This is the ultimate page for Yearly Odia Rasifala for 2018. We have updated this Oriya Barsika Bhagyaphala for all rasis in this year. This is a very useful page for all those looking for 2018 Odia yearly rasifala. So, start finding horoscope for this year below.
 ମେଷ |  ବୃଷ |  ମିଥୁନ |  କର୍କଟ |
 ସିଂହ |  କନ୍ୟା |  ତୁଳା |  ବିଛା |
 ଧନୁ |  ମକର |  କୁମ୍ଭ |  ମୀନ |
Mesha – Yearly Odia Rasifala
ମେଷ ରାଶି
ବର୍ଷ ଆରମ୍ଭରୁ ରବି ଶୁକ୍ର ଓ ଶନି ନବମରେ, ଚନ୍ଦ୍ର ତୃତୀୟରେ, ମଙ୍ଗଳ ଓ ଗୂରୁ ସପ୍ତମରେ,ବୁଧ ଅଷ୍ଟମରେ, ରାହୁ ଚତୁର୍ଥରେ ଓ କେତୁ ଦଶମରେ ଅବସ୍ଥାନ କରିଛନ୍ତି।
ବାର୍ଷିକ ରାଶିଫଳ ମେଷ ୨୦୧୮
ବାର୍ଷିକ ଶୁଭାଶୁଭ ଫଳ:
ମେଷରାଶି ଜାତ ବ୍ୟକ୍ତିଙ୍କ ପାଇଁ ଶୁଭାଶୁଭ ମିଶ୍ରିତଫଳ ହେଲେ ମଧ୍ୟ ଶୁଭଫଳର ପରିମାଣ ଅଧିକ ହେବ। ଶତକଡା ୭୦ଭାଗ ଶୁଭଫଳଭୋଗ ହେବ। ସଚ୍ଚୋଟ ଓ ନ୍ୟାୟୀ ବ୍ୟକ୍ତି ହିସାବରେ ପ୍ରତେକ କଥାକୁ ଟିକିନିଖି ପରୀକ୍ଷା ପରେ ହିସାବକୁ ନେବେ। ସତ୍ୟବାଦୀ, ଶାନ୍ତିପ୍ରିୟ, ଧୈର୍ଯ୍ୟଶିଳ, ଭଦ୍ର, ବିନୟୀ, ଧର୍ମାତ୍ମା, ଦାନୀ, ଦେବତା, ସାଧୁସନ୍ଥସେବି, ପରୋପକାର କର୍ମରେ ନିଜକୁ ନିଯୋଜିତ କରି ଶୁଦ୍ଧଜ୍ଞାନ କୌଶଳରେ ଉଚ୍ଚାକାଂକ୍ଷା ପୂରଣ କରିବେ। ଉତ୍ସାହ-ଉଦ୍ଦୀପନାଯୁକ୍ତ ଦିନଚର୍ଯ୍ୟା ମଧ୍ୟରେ ବିଳାସ-ବ୍ୟସନର ପ୍ରଚୁର ଅବସର ମିଳିବ। ମୁକ୍ତ ଆକାଶର ପକ୍ଷୀ ଭଳି ନିଜ ଇଚ୍ଛାରେ ଉଡି ବୁଲିବାର ସୁଯୋଗ ଆସିବ। ସାମାଜିକ ସ୍ତରରେ ନିଜର ପତିଆରା ପ୍ରଦର୍ଶନ କରି ଅନ୍ୟମାନଙ୍କ ଦୃଷ୍ଟିରେ ଉଚ୍ଚ ଭାବମୂର୍ତ୍ତିର ଅଧିକାରୀ ହେବେ। ସାଙ୍ଗଠନିକ ସ୍ତରରେ ନିଜରସ୍ଵାତନ୍ତ୍ର୍ୟତା ରକ୍ଷା କରି ମର୍ଯ୍ୟ।ଦାବନ୍ତ ହେବେ। ଶତୃମୁକ୍ତ ନିରୁପଦ୍ରବ ଜୀବନଚର୍ଯ୍ୟା ନିମନ୍ତେ ମାନସିକ ସୁସ୍ଥତା ଅତୁଟ ରହିବ। ଅନେକଙ୍କର ସେବା-ଶୁଶ୍ରୂଷାରୁ ଲାଭ ଉଠାଇ ପାରିବେ। ବ୍ୟବହାର କୁଶଳତା ସାଙ୍ଗକୁ ଆନ୍ତରୀଣ ପ୍ରତିଭାର ଉନ୍ମେଷଣ ହେବ।
କର୍ମକ୍ଷେତ୍ରରେ ଦକ୍ଷତା ଓ ପ୍ରତିଭା ପ୍ରଦର୍ଶନ ଜନିତ ଯଶ-ମାନ-ପ୍ରତିଷ୍ଠା ପ୍ରାପ୍ତି ହେବ। ଆର୍ଥିକ ଦିଗର ଅଭିବୃଦ୍ଧି କାରଣରୁ ଗଠନମୂଳକ ତଥା ସେବାସମ୍ବନ୍ଧିତ କ୍ଷେତ୍ରରେ ଉଚ୍ଚ ଭୂମିକା ଗ୍ରହଣକରିବେ। ଶତ୍ରୁ ନାଶ ଯୋଗେ ନିରୁପଦ୍ରବ ଜୀବନଚର୍ଯ୍ୟାର ଅଧିକାରୀହେବେ। ସ୍ଵାସ୍ଥ୍ୟରେ ଉନ୍ନତି ସହ ଅଧ୍ୟାତ୍ମିକ ତଥା ବୈଷୟିକ ରୁଚି ପରିପୂର୍ତ୍ତି ଏବଂ ସର୍ବୋପରି ପାରିବାରିକ ସୁଖ ସମ୍ପନ୍ନତା ଲାଭ ହେବ। ଏସବୁ ଶୁଭଫଳ ଭୋଗ ହେଲେ ମଧ୍ୟ କିଛି ଆତ୍ମୀୟ ସ୍ଵଜନଙ୍କ ବିଦ୍ଵେଷ ବା କୋପଦୃଷ୍ଟି ରହିବ। ବୃଥା ଭ୍ରମଣ ବା କାର୍ଯ୍ୟକଳାପରେ ସମୟ ହାନି ହେବ। କିଛି ଚିନ୍ତା ମନରେ କୁହୁଳିବ। ସୁଖ-ସମୃଦ୍ଧି ପ୍ରତି ବାଧାବିଘ୍ନ ଘଟିବା ଯୋଗେ ଉଦ୍ ବେଗ ଓ ଅଶାନ୍ତି ବୃଦ୍ଧିହେବ। କୃତକର୍ମ ନିମନ୍ତେ ଅନୁଶୋଚନା, କୌଣସି ଦିଗରୁ ଉତ୍ତରଦାୟୀ ହୋଇ କ୍ଷୋଭ ଓ ଅବଶୋଷ ଅନ୍ତରରେ କୁହୁଳିବ।
ମହିଳାମାନଙ୍କ ପାଇଁ:
ଗୃହିଣୀମାନେ ବର୍ଷଟି ସୁଖ-ସମୃଦ୍ଧି ପ୍ରାପ୍ତିରେ ଆତିବାହିତ କରିବେ। ବେଳେବେଳେ ହଠାତ୍ ମତ ପରିବର୍ତ୍ତନ କରି ସମସ୍ତଙ୍କୁ ଚକିତ କରି ଦେବେ। ଅଧିକ ପରିଶ୍ରମ ବଳରେ ଜୀବନ ଶୈଳିରେ ପ୍ରତିଷ୍ଠାଲାଭ କରିବେ। ପାରିବାରିକ କ୍ଷେତ୍ରରେ ଆତ୍ମବିଶ୍ଵାସ ଓ ଦୃଢତା ଯୋଗେ ସମ୍ମାନର ଆଧିକାରିଣୀହେବେ। ସ୍ଥଳ ବିଶେଷରେ ଦୂରସ୍ଥାନବାସ ଯୋଜନା ମନ ମଧ୍ୟରେ ଉଙ୍କି ମାରିବା ଫଳରେ ଅସନ୍ତୋଷର ଶରବ୍ୟ ହେବେ। କୁମାରୀ ବା ଯୁବତୀମାନଙ୍କର ଅଧ୍ୟୟନରେ ମନ ନିବେଶ କରି ପରିବାରରେ ଆଦରଣୀୟା ହୋଇ ସୁଖରେ ରହିବେ। ବିବାହ ଯୋଗ୍ୟା କନ୍ୟା ମାନେ ବିବାହ କରିବାର ସୁବିଧା ସୁଯୋଗ ପାଇ ଖୁସିହେବେ। କର୍ମଜୀବିନୀମାନେ ବୃତ୍ତିଗତ କର୍ମକୁ ଅଧିକ ଗୁରୁତ୍ଵ ଦେବେ। ଚାକିରି କ୍ଷେତ୍ରରେ ଉନ୍ନତି କରିପାରିବେ। ନ୍ୟାୟମାର୍ଗ ଓ ମିଷ୍ଟ ବଚନ କୁ ନିଜର ଭୂଷଣଭାବି ସୁଗୃହିଣୀ, ବିନୀତା, ସନ୍ତାନବତ୍ସଳା, ସ୍ନେହମମତାପୂର୍ଣ୍ଣା, ପତୀବ୍ରତା ହେବେ। କର୍ମଜୀବିନୀମାନେ ସୁଖ-ସମ୍ମାନ ମଧ୍ୟରେ ସମୟ କାଟିବେ। ନିଜ ଇଚ୍ଛାରେ ବିଶ୍ରାମ କରିବେ। ଶୁଭକର୍ମ ସଂପୃକ୍ତି ନିମନ୍ତେ ସୁଯୋଗ ଆସିବ। ନିଜକ୍ଷେତ୍ର ଓ ପାରିବାରିକ ପରିବେଶରେ ନିଶ୍ଚିନ୍ତତା ଏକାଠି କରିବା ସମ୍ଭବ ହେବ।
ସ୍ଵାସ୍ଥ୍ୟ:
ଶାରୀରିକ କ୍ଳାନ୍ତି ଓ ଅବସନ୍ନତାବୋଧ ସାମୟିକ ଭାବରେ ଆଳସ୍ୟ ଓ ନିଃସଙ୍ଗତା ଭରିପାରେ। ଖାଦ୍ୟପେୟରେ ନିୟମିତତା ରଖି ନ ପାରି ଉଦର ପୀଡାର ଶିକାର ହେବା ଅସ୍ଵାଭାବିକ ନୁହେଁ। ଶର୍ଦ୍ଦି ପ୍ରକୋପରୁ ଶୀରପୀଡା ସାଙ୍ଗକୁ ମେରୁଦଣ୍ଡରେ କ୍ଲେଶବୃଦ୍ଧି ହେବ। ସୁସ୍ଥ ମାନସିକତା ରକ୍ଷାକରିବା ସମ୍ଭବ ନ ହୋଇପାରିବାରୁ ବିଭ୍ରାନ୍ତି ବୃଦ୍ଧି ହେତୁ ସଂଶୟ ଆକୁଳତାର ଅଧୀନ ହୋଇ, ଅଧିକାଂଶ କ୍ଷେତ୍ରରେ ବିଷାଦ ଯୋଗରେ ଗତିକରିବେ। ରକ୍ତଚାପ, ମଧୁମେହ, ଉଦରପୀଡା ବୃଦ୍ଧିପାଇ ହନ୍ତସନ୍ତ କରିବ।
ଛାତ୍ରଛାତ୍ରୀମାନଙ୍କ ପାଇଁ:
ଶିକ୍ଷାର୍ଥୀମାନଙ୍କ ପାଇଁ ସମୟ ଅନୁକୂଳ ରହିବ। ଅଧ୍ୟୟନରେ ଅଗ୍ରଗତି ଅବଧାରିତ ହେବ। ସାଙ୍ଗ ସୁଖ ଓ ଭ୍ରମଣର ଆନନ୍ଦ ବା ଖେଳକୁଶଳତାରେ ଆମୋଦିତ ହେବେ। ଉଚ୍ଚଚିନ୍ତନକୁ କାର୍ଯ୍ୟରୂପ ଦେବା ଦିଗରେ ଆଗେଇ ପାରିବେ । ଉନ୍ନତିର ଛକ ଉପରେ ପଦାର୍ପଣ କରି ଦିଗ ଭ୍ରଷ୍ଟର ଶିକାର ନ ହେଲେ ଲକ୍ଷ୍ୟପୂରଣ ଆଡକୁ ଆଗେଇ ପାରିବେ। ଉଚ୍ଚଶିକ୍ଷା ଅଧ୍ୟୟନ ପାଇଁ ବିଦେଶ ଯାତ୍ରା ଯୋଗ ଅଛି। ପ୍ରତିଯୋଗୀତା ପରୀକ୍ଷାରେ ଯଶରସହ ଉତ୍ତୀର୍ଣ୍ଣ ହୋଇ ପ୍ରଶଂସିତ ହେବେ।
ପାରିବାରିକ:
ବେଳେବେଳେ ବିଦ୍ରୋହଭାବର ଅଧୀନ ହୋଇ ଅନ୍ୟମାନଙ୍କୁ ବିରକ୍ତ କରି ପାରନ୍ତି। କିନ୍ତୁ ନିଜ କ୍ଷେତ୍ରରେ ସହଯୋଗର ଅଭାବ ଘଟିବ ନାହିଁ। ଲୋକଉପେକ୍ଷା କଲେ ବି କିଛି ଲୋକ ଆପଣେଇ ନେଇ ସମ୍ପର୍କର ଭାରସାମ୍ୟ ରକ୍ଷା କରିବେ। ମୁଣ୍ଡ ଉଚ୍ଚା ରହିବ। ଭ୍ରମଣ ସୁଯୋଗ ସତ୍ତ୍ୱେ ପରିପାର୍ଶ୍ଵିକ ସ୍ଥିତି ଅଟକାଇ ଦେବ। ଆୟ-ଉପାର୍ଜନ ଦିଗରୁ ଅସୁବିଧା କିଛି ନାହିଁ। ଆର୍ଥିକ ଭାରସାମ୍ୟ ରକ୍ଷା କରି ହେବ। ପାରିବାରିକ ସ୍ଥିତି ବିପର୍ଯ୍ୟସ୍ତ ହେବ ନାହିଁ। ସହାବସ୍ଥାନର ନିରାପଦ ବଳୟଭିତରେ ଆପଣା ଲୋକଙ୍କ ସାହାଯ୍ୟ ପାଇ ପାରିବାରିକ ଜୀବନ ସୁଧାରୀ ନେବେ। ଭୁଲ ବୁଝାମଣା, ରାଗରୁଷା, ମାନଅଭିମାନ, କଳହ, ବିତଣ୍ଡା, ବିତର୍କ ଇତ୍ୟାଦି ଅଳ୍ପ ବହୁତ ଦେଖାଦେଲେ ମଧ୍ୟ କୁ ପ୍ରଭାବ ପଡିବ ନହିଁ। କୌଣସି ପ୍ରକାରେ ଉଚ୍ଚମାନ୍ୟତା ରକ୍ଷା କରି ଆର୍ଥିକ ସ୍ଥିତିକୁ ସୁଦୃଢ କରିପାରିବେ। ପ୍ରକୃତିସ୍ଥ ହୋଇ ହିସାବରେ ଚଳିଲେ ଦୁର୍ଗତିରୁ ସୁରକ୍ଷିତ ରହି ହେବ।
ବ୍ୟବସାୟ ଓ ଚାକିରି:
ବ୍ୟବସାୟୀମାନେ ଗତାନୁଗତିକତା ରକ୍ଷାକରି ଚଳିବେ। କାରବାର ଦିଗରୁ ଚିନ୍ତିତ ହେବାର କିଛି କାରଣ ନାହିଁ। ଶ୍ରମିକ ଓ କର୍ମଚାରୀଙ୍କ ଉପରେ ଭରସା କଲେ ନିରାଶ ହେବେ ନାହିଁ। ସରକାରୀ କ୍ଷେତ୍ରରେ ମଧ୍ୟ ଅନୁକୂଳରେ ପରିସ୍ଥିତି ରହିବ। ଗଡି ଚାଲିଥିବା ଯୋଜନା ଓ ଅଭିବୃଦ୍ଧିମୂଳକ ପଦକ୍ଷେପ ସୁରକ୍ଷିତ ରହିବ। କେତେବେଳେ ଉନ୍ନତି ବା ସାଫଲ୍ୟର ପଦଧ୍ଵନି ସୁଣି ଉତ୍ଫୁଲ୍ଲ ହେବାରେ ମଧ୍ୟ ବାଧା କିଛି ନାହିଁ। କିନ୍ତୁ ପରିଶ୍ରମ କରିବାକୁ ହେବ। ଚାକିରିକ୍ଷେତ୍ରରେ ଉପରିସ୍ଥଙ୍କ ଶ୍ରଦ୍ଧାଭାଜନ ହେବେ। ନିମ୍ନବର୍ଗ ବା ଅଧସ୍ତନ କର୍ମୀଙ୍କୁ ଉପଯୋଗ କରି ଲାଭବାନ ହେବାରେ ପ୍ରତିବନ୍ଧକ ଘଟିବ ନାହିଁ । ଅନେକ କ୍ଷେତ୍ରରେ ଧୈର୍ଯ୍ୟ ଓ ସହନଶୀଳତାର ଆବଶ୍ୟକ। ମାଲିମୋକଦ୍ଦମା ପ୍ରତି ଅନାଗ୍ରହ ବଢିବ।
ରାଜନୀତିରେ ଯଥାପୂର୍ବ ତଥା ପରସ୍ଥିତି କାଏମ ରହିବ। ମୂଲ୍ୟବାନ ପଦାର୍ଥ ଓ ଅଧିକ ଧନରତ୍ନ ସହିତ ଏକୁଟିଆ ଚଳପ୍ରଚଳ ହେବା ନିରାପଦ ନୁହେଁ। ପ୍ରତିଦ୍ୱନ୍ଦିତା କ୍ଷେତ୍ରରୁ ଓହରି ରହିଯିବା ଅଧିକ ଉତ୍ତମ। କାରବାରରେ ଉତ୍ଥାନ ହେବାଫଳରେ ବ୍ୟବସାୟର ପରିବର୍ଦ୍ଧନ କରିବାର ଇଚ୍ଛା ଜାଗ୍ରତ ହେବ। ନୂତନ କର୍ମ ଯୋଜନାର ଶିଳାନ୍ୟାସ କଲେ, ତାହା ଦୀର୍ଘ ସ୍ଥାୟୀହେବ ଓ ବହୁବିଧ ଲାଭ ମିଳିବ। ଏଣୁ ଚଳିତ କାରବାରକୁ ଜାବୁଡି ଧରି ସୀମିତ ନହୋଇପ୍ରସାର ପ୍ରଚାର କରିବା ଉଚିତ। କର୍ମକ୍ଷେତ୍ରରେ ବର୍ଷସାରା ନିମ୍ନ ବର୍ଗୀୟ ବ୍ୟକ୍ତି ବିଶେଷଙ୍କଠାରୁ ନିରାପଦ ଦୂରତା ରକ୍ଷାକରି ଚଳିଲେ ବି ସେମାନଙ୍କ ସକାଶେ ମଧ୍ୟେ ମଧ୍ୟେ କ୍ଲେଶ ଭୋଗିବେ କୃଷିଜୀବୀମାନେ ଭଲ ଅମଳ କରି ସୁଖରେ ଦିନ ବିତାଇବେ।
ପ୍ରତିକାର:
ରାହୁ, କେତୁ ଓ ଶନିଙ୍କ ପାଇଁ ପ୍ରତିକାର କରଣୀୟ। ପ୍ରାଣପ୍ରତିଷ୍ଠିତ ସଂପୂର୍ଣ୍ଣ ବଗଳା ମୁଖିଯନ୍ତ୍ର ପୂଜାକରିବା ସହ ଛିନ୍ନମସ୍ତାଙ୍କ କବଚ ଧାରଣ କରିବେ। ଗୃହରେ ବା ଗ୍ରହମନ୍ଦିରରେ ଚଣ୍ଡୀପାଠ ପୂର୍ବକ ଯଜ୍ଞକରି ଦିନ ଦୁଃଖୀଙ୍କୁ ଅନ୍ନବସ୍ତ୍ର ଦାନ ଦିଅନ୍ତୁ। ଯାହାଫଳରେ କର୍ମକ୍ଷେତ୍ରରେ ସଫଳତାର ଶୀର୍ଷରେ ପହଞ୍ଚି ପାରିବେ। ବିଧବା ଅସହାୟା ମାନଙ୍କୁ ସାହାଯ୍ୟ କରନ୍ତୁ। ଗୋମାତାର ସେବାକରିବା ଆବଶ୍ୟକ।
Hope you are happy with the yearly horoscope prediction for your rasi. This is best place for most accurate Odia Barsika Rasifala in Odisha. So, after knowing your Odia rashifala for 2018, share with firends and family too.