୨୦୨୧ ମସିହା ଇଂରାଜୀ ନବବର୍ଷ କେମିତି କଟିବ ବାରୋଟି ରାଶିର ବ୍ୟକ୍ତିମାନଙ୍କ ପାଇଁ, କଣରହିଛି ଗ୍ରହମାନଙ୍କର ଫଳାଫଳ, କେମିତି କରିବେ ଅଶୁଭ ଗ୍ରହ ମାନଙ୍କ ପାଇଁ ପ୍ରତିକାର ଆସନ୍ତୁ ଜାଣିବା । ଧନୁରେ ରବି, ବୁଧ, କର୍କଟରେ ଚନ୍ଦ୍ର, ମେଷରେ ମଙ୍ଗଳ, ମକରରେ ଗୁରୁ, ଶନି, ବିଛାରେ ଶୁକ୍ର, କେତୁ, ବୃଷରେ ରାହୁ ଥିବା ସମୟରେ ବର୍ଷଚକ୍ର ଆରମ୍ଭ ହେଉଛି ।
ଗୁରୁ ୨୦୨୧ମସିହା ଏପ୍ରିଲମାସ ୬ ତାରିଖରେ କୁମ୍ଭ ରାଶିକୁ ଗମନ କରିବେ । ସେପ୍ଟମ୍ବର ମାସ ୧୪ତାରିଖରେ ମକର ରାଶିକୁ ବକ୍ରୀ ହେବେ । ନଭେମ୍ବର ମାସ ୨୧ ତାରିଖରେ ପୁନରାୟ କୁମ୍ଭ ରାଶିକୁ ଗମନ କରି ୨୦୨୨ ମସିହା ଏପ୍ରିଲ ମାସ ୧୩ତାରିଖ ପର୍ଯ୍ୟନ୍ତ କୁମ୍ଭ ରାଶିରେ ରହିବେ । ୨୦୨୧ ମସିହାରେ ଶନି ମକର ରାଶିରେ, ରାହୁ ବୃଷ ରାଶିରେ ଓ କେତୁ ବିଛା ରାଶିରେ ଅବସ୍ଥାନ କରିବେ ।
ତୁଳା:-
୨୦୨୧ ମସିହା ଇଂରାଜୀ ନବବର୍ଷ ଆରମ୍ଭରେ ତୁଳା ରାଶି ଜାତ ମହିଳା ଓ ପୁରୁଷ ମାନଙ୍କର ରବି, ବୁଧ ତୃତୀୟ ଭାବରେ, ମଙ୍ଗଳ ସପ୍ତମ ଭାବରେ, ଗୁରୁ, ଶନି ଚତୁର୍ଥ ଭାବରେ, ଶୁକ୍ର, କେତୁ ଦ୍ଵିତୀୟ ଭାବରେ ଓ ରାହୁ ଅଷ୍ଟମ ଭାବରେ ଅବସ୍ଥାନ କରୁଛନ୍ତି । ଯାହା ଫଳରେ ରବି, ଚନ୍ଦ୍ର, ଶୁକ୍ର ଶୁଭଫଳ ପ୍ରଦାନ କରିବେ । ଅନ୍ୟ ଗ୍ରହମାନେ ଅଶୁଭଫଳ ପ୍ରଦାନ କରୁଥିବାରୁ ପ୍ରତିକାର କରିବା ଦ୍ଵାରା କେତେକାଂଶରେ ଶୁଭଫଳ ପାଇପାରିବେ । ବିଶେଷତଃ ମହାଦଶା ଅନ୍ତର୍ଦ୍ଦଶା ଶୁଭଥିଲେ ଗୋଚର ଗ୍ରହମାନଙ୍କର ପ୍ରଭାବ ସେତେଟା ପଡିବ ନାହିଁ ।
ଛଅଟିଗ୍ରହ ଆପଣଙ୍କ ବିପକ୍ଷରେ ଥିଲାବେଳେ ତିନୋଟି ଅସ୍ଥିର ଗ୍ରହ ଆପଣଙ୍କ ସପକ୍ଷରେ ରହୁଛନ୍ତି ଯାହା ଫଳରେ ଶାରୀରିକ କ୍ଷମତା, ଦକ୍ଷତା, ଯୋଜନା, ଅର୍ଥ, ମାନସମ୍ମାନ, ପ୍ରତିଷ୍ଠା ଓ ସମ୍ପର୍କୀୟମାନଙ୍କ ମଧ୍ୟରେ ସ୍ଥିତି ବଢାଇବାରେ ସାହାଯ୍ୟ କରିବ । ଶକ୍ତି ଦ୍ଵାରା କାର୍ଯ୍ୟକୁ ପୂରଣ କରିବେ । ସ୍ବପ୍ନ ସାକାର ହେବ । ରାଜନୀତି କ୍ଷେତ୍ରରେ ଉଚ୍ଚ କର୍ମକର୍ତ୍ତାଙ୍କ ସୁଦୃଷ୍ଟି ପ୍ରାପ୍ତି ହେବା ଫଳରେ ଶତୃମାନଙ୍କୁ ମୁକାବିଲା କରିପାରିବେ । କଳା, ସାହିତ୍ୟ, ଚଳଚ୍ଚିତ୍ର, ସଂଗୀତାଦି କ୍ଷେତ୍ରରେ, ବାଦବିବାଦ, କ୍ରିଡା, ପ୍ରତିଦ୍ଵନ୍ଦିତା, ପ୍ରତିଯୋଗୀତା ପରୀକ୍ଷା ଓ ସାକ୍ଷାତକାରରେ କୃତକାର୍ଯ୍ୟ ହେବେ ।
ଗୁରୁ, ଶନି ଚତୁର୍ଥ ଭାବରେ ରହିବା ଫଳରେ ପ୍ରାୟ କାର୍ଯ୍ୟରେ ବାଧା ଦେଖାଦେବ । କିନ୍ତୁ କାର୍ଯ୍ୟ କ୍ଷେତ୍ର ବ୍ୟତୀତ ଅଲଗା କ୍ଷେତ୍ରରେ ଲାଭ ପାଇବେ । ଅଟକିଥିବା କାର୍ଯ୍ୟକୁ ପୂରଣ କରିବାର ସୁଯୋଗ ପାଇବେ । ନୂତନ ଗୃହ ମଧ୍ୟ ତିଆରି କରିପାରିବେ । ବୃହସ୍ପତି ଏପ୍ରିଲମାସ ୬ ତାରିଖରେ କୁମ୍ଭ ରାଶିକୁ ଗମନ କରି ସନ୍ତାନଭାବରେ ରହିବା ଫଳରେ ସେଥିରେ ସକାରାତ୍ମକ ପରିବର୍ତ୍ତନ ଦେଖିବେ । ଏକ ନୂତନ ଆତ୍ମବିଶ୍ଵାସ ଜନ୍ମ ହୋଇ ମାନ ସମ୍ମାନରେ ବୃଦ୍ଧି ହେବ । ଭବିଷ୍ୟତ ପାଇଁ ଯୋଜନା କରିବେ । କର୍ମକ୍ଷେତ୍ର ପାଇଁ ଶାରୀରିକ କ୍ଷମତା ଓ ମାନସିକ ଶକ୍ତି ବୃଦ୍ଧି କରିବାରେ ସାହାଯ୍ୟ ମିଳିବ ।
ଶିକ୍ଷା ଓ ସନ୍ତାନଙ୍କର ଭଲ ହେବ । ଅଚାନକ ଧନ ପ୍ରାପ୍ତି ହେବ । ଏହି ସମୟରେ ଆପଣ ସେୟାର ମାର୍କେଟିଂ ଇତ୍ୟାଦି ଯୋଜନାରେ ବିନିଯୋଗ କରିପାରିବେ । ଗୃହାରମ୍ଭ, ଦୁରଯାତ୍ରା, ନୂତନ ବ୍ୟବସାୟ ଆରମ୍ଭ କରି ପାରିବେ । ଅବିବାହିତ ଯୁବକ ଯୁବତୀମାନେ ବିବାହ କରିବାର ସୁଯୋଗ ପାଇବେ । ପତି ପତ୍ନୀଙ୍କ ମଧ୍ୟରେ ବୁଝାମଣା ଭଲ ରହିବ ଓ ଦାମ୍ପତ୍ୟ ସୁଖରେ ଶାନ୍ତି ଅନୁଭବ କରିବେ । ପ୍ରେମିକ ପ୍ରେମିକାମାନଙ୍କର ପ୍ରେମ ପ୍ରସଙ୍ଗରେ ଆଶାଜନକ ଫଳପ୍ରାପ୍ତି ହେବ । ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାକୁ ନେଇ ମନସନ୍ତୁଷ୍ଟ ରହିବ ।
କର୍ମ କ୍ଷେତ୍ରରେ ପରିବର୍ତ୍ତନ ହୋଇପାରେ, ସ୍ଥାନ ପରିବର୍ତ୍ତନ ମଧ୍ୟ ହୋଇପାରେ । ବିଶେଷ କରି ଯେଉଁମାନେ ନିଜ ପିଲାମାନଙ୍କ ପାଇଁ ଯୋଜନା କରୁଛନ୍ତି ସେମାନଙ୍କ ପାଇଁ ବିଶେଷ ଯତ୍ନ ନେବା ଆବଶ୍ୟକ । ରାହୁ ଅଷ୍ଟମ ଭାବରେ ଥିବାରୁ ଶତୃମାନଙ୍କ ଠାରୁ ସତର୍କ ରହିବା ଉଚିତ । ନତୁବା କିଛି ସମସ୍ୟା ସୃଷ୍ଟି ହୋଇପାରେ । ନିଜଉପରେ ବିଶ୍ଵାସର ଭାବନା ବହୁତ ଶକ୍ତିଶାଳୀ ହେବ ଓ ବେଳେବେଳେ ନାସ୍ତିକତା ମଧ୍ୟ ବୃଦ୍ଧି ପାଇବ । କିନ୍ତୁ କଠିନ ପରିଶ୍ରମ କରିବାକୁ ପଡିବ । ବିଶେଷ କରି ଶାରୀରିକ କଷ୍ଟ ଭୋଗ କରି ପାରନ୍ତି । ଯେପରିକି ପେଟ, ପିଠି ଯନ୍ତ୍ରଣା, ଗଣ୍ଠି ଯନ୍ତ୍ରଣା, ଚର୍ମରୋଗ ଆଦି ଭୋଗ କରି ପାରନ୍ତି । ପ୍ରତିଯୋଗୀତାରେ ବହୁତ ପରିଶ୍ରମ କରିବାକୁ ହେବ ।
ଯେଉଁମାନେ ବିଦେଶରେ ରହି ପାଠ ପଢୁଛନ୍ତି ସେମାନେ ଟିକେ ସଚେତନ ରହିବା ଆବଶ୍ୟକ । ଅଶୁଭ ଗ୍ରହମାନଙ୍କ ପାଇଁ ପ୍ରତିକାର କରିଚାଲିଲେ କୌଣସି ବିପଦ ପାଖ ମାଡିବନି । ୧- ପ୍ରାଣପ୍ରତିଷ୍ଠିତ ସମ୍ପୂର୍ଣ୍ଣ ନବଗ୍ରହ ମହାଯନ୍ତ୍ର ପୂଜା କରିବା ସହ ନିମ୍ନ ବୀଜମନ୍ତ୍ରକୁ ପ୍ରତିଦିନ ୧ ମାଳା ଜପ କରନ୍ତୁ ଔଁ ଦ୍ରାଂ ଦ୍ରୀଂ ଦ୍ରୌଂ ସଃ ଶୁକ୍ରାୟ ନମଃ । ୨- ପ୍ରଥମ ମାସର ଯେକୌଣସି ଶୁକ୍ରବାରଦିନ ଅସହାୟ ବୃଦ୍ଧ ବୃଦ୍ଧାଙ୍କୁ ସୀସା, ରାଶି, ସୋରିଷତେଲ, ନୀଳବସ୍ତ୍ର, କଳାଫୁଲ, କମ୍ବଳ ଓ ପନିକି ବା ଛୁରୀ ଦାନ କରି ଦିଅନ୍ତୁ । ୩- ରୂପା ପଇସା ପକେଟରେ ରଖନ୍ତୁ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।