ହିନ୍ଦୁ ଧର୍ମରେ ବିବାହ ପୂର୍ବରୁ ପୁଅ ଝିଅଙ୍କର ଜାତକ ମେଳକ କରାଯାଇଥାଏ । ଯେବେ ବିବାହ ଯୋଗ ଆସିଥାଏ ସେବେ ବିବାହ ସ୍ଥିର କରାଯାଇ ଦିନ ତାରିଖ ଠିକ୍ କରାଯାଏ । ଜ୍ୟୋତିଷ ଶାସ୍ତ୍ର ଅନୁସାରେ ଜାତକ ରାଶିମାନଙ୍କର ଦାମ୍ପତ୍ୟ ଜୀବନରେ ବହୁତ ଗୁରୁତ୍ଵ ରହିଛି । ଯଦି ସଠିକ ନକ୍ଷତ୍ର ବା ରାଶିର ଝିଅକୁ ପୁଅ ମିଳିଥାଏ ତେବେ ତାଙ୍କ ଜୀବନ ଆନନ୍ଦରେ ପରିପୂର୍ଣ୍ଣ ହୋଇଯାଏ । ଭବିଷ୍ୟତରେ ଏପରି ବ୍ୟକ୍ତିର ଉନ୍ନତି ହୋଇଥାଏ । ପାରିବାରିକ ଜୀବନ ବହୁତ ଖୁସି ହୋଇଯାଏ । ସ୍ଵାମୀ ପ୍ରତ୍ୟେକ କ୍ଷେତ୍ରରେ ସ୍ତ୍ରୀଙ୍କର ସମର୍ଥନ ପାଇଥାନ୍ତି ।
ଏପରି ଝିଅ ସ୍ଵାମିକୁ ବହୁତ ଭଲ ପାଏ ଓ ତାଙ୍କ ଯତ୍ନ ମଧ୍ୟ ନେଇଥାନ୍ତି । କେଉଁ ରାଶିର ଝିଅମାନେ ସମ୍ପର୍କକୁ ବଜାୟ ରଖିବାର ଗୁଣରେ ପରିପୂର୍ଣ୍ଣ ହୋଇଥାନ୍ତି । ଆସନ୍ତୁ ସେହି ରାଶିର ଝିଅମାନଙ୍କ ବିଷୟରେ ଜାଣିବା କି ଯେଉଁମାନେ ବିବାହିତ ଜୀବନରେ ନିଜ ସ୍ଵାମୀଙ୍କୁ ସମର୍ଥନ କରନ୍ତି ଓ ସେମାନଙ୍କୁ ବହୁତ ଭଲ ପାଆନ୍ତି ।
ତୁଳା ରାଶି- ତୁଳା ରାଶିର ଝିଅମାନେ ଖୋଲା ହୃଦୟ ଓ ଭଦ୍ର ହୋଇଥାନ୍ତି । କିନ୍ତୁ ସେମାନଙ୍କର ପ୍ରକୃତି ଟିକେ କ୍ରୋଧିତ । ଏହି ରାଶିର ଝିଅମାନେ ପରିବାରର ସଦସ୍ୟଙ୍କୁ ବହୁତ ଭଲ ପାଆନ୍ତି । ସେମାନେ ସୁଖ ଦୁଃଖରେ ସ୍ଵାମୀଙ୍କ ସହିତ ଛିଡା ହୁଅନ୍ତି ଓ ଜୀବନର ପ୍ରତ୍ୟେକ କ୍ଷେତ୍ରରେ ସାହାଯ୍ୟ କରନ୍ତି । ଏହି ରାଶିର ଝିଅମାନେ ସ୍ଵାମୀଙ୍କୁ ଖୁସିରେ ରଖିବା ପାଇଁ ସବୁବେଳେ କିଛି ନା କିଛି କରିଥାନ୍ତି ।
କର୍କଟ ରାଶି- ଏହି ରାଶିର ଝିଅମାନେ ଯେ କୌଣସି ସମ୍ପର୍କକୁ ନେଇ ବହୁତ ସମ୍ବେଦନଶୀଳ ହୋଇଥାନ୍ତି । ଯଦି ସେ କୌଣସି ପୁଅକୁ ପସନ୍ଦ କରନ୍ତି ତେବେ ତାଙ୍କୁ ଜୀବନସାରା ସମର୍ଥନ କରନ୍ତି । ନିଜ ସାଥୀ କିମ୍ବା ସ୍ଵାମୀଙ୍କ ପ୍ରତି ସଚ୍ଚୋଟ ହୁଅନ୍ତି ଓ ପ୍ରତି ଆବଶ୍ୟକତାର ଧ୍ୟାନ ରଖନ୍ତି ।
କୁମ୍ଭ ରାଶି- ଏହି ରାଶିର ଝିଅମାନେ ବହୁତ ଭଲ ସ୍ତ୍ରୀ ବୋଲି ବିଶ୍ଵାସ କରାଯାଏ । ସେମାନେ ବହୁତ ସହଯୋଗୀ ସ୍ଵଭାବର ହୋଇଥାନ୍ତି । ସ୍ଵାମୀଙ୍କୁ ଖୁସିରେ ରଖିବା ପାଇଁ ସମସ୍ତ ପ୍ରକାର ଚେଷ୍ଟା କରିଥାନ୍ତି । କୁମ୍ଭ ରାଶିର ଝିଅମାନେ ସେମାନଙ୍କର ମନ ମୁତାବକ ସ୍ଵାମୀ ପାଆନ୍ତି ନାହିଁ, ତେବେ ଅନେକ ସମସ୍ୟା ସାମ୍ନା କରିବାକୁ ପଡିଥାଏ ।
ମୀନ ରାଶି- ମୀନ ରାଶିର ଝିଅମାନେ ବହୁତ ସମ୍ବେଦନଶୀଳ ହୋଇଥାନ୍ତି । ସେମାନେ ରୋମାଣ୍ଟିକ୍ ହେବାକୁ ବେସି ପସନ୍ଦ କରନ୍ତି । ଏହି ରାଶିର ଝିଅମାନଙ୍କର ବିଶେଷ କଥା ହେଉଛି ଯେ ସେମାନେ ସବୁବେଳେ ନିଜ ପରିବାରକୁ ସାଙ୍ଗରେ ଧରି ଚଳନ୍ତି । ସେମାନେ ସବୁବେଳେ ସୁଖ ଦୁଃଖରେ ସ୍ଵାମୀଙ୍କ ସହିତ କାନ୍ଧରେ କାନ୍ଧ ମିଶାଇ ଛିଡା ହୁଅନ୍ତି ।