାର ହେବେ । କୁମାରୀମାନେ କଳାସଙ୍ଗୀତ, ନୃତ୍ୟ ଗୀତରେ ମଜ୍ଜି ରହି ସୁଖରେ ଦିନ କାଟିବେ । ଯଥା ସମ୍ଭବ ପ୍ରକୃତିସ୍ଥ ରହି ଅଳ୍ପ ପରିଶ୍ରମରେ ଅଧିକ ଲାଭର ଉପଭୋକ୍ତା ହେବେ । ପାରିବାରିକ ପତିଆରା ଭଲ ରହିବ । ଉତ୍ତମ ବୁଝାମୁଣାରେ ଗତିକରି ଅଦୃତି ଓ ଶ୍ରଦ୍ଧାର ଅଧିକାରିଣୀ ହେବେ ।
ସ୍ଵାସ୍ଥ୍ୟ:
ସାଧାରଣ ସର୍ଦ୍ଦି-ଶ୍ଲେଷ୍ମାର ପ୍ରକୋପ ଓ ଉଦରପୀଡା ଅଳ୍ପ-ବହୁତ ଭୋଗ ହୋଇପାରେ । ମାତ୍ର ବିଶେଷ ରୋଗ ବ୍ୟାଧି ଆଶଙ୍କା ଏବେ ନାହିଁ । ଚକ୍ଷୁ ଓ ଉଦରପୀଡା, ଜ୍ଵର, ଶ୍ଲେଷ୍ମା ପ୍ରକୋପ, ଶୀରବ୍ୟଥା, ରକ୍ତବିକାର ଦୁର୍ବଳତା ଭଳି ରୋଗର କବଳିତ ହୋଇ ବେଳେ ବେଳେ ଅସୁସ୍ଥ ହେବେ । ପୁରୁଣା ରୋଗର ପ୍ରକୋପରେ କଷ୍ଟ ଅନୁଭବ କରିବେ । ସତର୍କ ନ ହେଲେ ଛାତି, ଗଳା, ନାସା, ଚକ୍ଷୁ ଓ କର୍ଣ୍ଣକୁ ପ୍ରଭାବିତ କରିବ । ବହୁ ସମୟରେ ଗରମ ପ୍ରୟୋଗକୁ ଯଥାସମ୍ଭବ ମାନ୍ୟତା ଦେବା ଉଚିତ୍ ହେବ ।
ଛାତ୍ର ଛାତ୍ରୀ ମାନଙ୍କ ପାଇଁ:
ଶିକ୍ଷାର୍ଥୀମାନଙ୍କର ବହୁ ଦିଗରୁ ଅନୁକୂଳ ହେବ । ପରିଶ୍ରମର ସୁଫଳ ଭୋଗ କରିବେ । ନିଶ୍ଚିତ ମହତ୍ତ୍ୱାକାଂକ୍ଷାର ସାଧନ ଉପଲବ୍ଧି ଅନୁରୂପ ସମ୍ଭାବନାପ୍ରଦ । ବର୍ଷର ମଧ୍ୟ ଭାଗରେ ଜ୍ଞାନ-ଗବେଷଣା ସ୍ତରରେ କୃତକାର୍ଯ୍ୟ ହୋଇ ଯଶ ମାନ ପ୍ରତିଷ୍ଠା ପ୍ରାପ୍ତି ହେବ । ଗୁରୁକୁଳର ଆଶୀର୍ବାଦ ବହୁକ୍ଷେତ୍ରରେ ସୁରକ୍ଷା ଦେବ । ବେଳେବେଳେ ଅଧ୍ୟୟନ କ୍ଷେତ୍ରରେ ଅସ୍ଥିରତା ଅନୁଭବ କରିବେ । ଗୁରୁଜନମାନଙ୍କ ଅସନ୍ତୋଷଭାଜନ ହୋଇପାରନ୍ତି ।
ପାରିବାରିକ:
ପାରିବାରିକ କ୍ଷେତ୍ରରେ ପରସ୍ପରର ମତାମତ ସୁଧୁରିବ ନାହିଁ ଓ ଅହଂର ସଂଘର୍ଷ ମଧ୍ୟ ଅତୁଟ ରହିବ । ଏହା ସତ୍ତ୍ୱେ ବିଚ୍ଛିନ୍ନତାର ଦୁର୍ଭାଗ୍ୟ ଠାରୁ ଦୂରେଇ ରହିବେ ଓ ଦୁଃସ୍ଥିତି ସହ ସାଲିସ କରି ବାହାରକୁ ନିଜର ଭାବମୂର୍ତ୍ତି ଅକ୍ଷୁର୍ଣ୍ଣ ରଖିବାର ପ୍ରଚେଷ୍ଟାରେ ସଫଳ ହେବେ । ଖର୍ଚ୍ଚକୁ ରୋକିବା କାଠିକର ପାଠହେବ । ଆୟ-ବ୍ୟୟର ଭାରସାମ୍ୟ ରକ୍ଷଣ ପ୍ରତି ସଚେତନ ରହି ପାରିଲେ ଶୁଭ ହେବ । ପରିଶ୍ରମର ଉପଯୁକ୍ତ ଫଳ ଫେରିପାଇବାର ଆଶା ରଖିଥିଲେ, ଦୁଃଖ ଓ ଅବଶୋଷ ଭୋଗ ହିଁ ସାର ହେବ । କାରଣ ପରିଶ୍ରମର ସୁଫଳରୁ ଅନେକ ବାଟମାରଣା ହେବ ଓ ସେଥିପ୍ରତି କିଛି ପଦକ୍ଷେପ ଗ୍ରହଣ ନିମନ୍ତେ ଉପାୟ ଦିଶିବ ନାହିଁ। ମାଲିମୋକଦ୍ଦମାରେ ଘୋଷାଡ଼ି ହେବାର ପୀଡା ମିଳିବ । ବୁଦ୍ଧି, ପ୍ରରାକ୍ରମଯୋଗେ ଲକ୍ଷ୍ୟ ସିଦ୍ଧି, ଶତୃ ପ୍ରତିହତ, ଯାନବାହାନ ସୁଖ, ସେବା-ଶୁଶ୍ରୂଷା ଓ ଭୋଗବିଳାସ ପ୍ରାପ୍ତି ସମ୍ଭବ ହେବ । କେହି ଶୁଭଚିନ୍ତକ ସହାୟତାର ହାତ ବଢାଇ ଉତ୍ତମ ପରାମର୍ଶ ଦାତାର ଭୂମିକା ଗ୍ରହଣ କରି ପାରନ୍ତି । ଆୟ ଉତ୍ତମ ହେବ । ଶତ୍ରୁଜୟ ବା ବିବାଦୀୟ କାର୍ଯ୍ୟରେ ଜୟଯୁକ୍ତ ହେବେ । ପ୍ରତିଷ୍ଠା ମିଳିବ ଓ ନେତୃତ୍ଵ ଲାଭ ଯୋଗ ରହିଛି । ପରିବାରରେ ମଙ୍ଗୋଳତ୍ସବ, ବନ୍ଧୁଲାଭ ଓ ସୁଖଲାଭ ଓ ସୁଖ ସମ୍ମାନଦାୟକ ହେବ । ବିରୋଧିତତ୍ତ୍ଵର ମୁଖରେ ସ୍ଵାର୍ଥ-ଲାଳସା-ପୂର୍ତ୍ତିର ମଜବୁତ ତୁଣ୍ଡି ଭିଡି ଦେଇ, ଆଇନ ଶୃଙ୍ଖଳା ଶକ୍ତିକୁ ସ୍ଥାଣୁ କରିଦେଇ ପାରିବେ । ଭାରସାମ୍ୟ ରକ୍ଷା କରି ନିମ୍ନବର୍ଗଙ୍କ ଯୋଗେ ପରିସ୍ଥିକୁ ନିଜ ତରଫରେ ନେଇ, ସ୍ଵାର୍ଥସିଦ୍ଧିର ପଥକୁ ପ୍ରଶସ୍ତ କରିବେ । ସୀମିତ ସ୍ଥିତିରେ ଶ୍ଵାସରୋଧକର ଅନୁଭୂତି ଜାଗିପାରେ ଓ ତାହାକୁ ଅତିକ୍ରମ କରିବା ଲକ୍ଷ୍ୟରେ ଭୋଗମାର୍ଗୀ ହୋଇ ନିଜକୁ ପ୍ରତାରିତ କରି ପାରନ୍ତି । ପାରିବାରିକ ଅଶାନ୍ତି ଦୂରହୋଇ ନୂତନକର୍ମ ସଂସ୍ଥାନ, ଅର୍ଥଲାଭ , ପାରିବାରିକ ଉନ୍ନତି ଓ ବିବାହୋତ୍ସବ ଆଦି ହୋଇ ପାରିବ ।
ବ୍ୟବସାୟ ଓ କର୍ମ:
ବ୍ୟବସାୟୀମାନେ ସଂଘର୍ଷ ମଧ୍ୟେ ଗତି କରୁଥିବାବେଳେ ସାମାନ୍ୟ ରିହାତି ମିଳିବ ଓ ଉଦ୍ୟମରେ ସଫଳ ହୋଇ ପ୍ରତିଷ୍ଠା ରକ୍ଷାରେ ସମର୍ଥ ହେବେ । କିନ୍ତୁ କଠିନ ପରିଶ୍ରମ ନକଲେ ଏପରି ଆସା କରିବା ବୃଥା । ଶ୍ରମିକ ଓ କର୍ମଚାରିମାନେ ସୀମିତ କ୍ଷେତ୍ର ଗ୍ରହଣ କରିବେ । ସରକାରୀ ସଂପର୍କରେ ସ୍ଥାଣୁତା ଘଟିବା ସ୍ଵାଭାବିକ । ବ୍ୟବସାୟ ଦିଗରୁ ସମୟ ପ୍ରାୟତଃ ଅନୁକୂଳ ରହିବ । ବ୍ୟବସାୟ କ୍ଷେତ୍ରରେ ଖୁବ ଅଗ୍ରଗତି ଘଟିବ। ପ୍ରତିଦ୍ଵନ୍ଦୀ ବ୍ୟବସାୟୀମାନେ ପଛରେ ପଡିରହିବେ। ଲୁଗାପଟା ଓ ସୌଖୀନ ଦ୍ରବ୍ୟର ବ୍ୟବସାୟୀମାନେ ଦ୍ଵିଗୁଣ ଲାଭ କରିବେ । କଳକାରଖାନା ବା ଯନ୍ତ୍ରପାତି ବ୍ୟବସାୟରେ ପ୍ରବଳ ଲାଭ ହେବ । ଲୁହା, କାଠ, କୋଇଲା, କଣ୍ଟ୍ରାକ୍ଟରୀରୁ ଯଥେଷ୍ଟ ଲାଭ ଉଠାଇବେ । ପରିବହନ ବ୍ୟବସାୟରେ ଓ ପାର୍ଟନରସିପ ବ୍ୟବସାୟରେ ଲାଭ ଅପରି ବର୍ତିତ ରହିବ । କରଜ ଭାରରୁ ମୁକ୍ତି ମିଳିବ । ଆଇନ ଅଦାଲତରେ ଜୟଯୁକ୍ତ ହେବେ । ଚାକିରିରେ ପ୍ରତିଷ୍ଠିତ ହେବେ। ନିକଟରେ ସ୍ଥାନାନ୍ତର ଯୋଗନାହିଁ । ଉପରିସ୍ଥ କର୍ମଚାରୀ ଆପଣଙ୍କର ସହଯୋଗ ଲୋଡିବେ । ପଦୋନ୍ନତି ମଧ୍ୟ ପାଇପାରନ୍ତି । ମାନସମ୍ମାନ ବଜାୟ ରହିବ । ପାରିବାରିକ ଜୀବନରେ ପ୍ରୀତିଲାଭ, ବନ୍ଧୁମିଳନ, ବିବହୋତ୍ସବ, ଆନନ୍ଦ ଉତ୍ସାହ ବୃଦ୍ଧି ପାଇବ । ଆୟ ଉତ୍ତମ ଓ ବ୍ୟୟ ହ୍ରାସ ପାଇବ। ପ୍ରଚୁର ଅର୍ଥଲାଭ ଯୋଗ ରହିଛି । କୌଣସି ବ୍ୟାଙ୍କରୁ ମଧ୍ୟ ଋଣ ପାଇବା ଯୋଗ ଅଛି । ବସ୍ତ୍ରାଳଙ୍କାର ବା ଉପଢୌକନର ବିଳାସପ୍ରାଚୁର୍ଜ୍ୟ ମିଳିଯିବ । ଶୁଭକାର୍ଯ୍ୟର ପଦଧ୍ଵନି ଶୁଣିବାକୁ ପାଇବେ । ଅତି ସାଧାରଣ ଜୀବନଯାପନ କରି ପରିବାର,ବନ୍ଧୁ-କୁଟୁମ୍ବରେ ବେଶ୍ ପ୍ରଶଂସିତ ହେବେ ।କାରବାରର ଗତି ରୀତିରେ ପରିବର୍ତ୍ତନର ଆଶଙ୍କା ନାହିଁ । କର୍ତ୍ତୁତ୍ଵ ଜାରି ରଖି ଶ୍ରମିକ ଓ କର୍ମଚାରୀଙ୍କୁ ପ୍ରଭାବିତ କରିବା ଫଳରେ, ପ୍ରଗତିର ବେଗ ତ୍ଵରାନ୍ୱିତ ହେବ । କର୍ମକ୍ଷେତ୍ରରେ ପଦୋନ୍ନତି ପଦପଦବୀ ଲାଭ ଓ ନୂତନ ଗୃହନିର୍ମାଣ ଯୋଗ ଆଦି ରହିଛି । ସନ୍ତାନ ସନ୍ତତି ମାନଙ୍କପାଇଁ ବର୍ଷ ଫଳ ଉତ୍ତମ ଅଟେ । ସ୍ତ୍ରୀଙ୍କ ସ୍ୱାସ୍ଥ୍ୟ ଭଲ ରହିବ । କଠିନ ପରିଶ୍ରମ ମଧ୍ୟରେ ଯଶମାନର ଅଧିକାରି ହେବେ । ଅଧିକ ଆଶାବାଦୀ ଓ କଳ୍ପନାବିଳସୀ ହେଲେ ମଧ୍ୟ ଉଦାର, ପରୋପକାର କରି ପ୍ରଶଂସା ପାଇବେ । ଭଦ୍ର, ଶୃଙ୍ଖଳିତ, ବିଶ୍ଵସ୍ତ, ଆଦର୍ଶବାଦି ରୂପେ ବହୁ ଜନପ୍ରିୟ, ବନ୍ଧୁପ୍ରିୟ ହେବେ । ରୂପରେ ଯେମିତି ଗୁଣରେ ମଧ୍ୟ ତତୋଧିକ ଯୁବତୀ ସହ ବିବାହ ସଂମ୍ପନ୍ନ ହେବ । ନିମ୍ନବର୍ଗଙ୍କୁ ଆୟତ୍ତ କରି ପତିଆରା ଦର୍ଶାଇ ପାରିବେ । ଉଚ୍ଚ ଭାବମୂର୍ତ୍ତି ମଳିନ ପଡିବ ନହିଁ । ପାରିଶ୍ରମିକ ତୁଳନାରେ ଅଧିକ ଶ୍ରମ କରିବେ ଓ ରାଜନୀତି କ୍ଷେତ୍ରରେ ଶନ୍ତୁଳନ ରକ୍ଷା କରି ଚାଲିବେ ଓ ସାଧାରଣ ଲୋକ ସମ୍ପର୍କ କମିଯିବଏବ ଚଞ୍ଚକତାର ଶିକାର ହେବେ । କୃଷକମାନେ ଭୂମି ବିବାଦରେ ଜଡିତ ହୋଇ ବିଚଳିତ ହେବେ । ମାଲିମୋକଦ୍ଦମାରେ ନିଜ ପକ୍ଷ ସବଳ ରହିବ । ସୁଖ-ସନ୍ତୁଷ୍ଟି ପାଇବାରେ ବାଧା କିଛି ନାହିଁ ।
ପ୍ରତିକାର:
ରାହୁ, କେତୁ, ଗୁରୁ ଓ ଶନିଙ୍କ ପାଇଁ ପ୍ରତିକାର କରଣୀୟ । ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ବଗଳାମୁଖୀ ଯନ୍ତ୍ର ପୂଜାକରିବା ସହ ମହାକାଳୀ, ମହାଲକ୍ଷ୍ମୀ, ମହାସରସ୍ଵତୀଙ୍କ କବଚ ବା ତ୍ରିଶକ୍ତି କବଚ ଧାରଣ କରିବେ । ଅନ୍ଧ,ବିଧବା ଅସହାୟା ମାନଙ୍କୁ ସାହାଯ୍ୟ କରିବେ । ଗୋମାତାର ସେବାକରିବା ଆବଶ୍ୟକ । କୁକୁରକୁ ଖାଦ୍ୟ ଦିଅନ୍ତୁ ।