ଯେଉଁମାନଙ୍କର ଜାତକ ନାହିଁ, ଯେଉଁମାନେ ଭବିଷ୍ୟତ ବିଷୟରେ ଜାଣିପାରୁନାହାନ୍ତି, ଯେଉଁମାନେ ଟିକେଭଲମନ୍ଦ ବିଷୟରେ ଜାଣିବା ପାଇଁ ଆଗ୍ରହୀ, ସେମାନେ ନିଜର ନାମରୁ ରାଶି ନକ୍ଷତ୍ରର ଗୁଣ, ସ୍ଵଭାବ, ଚରିତ୍ର, ପ୍ରକୃତି, କର୍ମ, ବିଦ୍ୟା, ବ୍ୟବସାୟ ବିଷୟରେ ଜାଣି କଣକରିବେ କଣ ନ କରିବେ ସେବିଷୟରେ ଆସନ୍ତୁ ଜାଣିବା ।
(୮)- ବିଛାରାଶି- ଯଦି ଆପଣଙ୍କ ନାମର ପ୍ରଥମ ଅକ୍ଷର ତୋ, ନା, ନୀ, ନୂ, ନେ, ନୋ, ଯା, ଯୀ, ଯୂ ହୋଇଥାଏ ତେବେ ଆପଣଙ୍କ ରାଶି ବିଛା ହେବ । ଆପଣଙ୍କ ରାଶିର ଚିହ୍ନ-ବିଛା, ରାଶିସ୍ୱାମୀ-ମଙ୍ଗଳ, ରାଶିତତ୍ୱ-ଜଳ, ରାଶିସ୍ୱରୂପ-ସ୍ଥିର, ରାଶିଦିଗ-ଉତ୍ତର । ରାଶିଗୁଣ-ସ୍ତ୍ରୀ । ରାଶିଜାତି-ବ୍ରାହ୍ମଣ । ରାଶିପ୍ରକୃତି-କଫ । ରାଶିସ୍ୱଭାବ-ସୌମ୍ୟ । ରାଶିଅଙ୍ଗ-ପିଠି । ରାଶିର ଶୁଭରତ୍ନ-ରକ୍ତ ପ୍ରବାଳ । ରାଶିର ଶୁଭରଙ୍ଗ-ନାଲି ।
ରାଶିର ଶୁଭବାର-ମଙ୍ଗଳବାର । ରାଶିର ଶୁଭ ଦେବତା-ଶିବ, ଭୈରବ, ହନୁମାନ । ରାଶିର ଶୁଭ ଦେବୀ-ମା ମଙ୍ଗଳା । ରାଶିର ବ୍ରତ, ଉପବାସ-ମଙ୍ଗଳବାର । ରାଶିର ଅଙ୍କ ବା ସଂଖ୍ୟା-୯ । ରାଶିର ତାରିଖ-୯, ୧୮, ୨୭ । ରାଶିର ମିତ୍ରରାଶି-କର୍କଟ, ସିଂହ, ଧନୁ, ମୀନ । ରାଶିର ଶତୃରାଶି-ମିଥୁନ, କନ୍ୟା । ଘାତବାର-ଶୁକ୍ରବାର, ଘାତନକ୍ଷତ୍ର-ରେବତୀ, ଘାତତିଥି-ଦଶମୀ, ଘାତଚନ୍ଦ୍ର-ବୃଷଚନ୍ଦ୍ର । ରାଶିବ୍ୟକ୍ତିତ୍ୱ- ସ୍ୱାବଲମ୍ବି, ପରିଶ୍ରମୀ, ସୁନ୍ଦର ଶରୀର ।
ରାଜଦ୍ୱାରରେ ପ୍ରତିଷ୍ଠା ପାଇଥାନ୍ତି, ସମସ୍ତ ଲକ୍ଷଣ ଶୁଭ ହୁଏ, ଅନେକ ସେବକ ଯୁକ୍ତ, ବ୍ୟବସାୟରେ ଲାଭବାନ, ଚତୁର, ଶତୃଜୟୀ, ବାପା ଓ ଗୁରୁଙ୍କ ସେବା ରତ, ରାଜାନୁଗ୍ରହୀତ, ବହୁତ ଗପନ୍ତି, କାବ୍ୟପ୍ରେମୀ, ଯୁଦ୍ଧପ୍ରେମୀ । ରାଶିର ସକରାତ୍ମକ ତଥ୍ୟ-ବୁଦ୍ଧିମାନ, ପ୍ରକୃତି ପ୍ରେମୀ, ବ୍ୟବସାୟୀ, ଶତୃଜୟୀ ଓ ଚତୁର ହେବେ । ରାଶିର ନକରାତ୍ମକ ତଥ୍ୟ- ଦୁର୍ବଳଚିତ୍ତ, ଅଶାନ୍ତ, ଦୁଷ୍ଟଜନ ସହ ମିତ୍ରତା କରିବେ ।
ରାଶିର ନକ୍ଷତ୍ର :- ବିଶାଖା, ଅନୁରାଧା, ଜ୍ୟେଷ୍ଠା ।
ବିଶାଖା- ଯଦି ଆପଣଙ୍କ ନାମର ପ୍ରଥମ ଅକ୍ଷର ତୋ ଅକ୍ଷର ହୋଇଥାଏ ତେବେ ଆପଣଙ୍କର ବିଛାରାଶି ବିଶାଖା ନକ୍ଷତ୍ରରେ ୧୬ବର୍ଷ ବୃହସ୍ପତିଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ବର୍ଗ-ସର୍ପ, ଯୋନି-ବାଘ, ଗଣ-ଦାନବ, ବର୍ଣ୍ଣ-ଶୂଦ୍ର, ହଂସକ ବା ତତ୍ୱ-ବାୟୁ, ନାଡ଼ୀ-ମଧ୍ୟ, ପାଦ-ତମ୍ବା ହେବ । ଆପଣ ସ୍ୱାବଲମ୍ବି, ପରିଶ୍ରମୀ, ସୁନ୍ଦର ଶରୀର, ରାଜଦ୍ୱାରରେ ପ୍ରତିଷ୍ଠା ପାଇବେ, ସମସ୍ତ ଶୁଭ ଲକ୍ଷଣ ଦେଖାଦେବ ଓ ନିଜ ଚତୁରତା ହେତୁ ବିରୋଧୀମାନଙ୍କୁ ହରାଇ ପାରିବେ ।
ଅନୁରାଧା- ଯଦି ଆପଣଙ୍କ ନାମର ପ୍ରଥମ ଅକ୍ଷର ନା, ନୀ, ନୂ, ନେ ହୋଇଥାଏ ତେବେ ଆପଣଙ୍କର ବିଛାରାଶି ଅନୁରାଧା ନକ୍ଷତ୍ରରେ ୧୯ବର୍ଷ ଶନିଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ବର୍ଗ-ସର୍ପ ଯୋନି-ମୃଗ, ଗଣ-ଦେବତା, ବର୍ଣ୍ଣ-ବ୍ରାହ୍ମଣ, ହଂସକ ବା ତତ୍ୱ-ଜଳ, ନାଡ଼ୀ-ଅନ୍ତ୍ୟ, ପାଦ-ତମ୍ବା ହେବ । ଆପଣ ଗୁପ୍ତକାର୍ଯ୍ୟରେ ଲିପ୍ତ ଓ ନିଜର ବୁଦ୍ଧି ବଳରେ ବହୁତ ଅଧିକ ଧନ ଅର୍ଜନ କରିବେ ।
ଜ୍ୟେଷ୍ଠା- ଯଦି ଆପଣଙ୍କ ନାମର ପ୍ରଥମ ଅକ୍ଷର ନୋ, ଯା, ଯୀ, ଯୂ ହୋଇଥାଏ, ତେବେ ଆପଣଙ୍କର ବିଛାରାଶି ଜ୍ୟେଷ୍ଠା ନକ୍ଷତ୍ରରେ ୧୭ବର୍ଷ ବୁଧଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ପ୍ରଥମ ଚରଣରେ ବର୍ଗ-ସର୍ପ ଓ ଶେଷ୩ଟି ଚରଣର ବର୍ଗ-ହରିଣ, ଯୋନି-ମୃଗ, ଗଣ-ଦାନବ, ବର୍ଣ୍ଣ-ବ୍ରାହ୍ମଣ, ହଂସକ ବା ତତ୍ୱ-ଜଳ, ନାଡ଼ୀ-ଅନ୍ତ୍ୟ, ପାଦ-ତମ୍ବା ହେବ । ଜ୍ୟେଷ୍ଠା ନକ୍ଷତ୍ରକୁ ଗଣ୍ଡମୂଳ କୁହାଯାଏ । ଆପଣ ବହୁତ ତେଜସ୍ୱୀ ଓ ଅତ୍ୟଧିକ ପରାକ୍ରମୀ ହେବେ ।
ଶୁଭଫଳ ପାଇବା ପାଇଁ ୧- ଭାଗ୍ୟ ଉପରେ ନିର୍ଭର କରନ୍ତୁ ନାହିଁ କେବଳ ଶ୍ରମ ଓ କାର୍ଯ୍ୟ ଗ୍ରହଣ କରନ୍ତୁ । କୌଣସି ଖରାପ କାର୍ଯ୍ୟ କରନ୍ତୁ ନାହିଁ । ୨- ପ୍ରତ୍ୟେକବର୍ଷ ଜନ୍ମଦିନରେ ଚନ୍ଦ୍ରଙ୍କ ସମ୍ବନ୍ଧିତ ବସ୍ତୁ ଯଥା- ମୋତିରତ୍ନ, ରୂପା, ଅରୁଆଚାଉଳ, ମିଶ୍ରି, ଦହି, ଧଳାବସ୍ତ୍ର, ଧଳାଫୁଲ, ଶଙ୍ଖ, କର୍ପୁର, ଧଳାଚନ୍ଦନ ଆଦି ଶକ୍ତି ଅନୁସାରେ ଯେକୌଣସି ଦ୍ରବ୍ୟ ଦାନ କରନ୍ତୁ । ୩- ମୋତି ରତ୍ନ ରୂପାରେ ମୁଦିକରି ଅନାମିକା ଆଙ୍ଗୁଠିରେ ଧାରଣ କରନ୍ତୁ ।
୪- ଛୋଟ ଛୁଆଙ୍କୁ କ୍ଷୀର ଦାନ କରନ୍ତୁ । ୫- ମାତାଙ୍କ ଆଶୀର୍ବାଦ ଗ୍ରହଣ କଲେ ଚନ୍ଦ୍ରଙ୍କ ଅଶୁଭ ପ୍ରଭାବ କମ୍ ହୋଇଯାଏ । ୬- ମଦ, ମାଂସ ସେବନ କରନ୍ତୁ ନାହିଁ । ୭- ଅହିଂସା ନୀତି ପାଳନ କରନ୍ତୁ ଦୟା ଭାବନା ଘାତକ ହେବ, କିନ୍ତୁ ଅନ୍ୟମାନଙ୍କ ପାଇଁ ଭଲ କାର୍ଯ୍ୟ କରନ୍ତୁ । ୮- ଘରେ ମନ୍ଦିର କରନ୍ତୁ ନାହିଁ ଓ ମୂର୍ତ୍ତିଗୁଡ଼ିକୁ ଘରେ ରଖନ୍ତୁ ନାହିଁ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।