ସବୁ ଲୋକମାନେ ଚାହିଁଥାନ୍ତି ଯେ ଘରେ ସୁଖ ଶାନ୍ତି ଓ ଆରାମ ଲାଗିରହୁ । ଏଥିପାଇଁ ଲୋକମାନେ ଅନେକ ଅନେକ ଉପାୟ ମଧ୍ୟ କରୁଛନ୍ତି । ଜ୍ୟୋତିଷ ଶାସ୍ତ୍ର ଅନୁସାରେ କିଛି ଉପାୟ କରାଯାଏ ତେବେ ଘରେ ସୁଖ ଶାନ୍ତି ଓ ଆରାମ ମିଳିଥାଏ । ଏଥିପାଇଁ ଜ୍ୟୋତିଷ ଓ ବାସ୍ତୁ ବିଶେଷଜ୍ଞମାନେ ଅନେକ ଉପାୟ ମଧ୍ୟ କହିଛନ୍ତି । ଆସନ୍ତୁ ଜାଣିବା ଏହି ଉପାୟ ଗୁଡିକ ବିଷୟରେ ।୧- ଘରେ ସକାଳ ସମୟରେ ଭଜନ ବା ଭକ୍ତିମୟ ସଙ୍ଗୀତ ଶୁଣିବା ଉଚିତ୍ । ଏଥିରେ ଘରର ପରିବେଶ ଶାନ୍ତି ଓ ଆନନ୍ଦମୟ ମିଳିଥାଏ ।
୨- ଘରେ ପୂଜା କରାଯାଉଥିବା ସ୍ଥାନରେ ଅଗରବତୀ, ଧୂପ, ଦୀପ ଓ ଅନ୍ୟ ସାମଗ୍ରୀ ଦକ୍ଷିଣ ପୂର୍ବ ଦିଗରେ ରଖିବା ଉଚିତ୍ ।
୩- ଗୁରୁବାର ଦିନ ରୂପା ପାତ୍ରରେ କେସରକୁ ଘୋରି ମଥାରେ ତିଳକ ଲଗାନ୍ତୁ ।
୪- ଘରର ପୂଜା ସ୍ଥାନରେ ଯେ କୌଣସି ଏକ ପାତ୍ରରେ ଜଳ ଭର୍ତ୍ତି କରି ରଖନ୍ତୁ ।
୫- ଘରେ ଦକ୍ଷିଣାବର୍ତ୍ତୀ ଶଙ୍ଖ ରଖନ୍ତୁ ।
୬- ଗାଈକୁ ରୋଟି ଖାଇବାକୁ ଦିଅନ୍ତୁ ।
୭- ଘରର ମଧ୍ୟ ଭାଗରେ ଅଇଁଠା ବାସନ ନ ଧୋଇବା ଉଚିତ୍ ।
୮- ପିଲାମାନଙ୍କ ରୁମ୍ ରେ ଧଳା ରଙ୍ଗ ଲଗାନ୍ତୁ । ଘରର ବଡ ପୁଅଙ୍କ ରୁମ୍ ରେ ନୀଳ ରଙ୍ଗ ଓ ଝିଅଙ୍କ ରୁମ୍ ରେ ଫିକା ଗୋଲାପି ରଙ୍ଗ ଲଗାନ୍ତୁ ।
୯- ଯଦି ବ୍ୟକ୍ତିର ରାଶି ଅନୁସାରେ ଘରେ ରଙ୍ଗ ଲଗାଇବେ ତେବେ ବହୁତ ଶୁଭ ହେବ ।
୧୦- ଯଦି ଏହିପରି ନ କରିବେ ତେବେ ଯେ କୌଣସି ଫିକା କ୍ରିମ ଓ ବାଦାମି ରଙ୍ଗ ଲଗେଇବା ଶୁଭ ହୋଇଥାଏ ।
୧୧- ଜ୍ୟୋତିଷଶାସ୍ତ୍ର ବା ବାସ୍ତୁ ଅନୁସାରେ ଯେ କୌଣସି ଶୁଭ ୱାଲପେପର ଲଗାନ୍ତୁ ।
୧୨- ଘରର ଯେ କୌଣସି ରୁମ୍ ରେ ଚାରି କାନ୍ଥରୁ ଗୋଟିଏ କାନ୍ଥରେ ଧଳା ରଙ୍ଗ ଲଗାନ୍ତୁ ବା କାଚ ଲଗାନ୍ତୁ ।
୧୩- ଖାଇବା ଘରେ ବା ଶୋଇବା ଘରେ ଫିକା ରଙ୍ଗ ଲଗାନ୍ତୁ । ଯେପରିକି ଫିକା ମାଟିଆ, ଧଳା, କ୍ରିମ ବା ଫିକା ଲେମନ ରଙ୍ଗ ଆଦି ।
୧୪- ଘରେ ପୂଜା କରିବା ପରେ ଅତି କମରେ ପାଞ୍ଚ ମିନିଟ୍ ପର୍ଯ୍ୟନ୍ତ ମୌନ ରୁହନ୍ତୁ ।
୧୫- ଯେତେବେଳେ ଘରେ ଝଗଡା ବା ବିବାଦ ଲାଗୁଥାଏ, ସେହି ସମୟରେ ଘରର ଆଲମୀରା ବା ବାକ୍ସ ଖୋଲନ୍ତୁ ନାହିଁ । କିଛି ସମୟ ପରେ ଖୋଲିପାରିବେ ।
୧୬- ରୋଷେଇ ଘରେ ଘରର ମୁଖ୍ୟ ପ୍ରଥମେ ପ୍ରବେଶ କରନ୍ତୁ । କୌଣସି କର୍ମଚାରୀ ବା ଚାକର ଚାକିରାଣୀଙ୍କୁ ରୋଷେଇ ଘରେ ପ୍ରଥମେ ପ୍ରବେଶ କରାନ୍ତୁ ନାହିଁ ।
୧୭- ଶୋଇବା ଘରେ ଫଟା ଭଙ୍ଗା ଫର୍ଣ୍ଣିଚର ଓ କାଚ ଆଦିକୁ ବାହାର କରିଦିଅନ୍ତୁ ନତୁବା ସଜାଡି ସଠିକ ସ୍ଥାନରେ ରଖନ୍ତୁ ।
୧୮- ରାତିରେ ଶୋଇବା ସମୟରେ ଶୁଦ୍ଧ ମନରେ ଚିନ୍ତାମୁକ୍ତ ହୋଇ ନିଜର ଇଷ୍ଟ ଦେବା ଦେବୀଙ୍କୁ ସ୍ମରଣ କରି ଶୋଇବା ଉଚିତ୍ ।
୧୯- ଘରେ ହସ ଖୁଶିର ବାତାବରଣ ରଖନ୍ତୁ । ଏଥିରେ ଗ୍ରହ ଦୋଷର ପ୍ରଭାବ କମି ଯାଏ ।
ଏହା କରନ୍ତୁ ନାହିଁ-
୧- ଦୀପ, ଅଗରବତୀ, ଧୂପ ଆଦିକୁ ପାଟିରେ ଫୁଙ୍କି ଲିଭାଇବା ଅନୁଚିତ୍ ।
୨- ଘରେ କଦାପି ଝାଡୁକୁ ଠିଆ ରଖନ୍ତୁ ନାହିଁ । ଝାଡୁକୁ ଗୋଡ ମାରନ୍ତୁ ନାହିଁ ଓ ଡେଇଁକରି ଯାଆନ୍ତୁ ନାହିଁ ।
୩- ଘରେ ଜୋତା ବା ଚପଲ ଏଠିସେଠି ରଖନ୍ତୁ ନାହିଁ ।
୪- ବିଛଣା ଉପରେ ବସି ଖାଦ୍ୟ ଖାଆନ୍ତୁ ନାହିଁ ।
୫- ସନ୍ଧ୍ୟା ସମୟରେ ଶୁଅନ୍ତୁ ନାହିଁ ।
୬- ଘରର କବାଟକୁ ଜୋରରେ ଖୋଲନ୍ତୁ ନାହିଁ କିମ୍ବା ବନ୍ଦ କରନ୍ତୁ ନାହିଁ ।
୭- ମନ ଦୁଖ କରି ଖାଦ୍ୟ ପ୍ରସ୍ତୁତ କରନ୍ତୁ ନାହିଁ ।
୮- ରାତିରେ ରୋଷେଇ ଘରେ ଅଇଁଠା ବାସନ ରଖନ୍ତୁ ନାହିଁ ।
୯- ନବବିବାହିତଙ୍କ ସହିତ ତିନିମାସ ପର୍ଯ୍ୟନ୍ତ କୌଣସି ବାଦ ବିବାଦ ବା ଯୁକ୍ତିତର୍କ କରନ୍ତୁ ନାହିଁ ।
୧୦- ଚିରା ଫଟା ବସ୍ତ୍ର କଦାପି ପିନ୍ଧନ୍ତୁ ନାହିଁ ।
୧୧- ନିଜର ଜନ୍ମ ପତ୍ରିକାକୁ ଅମାବାସ୍ୟା ଦିନ ଦେଖନ୍ତୁ ନାହିଁ ।
ଏହିଭଳି ଜ୍ଯୋତିଷ ସମ୍ବନ୍ଧିତ ଖବର ପାଇଁ ଆମ ପେଜକୁ ଲାଇକ କରନ୍ତୁ ।