ମାତା ଲକ୍ଷ୍ମୀଙ୍କୁ ଦୀପାବଳୀ ଦିନ ଖଇ ଶାକର ଭୋଗ କରାଯାଏ । ଲୋକମାନେ ଏହି ଦିନ ପୂଜା ସାମଗ୍ରୀ ସହିତ ଏହି ଭୋଗ ମଧ୍ୟ କିଣିଥାନ୍ତି । ଏହି ଖଇ ଧାନରୁ ପ୍ରସ୍ତୁତ ହୁଏ ଓ ଧାନ ପୂର୍ବ ଭାରତର ମୁଖ୍ୟ ଅନ୍ନ ଅଟେ । ସେହିପରି ମାତା ଲକ୍ଷ୍ମୀଙ୍କୁ ବେଶନରେ ତିଆରି ଲଡୁ ଓ ଶ୍ରୀ ଗଣେଶଙ୍କୁ ମୋଦକ ପ୍ରସାଦ କରାଯାଏ । ତେବେ ଆସନ୍ତୁ ଜାଣିବା କାହିଁକି ଏହି ଭୋଗ କରାଯାଏ ।
କାହିଁକି ଏହି ଭୋଗ କରାଯାଏ?- ଦୀପାବଳୀ ପୂର୍ବରୁ ଏହି ଫସଲ କରାଯାଇ ଧାନ ଅମଳ କରାଯାଇଥାଏ । ସେହି ଧାନରୁ ଖଇ ତିଆରି କରାଯାଏ । ସେଥିପାଇଁ ଏହି ଫସଲର ପ୍ରଥମ ଭାଗରୁ ଖଇ ତିଆରି କରି ମାତା ଲକ୍ଷ୍ମୀଙ୍କ ପାଖରେ ଭୋଗ କରାଯାଏ ।
ଏହି ଖଇ ଶାକର ଜ୍ୟୋତିଷ ଶାସ୍ତ୍ରରେ ମଧ୍ୟ ମହତ୍ଵ ଅଛି । ଦୀପାବଳୀରେ ଧନ ଓ ବୈଭବ ପ୍ରାପ୍ତି ହେବାର ପର୍ବ ଅଟେ । ଧନ ଓ ବୈଭବର ଦାତା ଶୁକ୍ରଗ୍ରହ ବୋଲି କୁହାଯାଏ । ଶୁକ୍ରଗ୍ରହଙ୍କ ମୁଖ୍ୟ ଧାନ ଅଟେ । ଶୁକ୍ରଗ୍ରହଙ୍କୁ ପ୍ରସନ୍ନ କରିବା ପାଇଁ ମାତା ଲକ୍ଷ୍ମୀଙ୍କ ପାଖରେ ଖଇ ଶାକର ଭୋଗ କରାଯାଏ ।
ଧଳା ଓ ମିଠା ସାମଗ୍ରୀ ଶୁକ୍ରଗ୍ରହଙ୍କ କାରକ ଅଟେ । ଅର୍ଥାତ୍ ଏହି ଦୁଇଟିକୁ ମିଶାଇ ଶୁକ୍ରଗ୍ରହଙ୍କୁ ଅନୁକୂଳ କରାଯାଏ । ମାତା ଲକ୍ଷ୍ମୀଙ୍କୁ ପ୍ରସନ୍ନ କରି ଶୁକ୍ରଗ୍ରହଙ୍କୁ ଶୁଭ କରିହୁଏ । ତେଣୁ ଖଇ ଶାକର ବିନା ମାତା ଲକ୍ଷ୍ମୀଙ୍କ ପୂଜା ସଂପୂର୍ଣ୍ଣ ହୁଏ ନାହିଁ ବୋଲି କୁହାଯାଏ ।
ଲୋକମାନେ ସବୁବେଳେ ସୁଖ, ଶାନ୍ତି, ଯଶ, ବୈଭବ ଓ ଲକ୍ଷ୍ମୀ ପ୍ରାପ୍ତି ହେବା ପାଇଁ ପ୍ରୟାସ କରନ୍ତି । ଲକ୍ଷ୍ମୀ ପ୍ରାପ୍ତି ହେବା ପାଇଁ ସବୁଠାରୁ ସରଳ ଉପାୟ ହେଲା ଅତିଥିଙ୍କୁ ସମ୍ମାନ ଦେବା । ଗୁରୁ ଗୁରୁଜନ, ମାଆ, ବାପାଙ୍କ ସେବା କରିବା, ଗୋମାତାଙ୍କ ସେବା ଓ ଭଗାବାନଙ୍କ ପୂଜା ଆରାଧନା କରିବା ସହିତ ଧର୍ମ କାର୍ଯ୍ୟ କରିବାକୁ ହେବ । ଯଦି ଏହି ସବୁ କାର୍ଯ୍ୟ କରିବେ ତେବେ ମାତା ଲକ୍ଷ୍ମୀ ଗୃହରେ ବାସ କରିବେ ।
ଯେଉଁଠାରେ ଅତିଥିମାନଙ୍କର ସେବା କରିବା, ଗୁରୁ ଗୁରୁଜନ, ମାଆ, ବାପାଙ୍କ ସେବା କରିବା, ଗୋମାତାଙ୍କ ସେବା ଓ ଭଗବାନଙ୍କ ପୂଜା ଆରାଧନା କରିବା ସହିତ ଧର୍ମ କାର୍ଯ୍ୟ କରାଯାଏ । ସତ୍ୟତା ପାଳନ କରିବା । ଦାନ କରିବା ପାଇଁ ଧାନ୍ୟ ସଂଗ୍ରହ କରିଥାନ୍ତି ।
ଯେଉଁଠାରେ ମନ୍ଦ କାର୍ଯ୍ୟ କରାଯାଏ ନାହିଁ, ଗୋମାତାଙ୍କୁ ରକ୍ଷା କରାଯାଏ । ଯେଉଁଠାରେ କ୍ଲେଶ ହେଉନଥିବ, ସ୍ତ୍ରୀ ସଂନ୍ତୋଷି ଓ ବିନୟୀ ହୋଇଥାନ୍ତି । ସେହିଠାରେ ମାତା ଲକ୍ଷ୍ମୀ ବାସ କରିଥାନ୍ତି । ଯେଉଁଠାରେ ଏହିସବୁ କାର୍ଯ୍ୟ ହେଉନଥିବ ସେଠାରେ ମାତା ଲକ୍ଷ୍ମୀ ବାସ କରନ୍ତି ନାହିଁ ।
ଏହି ସବୁ କାର୍ଯ୍ୟ କରିବା ସହିତ ଦୀପାବଳୀ ଦିନ ନିଜର ଲଗ୍ନ ଅନୁସାରେ ମାତା ଲକ୍ଷ୍ମୀଙ୍କୁ ପୂଜା ମଧ୍ୟ କରନ୍ତୁ ।
ମେଷ ଲଗ୍ନ- ଓଁ ବସୁପ୍ରଦା ନମଃ ।
ବୃଷ ଲଗ୍ନ- ଓଁ ଧନ୍ୟା ନମଃ ।
ମିଥୁନ ଲଗ୍ନ- ଓଁ ଭୁବନେଶ୍ଵରୀ ନମଃ ।
କର୍କଟ ଲଗ୍ନ- ଓଁ ହିରଣ୍ୟମୟୀ ନମଃ ।
ସିଂହ ଲଗ୍ନ- ଓଁ ଅଦିତି ନମଃ ।
କନ୍ୟା ଲଗ୍ନ- ଓଁ ବସୁଧାରିଣୀ ନମଃ ।
ତୁଳା ଲଗ୍ନ- ଓଁ ପଧା ନମଃ ।
ବିଛା ଲଗ୍ନ- ଓଁ ନିତ୍ୟପୁଷ୍ଟା ନମଃ ।
ଧନୁ ଲଗ୍ନ- ଓଁ ହିରଣ୍ୟପ୍ରକା ନମଃ ।
ମକର ଲଗ୍ନ- ଓଁ ବିଲ୍ଵନୀଳୟା ନମଃ ।
କୁମ୍ଭ ଲଗ୍ନ- ଓଁ ଶୁଭପ୍ରଭା ନମଃ ।
ମୀନ ଲଗ୍ନ- ଓଁ ଚନ୍ଦ୍ରରାହୋଦରୀ ନମଃ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।