ଘରେ ପରିବାରରେ ସବୁବେଳେ କିଛି ନା କିଛି କଥାକୁ ନେଇ ଦ୍ଵନ୍ଦ ଦେଖାଦିଏ । ବେଳେ ବେଳେ ଆର୍ଥିକ ଚିନ୍ତା ଲାଗି ରୁହେ । ସବୁ କାର୍ଯ୍ୟରେ ବାଧା ସୃଷ୍ଟି ହୋଇ କାର୍ଯ୍ୟ ପୂରଣ ହୋଇପାରେ ନାହିଁ । ପରିବାରର ସଦସ୍ୟ ରୋଗରେ ପୀଡିତ ହୁଅନ୍ତି, କାରଣ ଯଦି ସେହି ଘରର ଜିନିଷ ପତ୍ର ସଠିକ ସ୍ଥାନରେ ନ ରଖିବେ ତେବେ ସେହି ଘରେ ବାସ୍ତୁଦୋଷ ସୃଷ୍ଟି ହୁଏ । ଘରର ଯେ କୌଣସି ଭାଗରେ ମଧ୍ୟ ବାସ୍ତୁଦୋଷ ଥାଇପାରେ । ଯେପରିକି ଘରର ଚାରିକୋଣରେ ମଧ୍ୟ ବାସ୍ତୁଦୋଷ ଥାଏ ।
ସବୁ ଲୋକମାନେ ଘର ଭିତରେ କେଉଁ ଦିଗରେ କଣ ବସ୍ତୁ ରଖିବାକୁ ଜାଣିବାକୁ ଇଛା କରନ୍ତି । ସେହିପରି ଘରର ଚାରି କୋଣରେ କଣ ବସ୍ତୁ ରଖିଲେ ବାସ୍ତୁଦୋଷ ରହିବ ନାହିଁ, ସବୁ କଷ୍ଟରୁ ମୁକ୍ତି ପାଇବେ ଓ ଧନର ଅଭାବ ହେବ ନାହିଁ । ତେବେ ଆସନ୍ତୁ ଜାଣିବା ଘରର ଚାରି କୋଣରେ କଣ ବସ୍ତୁ ରଖିପାରିବେ ।
ବାସ୍ତୁ ଆନୁସାରେ ପୂର୍ବ, ପଶ୍ଚିମ, ଉତ୍ତର ଓ ଦକ୍ଷିଣ ଦିଗର ମଝି ଅଂଶକୁ ମଧ୍ୟ ନାମ ଦିଆଯାଇଛି । ଏହି ଦିଗରେ ଦେବା ଦେବୀ ଓ ଗ୍ରହଙ୍କର ମଧ୍ୟ ସ୍ଥାନ ରହିଛି । ସେହି ଅନୁସାରେ ଘରର ଶୁଭ ଅଶୁଭ ଫଳ ମଧ୍ୟ ମିଳିଥାଏ । ଯେପରିକି ଘରର ଚାରି କୋଣକୁ ଐଶାନ୍ୟକୋଣ, ନୈରୁତକୋଣ, ଆଗ୍ନେୟକୋଣ ଓ ବାୟବ୍ୟେକୋଣ କୁହାଯାଏ ।
୧- ଉତ୍ତର ଓ ପୂର୍ବ ଦିଗର ମଝି ଅଂଶକୁ ଐଶାନ୍ୟକୋଣ କୁହାଯାଏ । ଐଶାନ୍ୟକୋଣ ପାଣି ଓ ଭଗବାନ ଶିବଙ୍କ ସ୍ଥାନ ଅଟେ । ଗୁରୁ ଗ୍ରହ ଏହି କୋଣର ସ୍ଵାମୀ ଅଟନ୍ତି । ଐଶାନ୍ୟକୋଣରେ ପୂଜା ଘର, ପାଣି ମାଠିଆ, କୂଅ, ଟିୱେଲ ଆଦି ରଖିପାରିବେ ।
୨- ପୂର୍ବ ଓ ଦକ୍ଷିଣ ଦିଗର ମଝି ଅଂଶକୁ ଆଗ୍ନେୟକୋଣ କୁହାଯାଏ । ଆଗ୍ନେୟକୋଣ ଅଗ୍ନି ଓ ମଙ୍ଗଳ ଗ୍ରହଙ୍କ ସ୍ଥାନ ଓ ଶୁକ୍ର ଗ୍ରହ ଏହି ଦିଗର ସ୍ଵାମୀ ଅଟନ୍ତି । ଆଗ୍ନେୟକୋଣରେ ରୋଷେଇଘର ବା ଇଲୋକ୍ଟ୍ରୋନିକ ଉପକରଣ ରଖିପାରିବେ ।
୩- ପଶ୍ଚିମ ଓ ଉତ୍ତର ଦିଗର ମଝି ଅଂଶକୁ ବାୟବ୍ୟେକୋଣ କୁହାଯାଏ । ବାୟବ୍ୟେକୋଣରେ ବାୟୁର ସ୍ଥାନ ଓ ଚନ୍ଦ୍ର ଗ୍ରହ ଏହି ଦିଗର ସ୍ଵାମୀ ଅଟନ୍ତି । ବାୟବ୍ୟେକୋଣରେ ଝରକା ଓ ଆଲୋକ ପ୍ରବେଶ କରିବା ଆଦି ସ୍ଥାନ କରିପାରିବେ । ଏଠାରେ ଗେଷ୍ଟ ରୁମ୍ ମଧ୍ୟ କରିପାରିବେ ।
୪- ଦକ୍ଷିଣ ଓ ପଶ୍ଚିମ ଦିଗର ମଝି ଅଂଶକୁ ନୈରୁତକୋଣ କୁହାଯାଏ । ନୈରୁତକୋଣ ପୃଥିବୀ ତତ୍ଵର ସ୍ଥାନ ଅଟେ । ରାହୁ ଓ କେତୁ ଗ୍ରହ ଏହି ଦିଗର ସ୍ଵାମୀ ଅଟନ୍ତି । ନୈରୁତକୋଣକୁ ଉଞ୍ଚା ଓ ଓଜନଦାର ରଖିବା ଉଚିତ୍ । ଏହା ବ୍ୟତୀତ ଟିଭି, ରେଡିଓ, ସି.ଡି. ପ୍ଲେୟାର ବା ଖେଳିବା ସାମଗ୍ରୀ ମଧ୍ୟ ରଖିପାରିବେ । ନୈରୁତକୋଣ ଓ ଦକ୍ଷିଣ ଦିଗରେ ଆଲମାରୀ, ସୋଫା, ଭାରି ଜିନିଷ ଆଦି ରଖିପାରିବେ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।