ନବରାତ୍ରି ସମୟରେ କରନ୍ତୁ ଏହି ୫ଟି କାମ
ନବରାତ୍ରିର ପବିତ୍ର ପର୍ବ ୧୦ ଅକ୍ଟୋବରରୁ ଆରମ୍ଭ ହେବାକୁ ଯାଉଛି, ଏହି ଦିନମାନଙ୍କରେ ମା’ର ୯ଟି ରୂପକୁ ପୂଜା କରା ଯାଏ । ପ୍ରଥମ ଦିନ ମାତା ଶୈଲପୁତ୍ରୀ ଓ ଘଟ ସ୍ଥାପନା କରା ଯାଏ । ଏବଂ ନବରାତ୍ରିର ଶେଷ ଦିନ କନ୍ୟା ମାନଙ୍କର ପୂଜା କରାଯାଇ ବ୍ରତ ଖୋଲା ଯାଏ । ହିନ୍ଦୁ ଧର୍ମରେ ନବରାତ୍ରିର ବହୁତ ମହତ୍ତ୍ଵ ଅଛି, ଗୋଟେ ବର୍ଷରେ ୪ଥର ନବରାତ୍ରି ଆସେ । ଚୈତ୍ର ଓ ଆଶ୍ୱିନ ମାସ ଶୁକ୍ଳ ପକ୍ଷ ପ୍ରତିପଦା ରୁ ନବମୀ ପର୍ଯ୍ୟନ୍ତ ପଡୁଥିବା ନବରାତ୍ରି ବହୁତ ଲୋକପ୍ରିୟ ଅଟେ । ଏହା ବ୍ଯତୀତ ଆଷାଢ ଓ ମାଘ ମାସରେ ଗୁପ୍ତ ନବରାତ୍ରି ପଡେ, ଆଷାଢ ଓ ମାଘ ମାସ ଶୁକ୍ଳ ପକ୍ଷରେ ପଡୁଥିବା ନବରାତ୍ରିକୁ ଗୁପ୍ତ ନବରାତ୍ରି କୁହା ଯାଏ । ଏହି ନବରାତ୍ରି ଏତେ ବିଶେଷ ନ ହୋଇଥିଲେ ମଧ୍ୟ ତନ୍ତ୍ର ସାଧନା କରୁଥିବା ବ୍ୟକ୍ତିଙ୍କ ପାଇଁ ଏହା ବହୁତ ଖାସ ଅଟେ ।
ଶାରଦୀୟ ନବରାତ୍ରିରେ ସବୁ ପ୍ରକାରର ଶୁଭ କାମ କରାଯାଇପାରେ । ନବରାତ୍ରିର ଏହି ଶୁଭ ଦିନରେ ବିଶେଷ କାମ ପାଇଁ ମୂହୁର୍ତ୍ତ ଦେଖିବା ଆବଶ୍ୟକ ନାହିଁ । ଅଧିକାଂଶ ଲୋକ ଏହି ଦିନ ମାନଙ୍କରେ ଗୃହ ପ୍ରବେଶ କରନ୍ତି ଓ କିଛି ଲୋକ ନୂତନ ଯାନ ବାହାନ କିଣିଥାନ୍ତି । ସମସ୍ତେ ଏହି ୯ଦିନ ଯାକ ମା ଙ୍କର ଶ୍ରଦ୍ଧା ଓ ଭକ୍ତିର ସହ ପୂଜାର୍ଚ୍ଚନା କରିଥାନ୍ତି । ଆଜି ଆମେ ଆପଣଙ୍କୁ କହିବୁ ନବରାତ୍ରି ସମୟରେ ଏହି ୫ଟି ଜରୁରୀ କାମ ବିଷୟରେ, ଯାହାକୁ କରିଲେ ମାଙ୍କର ଆଶୀର୍ବାଦ ମିଳିବ ଓ ଆପଣଙ୍କର ସମସ୍ତ ଇଚ୍ଛା ନିଶ୍ଚୟ ପୂର୍ଣ୍ଣ ହେବ ।
ଆସନ୍ତୁ ଜାଣିବା ଏହି ୫ଟି ଜରୁରୀ କାମ କଣ
ନବରାତ୍ରିର ସମୟରେ ଆପଣ ମାଙ୍କର ପୂଜା ଅତ୍ୟନ୍ତ ସ୍ବଚ୍ଛ ଓ ପବିତ୍ର ମନରେ କରନ୍ତୁ, ମାଙ୍କ ମନ୍ଦିର ଯାଆନ୍ତୁ ଓ ସେଠି ଭଗବତୀ ପାଠ ନିଶ୍ଚୟ ପଢନ୍ତୁ ।
ଏପରି କୁହା ଯାଏ କି ନବରାତ୍ରି ବେଳେ ମାଙ୍କୁ ସବୁଦିନ ସ୍ବଚ୍ଛ ଜଳ ବା ଗଙ୍ଗାଜଳ ଅର୍ପଣ କରିଲେ ମା ନିଜ ଭକ୍ତଙ୍କ ଉପରେ ପ୍ରଶନ୍ନ ହୁଅନ୍ତି । ତେଣୁ ଏହା ନିଶ୍ଚୟ କରନ୍ତୁ ।
ନବରାତ୍ରିର ଏହି ୯ଦିନ ମାଙ୍କର ବିଶେଷ ଶୃଙ୍ଗାର କରିବା ଆବଶ୍ୟକ, ଓ ୮ମ ଦିନ ମା ମହାଗୌରୀ ଙ୍କର ବିଶେଷ ପୂଜାର ଆୟୋଜନ କରିବା ଆବଶ୍ୟକ, ଏହା କରିବା ଅତ୍ୟନ୍ତ ଶୁଭ ଅଟେ ।
ଯଦି ଆପଣ ଦେଶୀ ଗାଈ ଘିଅରେ ଅଖଣ୍ଡ ଦୀପ ଜାଳାଉଛନ୍ତି ତେବେ ଆପଣଙ୍କୁ ମାଙ୍କର ବିଶେଷ କୃପା ଲାଭ ହେବ ।
ନବରାତ୍ରି ସମୟରେ ପିଆଜ, ରସୁଣ, କି ମାଂସାହାରୀ ଭୋଜନ କରନ୍ତୁ ନାହିଁ ।
ଏହି ସବୁ କାର୍ଯ୍ୟ କରିବା ଦ୍ଵାରା ମାତା ଙ୍କର ଆଶୀର୍ବାଦ ଆପଣଙ୍କ ଉପରେ ସର୍ବଦା ରହିବ ।