ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଦୂବରେ ଅଛି କିଛି ଏଭଳି ସ୍ୱାସ୍ଥ୍ୟ ସମସ୍ୟାର ସମାଧାନ! 

ଶେୟାର କରନ୍ତୁ ଅନ୍ୟମାନକ ସହିତ
  • 327
    Shares

ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଦୂବରେ ଅଛି କିଛି ଏଭଳି ସ୍ୱାସ୍ଥ୍ୟ ସମସ୍ୟାର ସମାଧାନ!

ପରିଚୟ ଓ ଦେଶଭେଦରେ ନାମ

ଏହା ଦୁଇପ୍ରକାର ଥାଏ । ଗୋଟିଏ ଜାତି ନୀଳ, ଆଉ ଗୋଟିଏ ଜାତି ଶ୍ୱେତ । ଉଭୟ ପ୍ରକାର ଦୁବ ବିଭିନ୍ନ କାର୍ଯ୍ୟରେ ଦରକାରୀ ଅଟେ । ନୀଳଦୁର୍ବା ପୂଜା ପ୍ରଭୃତିରେ ଲୋଡ଼ାହୁଏ ଏବଂ ଶ୍ୱେତଦୁର୍ବା ମନ୍ତ୍ର ଯନ୍ତ୍ରାଦି କର୍ମାଦିରେ ଲାଗେ । ଏହା ସର୍ବତ୍ର ଅଛି । ସମସ୍ତେ ଏହାକୁ ଭଲରୂପେ ଚିହ୍ନିଅଛନ୍ତି । ଖାଲ ସ୍ଥାନର ଦୁବ ଅପେକ୍ଷା ଉଚ୍ଚ ଭୂମିରେ ଥିବା ବିଶେଷ ଉପକାରୀ ।

ଉକ୍ରଳରେ ଏହାକୁ ଦୂବ, ବଙ୍ଗଳାରେ ଦୂର୍ବା, ହିନ୍ଦିରେ ଦୁବ, ତେଲୁଗୁରେ ଗରିକେଡ୍‌କୀ ଏବଂ ସଂସ୍କୃତରେ ଦୁର୍ବା, ଭାର୍ଗବୀ ବହୁବୀର୍ଯ୍ୟା ଓ ମାଙ୍ଗଲ୍ୟା ପ୍ରଭୃତି କୁହାଯାଏ ।

ଶାସ୍ତ୍ରୋକ୍ତ ଗୁଣ ଓ ମାତ୍ର

ଏହା ଅଳ୍ପ କଷାୟ ମିଶ୍ରିତ ମଧୁରରସ, ଶୀତଳ, ରକ୍ତରୋଧକ ଓ ଶୋଧକ ଏବଂ ରକ୍ତପିତ୍ତ, ପିତ୍ତ, ଦାହ, ରକ୍ତବିକୃତି, ପୀନସ, ଭୂତାବେଶ, ଅର୍ଶ, କ୍ଷତ, ବ୍ରଣ ଓ ଶୀତପିତ୍ତ ପ୍ରଭୃତି ରୋଗ ନିରାକାର ଅଟେ । ଏହାର ମାତ୍ରା ଅର୍ଦ୍ଧତୋଳାରୁ ଏକତୋଳା ପର୍ଯ୍ୟନ୍ତ ବ୍ୟବହାର କରାଯାଇ ପାରେ ।

ରୋଗରେ ବ୍ୟବହାର ବିଧି

୧. ଦୁବକୁ ଛେଚି ଚିପୁଡ଼ି ରସ ବାହାର କରି ସେଥିରେ ଅଳ୍ପ ମିଶ୍ରିଗୁଣ୍ଡା ମିଶାଇ ସେବନ କରାଇଲେ ଶିଶୁମାନଙ୍କର ବାନ୍ତି ନିବାରିତ ହୁଏ ।

୨. ଏହାର ରସକୁ ନାକରେ ପକାଇଲେ ନାକରୁ ରକ୍ତ ପଡ଼ିବା ନିବାରିତ ହୁଏ ।

୩. ଗାଈଘିଅ ସଙ୍ଗରେ ଦୂବରସକୁ ମିଶାଇ ନିଅାଁରେ ବସାଇ ଯଥାବିଧି ତୈଳପାକ କରି ବାହି୍ୟକ ଏବଂ ଅଭ୍ୟନ୍ତରିକ ବ୍ୟବହାର କରିଲେ ସମସ୍ତ ପ୍ରକାର ବ୍ରଣ, ଭଗନ୍ଦର, କ୍ଷତ, ବାଗୀ ଏବଂ ବାନ୍ତି ନିବାରିତ ହୁଏ ।

୪. ଏହାର ମୂଳ ସହିତ ଆରି ଶୁଖାଇ କୁଟି ଚୂର୍ଣ୍ଣକରି ସେହି ଚୂର୍ଣ୍ଣକୁ ମହୁ ସହିତ ସେବନ କଲେ ପିତ୍ତ, ପିତ୍ତଶ୍ଳେଷ୍ମ ଓ ରକ୍ତପିତ୍ତ ରୋଗ ଆରୋଗ୍ୟ ହୁଏ ।

୫. ଦୂବ ମୂଳକୁ ଆଣି ଅରୁଆ ଚାଉଳ ସହିତ ବାଟି ଲେପ ଦେଲେ ଶିରପୀଡ଼ା ନିବାରିତ ହୁଏ ।

୬. ଗାଈ ଲହୁଣୀ ସହିତ ଏହାର ରସକୁ ମିଶାଇ ପ୍ରତ୍ୟେହ ସେବନ କରିଲେ ଅର୍ଶରୋଗ ନିବାରିତ ହୁଏ ।

୭. ଗୁଗ୍‌ଗୁଳ ଚୂର୍ଣ୍ଣ ପ୍ରକ୍ଷେପ ଦେଇ ଏହାର ରସ କିଛିଦିନ ସେବନ କଲେ କ୍ଷତ, ବ୍ରଣ, ଉପଦଂଶ ଓ ଭଗନ୍ଦର ପ୍ରଭୃତି ରୋଗ ଭଲ ହୁଏ ।

୮. ଏହର ରସରେ ଅଁଳାରସ ଏବଂ ମିଶ୍ରିଗୁଣ୍ଡା ମିଶାି ପ୍ରତ୍ୟେହ ସେବନ କରିଲେ ମେହ ଓ ପ୍ରମେହ ରୋଗ ନିବାରିତ ହୁଏ ।

୯. ଏହାର ରସରେ ମହୁ ମିଶାଇ ସେବନ କଲେ ସମସ୍ତ ପ୍ରକାର ରକ୍ତବିକୃତି ବିନାଶ ହୁଏ ।

୧୦. କାଟି ହୋଇଯିବା ସ୍ଥାନରେ ଏହାର ରସ ଦେଲେ ରକ୍ତବୁହା ବନ୍ଦ ହୁଏ ।

ତାନ୍ତ୍ରିକ ପ୍ରୟୋଗ ବିଧି

୧. ଦୂବ ୭ନାଡ ଆଣି ରକ୍ତବର୍ଣ୍ଣ ସୁତାଦ୍ୱାରା ପିଲାର ଦକ୍ଷିଣ ବାହୁରେ ଧାରଣ କରାଇଲେ ବାରମ୍ବାର ଚମକିବା ନିବାରିତ ହୁଏ ।

୨. ଶନିବାର କିମ୍ବା ରବିବାର ଦିନ ସକାଳୁ ଅଧୁଆ ମୁହଁରେ ଦୁବକୁ ଆଣି ଅରୁଆ ଚାଉଳ ସାଙ୍ଗରେ ବାଟି ପିଠାକରି ୨୧ଦିନ ପର୍ଯ୍ୟନ୍ତ ଖୁଆଇଲେ କୁମାରୀମାନେ ରଜସ୍ୱଳା ହୁଅନ୍ତି ।

୩. ଦୁର୍ଗାଦେବୀଙ୍କ ନାମରେ ସାତନାଡ଼ ଦୁବଦ୍ୱାରା ପିଲାମାନଙ୍କୁ ଝାଡ଼ିଦେଲେ ସେମାନଙ୍କ ଦେହରୁ ସମସ୍ତ ପ୍ରକାର ଦୁଷ୍ଟିଦୋଷ, ଜ୍ୱର ପିହୁଳା, ଭୟ ପ୍ରଭୃତି ଦୂର ହୁଏ ।

୪. ପାଳିଜ୍ୱର ହେଉଥିôବା ରୋଗୀକୁ ଦୂବ ସାତନାଡ ଦ୍ୱାରା ଶିବଙ୍କ ନାମରେ ଝାଡ଼ିଦେଇ ସେ ଦୁବକୁ ସେହି ରୋଗୀର ମୁଣ୍ଡଡିଆଇଁ ପକାଇ ଦେଲେ ତାହାଠାରୁ ପାଳିଜ୍ୱର ଛାଡିଯାଏ ।

୫. ଡାକୀନୀ ପ୍ରଭୃତି ଉପଦ୍ରବରେ ଶ୍ୱେତଦୂବ ୨୧ନାଡି ଆଣି ଦାଣ୍ଡ ଓ ବାଡିଦ୍ୱାର ବନ୍ଧ ଉପରେ ଟାଙ୍ଗି ବାନ୍ଧିଦେଲେ ସେ  ଗୃହରେ କେହି ପ୍ରବେଶ କରି ପାରିବେ ନାହିଁ ।


ଶେୟାର କରନ୍ତୁ ଅନ୍ୟମାନକ ସହିତ
  • 327
    Shares
  • 327
    Shares
error: Content is protected !!