ଘରେ ଲାଲ୍ ରଙ୍ଗର ପିମ୍ପୁଡି ଆସିବା ଅଶୁଭ କୁହାଯାଏ । ସେଥିପାଇଁ ପିମ୍ପୁଡିକୁ ଦେଖିଲେ ଅଟା ବା ହଳଦୀ ପକାଇ ବିଦା କରିଦେଉ । କଣ ଲାଲ୍ ରଙ୍ଗର ପିମ୍ପୁଡି ଆସିବା ଅଶୁଭ ହୋଇଥାଏ ? ଘରେ ଲାଲ୍ ରଙ୍ଗର ପିମ୍ପୁଡି ଆସିଲେ କଣ ହୁଏ ଆସନ୍ତୁ ଜାଣିବା । ଆପଣ ମଧ୍ୟ ଘରେ ବେଳେବେଳେ ଲାଲ୍ ରଙ୍ଗର ପିମ୍ପୁଡି ଆସିବା ଦେଖିଥିବେ । ଯେବେ ବର୍ଷା ଦିନ ଆସିଲେ ପିମ୍ପୁଡି ଘରର କୋଣରେ, ରୋଷେଇଘରେ ଆଦି ଅନେକ ଜାଗାରେ ପିମ୍ପୁଡି ଦେଖାଯାନ୍ତି । ତେଣୁ ପିମ୍ପୁଡିକୁ ଦେଖିଲେ ଆମେ ଅଟା ବା ହଳଦୀ ପକାଇ ବିଦା କରିଦେଉ ।
କିନ୍ତୁ ଆପଣ କେବେ ଚିନ୍ତା କରିଛନ୍ତି ଯେ ଅଚାନକ ଭାବରେ କାହିଁକି ପିମ୍ପୁଡି ଆମ ଘରେ ଆସିଛନ୍ତି ? ସବୁବେଳେ ମୌସୁମୀବାୟୁ ପରିବର୍ତ୍ତନ ହେଲେ ଘରେ ପିମ୍ପୁଡି ଦେଖାଯାନ୍ତି । କିନ୍ତୁ ଅନ୍ୟ ସମୟରେ ଅଚାନକ ଭାବରେ ଘରେ ବା ଅଫିସରେ ପିମ୍ପୁଡି ଦେଖାଦେବା କଣ ଆମକୁ କିଛି ସଂକେତ ଦେଇଥାଏ ? ପିମ୍ପୁଡି ଆସିଲେ କଣ ହୋଇପାରେ ? କହିବାକୁ ଗଲେ ପିମ୍ପୁଡି ଦୁଇଟି ରଙ୍ଗର ଦେଖାଯାଏ । ଗୋଟିଏ ଲାଲ୍ ଓ ଅନ୍ୟଟି କଳା ପିମ୍ପୁଡି ।
ଘରକୁ ଲାଲ୍ ରଙ୍ଗର ପିମ୍ପୁଡି ଆସିଲେ କଣ ହୋଇଥାଏ ?
ଏପରି ମାନ୍ୟତା ଅଛି କି ପିମ୍ପୁଡିମାନଙ୍କର ଶନି ଓ ରାହୁ ଗ୍ରହଙ୍କ ସହିତ ସମ୍ବନ୍ଧ ରହିଛି । ପିମ୍ପୁଡି ହେଲେ ଶୁଭ ଅଶୁଭ ମାନିବାର ଏକ କଥା ମଧ୍ୟ ରହିଛି । ପିମ୍ପୁଡିକୁ ଭଗବାନ ଶ୍ରୀହରି ବିଷ୍ଣୁଙ୍କ ପ୍ରତୀକ ମନାଯାଏ । ପୁରାଣରେ ଅଛି ଯେ ପ୍ରହଲାଦଙ୍କୁ ମାରିବା ପାଇଁ ଅନେକ ଉପାଯରେ କଷ୍ଟ ଦିଆଯାଇଥିଲା । ଦିନେ ହିରଣ୍ୟକାଶ୍ୟପ କହିଥିଲେ ଯେ ଯଦି ଭଗବାନ ହରିଙ୍କ ଉପରେ ଏତେ ବିଶ୍ଵାସ ଅଛି ତେବେ ଏହି ତତଲା ଲୁହା ଖମ୍ବରେ ସୋଇ ଦେଖାଅ ।
ଏହିପରି ପ୍ରହଲ୍ଲାଦ ଯେତେବେଳେ ନିଜ ସାଧନା ଶକ୍ତିରେ ଭଗବାନ ଶ୍ରୀ ବିଷ୍ଣୁଙ୍କୁ ପିମ୍ପୁଡି ରୂପରେ ସେହି ଖମ୍ବ ଉପରେ ବୁଲିବାର ଦେଖିଲେ ସେ ଖୁସିରେ ସେହି ଖମ୍ବ ଉପରେ ସୋଇ ପଡିଲେ । ତାତିଥିବା ଲୁହା ଖମ୍ବ ଶୀତଳ ହୋଇଗଲା । ମାନ୍ୟତା ଅଛି ଯେ ପିମ୍ପୁଡି ରୂପରେ ଧାରଣ କରିଥିବା ନାରାୟଣଙ୍କୁ ଭୋଜନ କରାଇଲେ ରାହୁ ଓ ଶନି ଗ୍ରହଙ୍କ କ୍ରୋଧଭାବ ଶାନ୍ତ ହୋଇଯାଏ । ଅନେକ ଲୋକମାନେ ପିମ୍ପୁଡି ଘରେ ଆସିଲେ ଅଶୁଭ ବୋଲି ମାନିଥାନ୍ତି । ଏହା ସହିତ ପିମ୍ପୁଡି ପାଖରେ ଅଟା ପକାଇଲେ ଋଣ କରଜରୁ ମୁକ୍ତି ମିଳିଥାଏ ।
ଘରେ ଲାଲ୍ ରଙ୍ଗର ପିମ୍ପୁଡି ଆସିଲେ କଣ ହୋଇଥାଏ-
ବିଜ୍ଞାନ ମତରେ ଯେ କୌଣସି ପଶୁକୁ ଶୁଭ ଅଶୁଭ କହିବା ଅନୁଚିତ୍ । ଘରେ ଲାଲ୍ ରଙ୍ଗର ପିମ୍ପୁଡିକୁ ଅଶୁଭ କହିବାର ତାତ୍ପର୍ଯ୍ୟ ଲାଲ୍ ରଙ୍ଗର ପିମ୍ପୁଡି କାମୁଡିଲେ ବହୁତ ଶୀଘ୍ର ଦରଜ ହୋଇଯାଏ ଓ ଖଣ୍ଡିଆ ମଧ୍ୟ ହୋଇଯାଏ । ପ୍ରାୟତଃ ପିମ୍ପୁଡି ଖାଇବା ଜିନିଷ ପାଖରେ ବୁଲନ୍ତି । ପୁରୁଣା କାଳର ଲୋକମାନେ ରୋଷେଇ କରି ଖାଦ୍ୟକୁ ଘୋଡାଇ ରଖୁନଥିଲେ । ତେଣୁ ପିମ୍ପୁଡିମାନେ ରୋଷେଇ ଘରେ ଓ ଖାଦ୍ୟରେ ବୁଲନ୍ତି । ସେହିପରି କଳା ରଙ୍ଗର ପିମ୍ପୁଡି ଖାଦ୍ୟ ନେଇ ବାହାରକୁ ଚାଲିଯାଏ । କିନ୍ତୁ ଲାଲ୍ ରଙ୍ଗର ପିମ୍ପୁଡି ଖାଦ୍ୟ ଉପରେ ରହି ଖାଦ୍ୟକୁ ନଷ୍ଟ କରନ୍ତି ଓ କାମୁଡି ଦିଅନ୍ତି । ଲାଲ୍ ରଙ୍ଗର ପିମ୍ପୁଡି କାମୁଡି ଥିବାରୁ ଅଶୁଭ ସଂକେତ ବୋଲି କୁହାଯାଏ ।