ଫଳିତ ଜ୍ୟୋତିଷ ଶାସ୍ତ୍ରରେ ଯେମିତି ଶୁକ୍ର ଗ୍ରହଙ୍କର ମହତ୍ଵ ରହିଛି ଠିକ୍ ସେହିପରି ଶୁକ୍ର ଗ୍ରହଙ୍କର ରତ୍ନର ମଧ୍ୟ ବହୁତ ମହତ୍ଵ ରହିଛି । ଜ୍ୟୋତିଷଙ୍କ ମତରେ ଜାତକର କୁଣ୍ଡଳୀରେ ଯେ କୌଣସି ଦୁର୍ବଳ ଗ୍ରହଙ୍କୁ ବଳ ଦେବା ଓ ମଜବୁତ୍ କରିବା ପାଇଁ ସେହି ଗ୍ରହଙ୍କର ରତ୍ନ ପିନ୍ଧିବା ଉଚିତ୍ । ଆପୋଲ ରତ୍ନ ଶୁକ୍ର ଗ୍ରହଙ୍କ ରତ୍ନ ଅଟେ । ଯାହାର ଜାତକରେ ଶୁକ୍ର ଗ୍ରହଙ୍କ ଆଧିପତ୍ୟ ଥାଏ ଓ ଶୁକ୍ର ଦୁର୍ବଳ ହୋଇଥାନ୍ତି ସେହି ଜାତକ ବ୍ୟକ୍ତିକୁ ଏହି ରତ୍ନ ଧାରଣ କରିବାକୁ କୁହାଯାଏ ।
ଯଦି ଜାତକରେ ଶୁକ୍ର ଗ୍ରହ ନୀଚ ହୋଇ କନ୍ୟା ରାଶିରେ କେତୁ ଗ୍ରହଙ୍କ ସହିତ ମିଶି ସ୍ଥିତ ହୋଇ ଦୁଃଖ ଭାବରେ ଥିବେ ବା ଦୁର୍ବଳ ହୋଇଥିବେ ତେବେ ଏହି ଜାତକ ବ୍ୟକ୍ତିକୁ ଜୀବନରେ କଦାପି ଆର୍ଥିକ ଉନ୍ନତି ହୁଏ ନାହିଁ । ତେଣୁ ଆର୍ଥିକ ଅଭାବ ହେତୁ ସବୁ ସମସ୍ୟା ଦେଖାଦିଏ । ସୁଖ ସୁବିଧା ମିଳେ ନାହିଁ ଓ ଜୀବନରେ ସମୃଦ୍ଧି ମିଳେ ନାହିଁ । ତେଣୁ ଏହି ଜାତକ ବ୍ୟକ୍ତିର ଶୁକ୍ର ଗ୍ରହକୁ ବଳ ଦେବା ପାଇଁ ଆପୋଲ ରତ୍ନ ଧାରଣ କରିବାକୁ ପରାମର୍ଶ ଦିଆଯାଇଥାଏ ।
ଓପାଲ ଧାରଣ କରିବାର ଲାଭ-
ଓପାଲ ଧାରଣ କରିଲେ ଜାତକ ବ୍ୟକ୍ତିର ଶୁକ୍ର ଗ୍ରହ ମଜବୁତ୍ ହୁଅନ୍ତି । ଏହା ବ୍ୟକ୍ତିର ବ୍ୟକ୍ତିତ୍ଵରେ ଆକର୍ଷଣ ବୃଦ୍ଧି ପାଏ । ଜୀବନରେ ଆର୍ଥିକ ଉନ୍ନତି ବୃଦ୍ଧି ପାଏ ଓ ଆର୍ଥିକ ପକ୍ଷ ମଜବୁତ୍ ହୁଏ । ସେହିପରି ସମୃଦ୍ଧି ବଢେ ଓ ମହତ୍ଵାକାଂକ୍ଷାର ପୂର୍ତ୍ତି ହୁଏ । ପୁରୁଷ ମାନଙ୍କ ପାଇଁ ଏହି ରତ୍ନ ଧାରଣ କରିବା ତାଙ୍କର ବୈବାହିକ ଜୀବନ ପାଇଁ ମଧ୍ୟ ବହୁତ ଶୁଭ ହୋଇଥାଏ ।
ତାଙ୍କ ଜୀବନରେ ମଧୁରତା ବଢେ ଓ ବୈବାହିକ ଜୀବନ ସ୍ଥିର ରହିଥାଏ । ଯେଉଁ ପୁରୁଷମାନଙ୍କ ଜାତକରେ ଶୁକ୍ର ଗ୍ରହ ଦୁର୍ବଳ ହୋଥାଏ ସେମାନଙ୍କର ବିବାହରେ ବାଧା ସୃଷ୍ଟି ହୁଏ । ସେମାନଙ୍କ ପାଇଁ ଆପୋଲ ଧାରଣ କରିବା ବିବାହ ଯୋଗକୁ ମଜବୁତ୍ କରିଥାଏ । ଯଦି ଜାତକରେ ଶୁକ୍ର ଗ୍ରହଙ୍କ ଦଶା ଚାଲୁଥାଏ ତେବେ ଆପୋଲ ରତ୍ନ ଧାରଣ କରିଲେ ଶୁକ୍ର ଗ୍ରହଙ୍କ ଦଶାରେ ଭଲ ଶୁଭଫଳ ମିଳିଥାଏ ।
ଆର୍ଟିକ୍ଲଟି ଭଲ ଲ୍ଗିଥିଲେ ଲାଇକ ଓ ଶେୟାର କରନ୍ତୁ, ଆଗକୁ ଏହିଭଳି ଜ୍ଯୋତିଷ ସମ୍ବନ୍ଧିତ ଖବର ପାଇବା ପାଇଁ ଆମ ପେଜକୁ ଲାଇକ କରନ୍ତୁ ।