୨୦୨୨ମସିହା, ସେପ୍ଟେମ୍ବର ମାସ ୯ତାରିଖ, ଶୁକ୍ରବାର, ସିଂହମାସ ୨୪ଦିନ, ଭାଦ୍ରବମାସ, ଶୁକ୍ଳପକ୍ଷ, ଚତୁର୍ଦ୍ଦଶୀତିଥି, ଧନିଷ୍ଠା ନକ୍ଷତ୍ର ଦିବା ୧୧ଟା ୩୫ମିନିଟ୍ ପରେ ଶତଭିଷା ନକ୍ଷତ୍ର, କୁମ୍ଭ ରାଶିରେ ଚନ୍ଦ୍ର । ସୁକର୍ମା ଯୋଗ । ଗର କରଣ ସକାଳ ୭ଟା ୩୪ମିନିଟ୍ ପରେ ବାଣିଜ୍ୟ କରଣ । ବିଛା, ଧନୁ, ମୀନ ରାଶିର ଘାତବାର । ମିଥୁନ, ମୀନ ରାଶିର ଘାତଚନ୍ଦ୍ର । ବିରି ଜାତୀୟ ଦ୍ରବ୍ୟ ନ ଖାଇଲେ ଭଲ ସନ୍ଧ୍ୟା ୬ଟା ୮ମିନିଟ୍ ପରେ ଆମିଷ ନ ଖାଇଲେ ଭଲ । ଯୋଗିନୀ- ପଶ୍ଚିମେ ସନ୍ଧ୍ୟା ୬ଟା ୮ମିନିଟ୍ ପରେ ବାୟବ୍ୟେ ଯାତ୍ରା ନିଷେଧ ।
ଶ୍ରାଦ୍ଧତର୍ପଣ- ଚତୁର୍ଦ୍ଦଶୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ । ଅଶୁଭସମୟ- ସକାଳ ୮ଟା ୪୦ମିନିଟ୍ ରୁ ୧୧ଟା ୪୩ମିନିଟ୍, ରାତ୍ରି ୮ଟା ୪୭ମିନିଟ୍ ରୁ ୧୦ଟା ୧୫ମିନିଟ୍ । ଶୁଭସମୟ- ପ୍ରାତଃ ୫ଟା ୩୭ମିନିଟ୍ ରୁ ୬ଟା ୨୪ମିନିଟ୍, ସକାଳ ୭ଟା ୧୫ମିନିଟ୍ ରୁ ୮ଟା ୩୯ମିନିଟ୍, ଦିବା ୧୨ଟା ୯ମିନିଟ୍ ରୁ ୨ଟା ୩୪ମିନିଟ୍, ଦିବା ୪ଟା ୧୪ମିନିଟ୍ ରୁ ୫ଟା ୫୦ମିନିଟ୍, ରାତ୍ର ୭ଟା ୨୬ମିନିଟ୍ ରୁ ୮ଟା ୪୬ମିନିଟ୍, ରାତ୍ର ୧ଟା ୪୨ମିନିଟ୍ ରୁ ୪ଟା ୧ମିନିଟ୍ । ପର୍ବଦିନ- ଅନନ୍ତ ବ୍ରତ, ଇନ୍ଦ୍ର ପୂର୍ଣ୍ଣିମା ।
ମେଷ:-ଉଚ୍ଚାଧିକାରୀ ମାନଙ୍କର ପ୍ରଶଂସା ମିଳିବ । ସମାଜରେ ଲୋକପ୍ରିୟତା ହାସଲ କରିବା ଫଳରେ କ୍ୟାରିୟରକୁ ନେଇ ନୂଆ ବିକଳ୍ପ ପାଇ ପାରନ୍ତି । ଇଞ୍ଜିନିୟର ମାନେ ନିଜର ଯୋଗ୍ୟତା ଓ ଦକ୍ଷତାକୁ ନେଇ କାର୍ଯ୍ୟ ପାଇବେ । ଡ୍ରିମ୍ ପ୍ରୋଜେକ୍ଟକୁ ଆରମ୍ଭ କରିବାରେ ଦେଖାଦେଉଥିବା ବାଧା ଦୂର ହେବ । ଚାକିରୀରେ ଭଲ ପ୍ରଦର୍ଶନ କରିବେ । ଅଚାନକ ଭାବରେ ଧନ ଲାଭ ହୋଇପାରେ । ସଙ୍ଗୀତ ଓ ନାଚ ଆଦି କଳା ପ୍ରତି ରୁଚି ବଢ଼ିବ । ପ୍ରତିକାର-ମାଆବାପା, ଗୁରୁଙ୍କୁ ପ୍ରଣାମ କରନ୍ତୁ ।
ବୃଷ:-କୌଣସି ପ୍ରଭାବଶାଳୀ ବ୍ୟକ୍ତିଙ୍କ ସହିତ ଭେଟ ହେବ, ଯାହା ଆଗକୁ ବଢିବାରେ ସହାୟତା ମିଳିବ । ଯଦି କ୍ୟାରିୟରକୁ ନେଇ କିଛି ନୂଆ ବିକଳ୍ପ ଖୋଜୁଛନ୍ତି ତେବେ ସେଥିରେ ସଫଳ ହେବେ । ନୈତିକତା ହିସାବରୁ ଆପଣ ବହୁତ ଉଚ୍ଚପଦରେ ରହିବେ । ଉଚ୍ଚପଦସ୍ଥ ବ୍ୟକ୍ତିମାନଙ୍କ ସହିତ ଭଲ ସମ୍ପର୍କ ରହିବ ଓ କର୍ମକ୍ଷେତ୍ରରେ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ମିଳିପାରେ । ପ୍ରେମୀଙ୍କ ସହଯୋଗରେ କୌଣସି ସ୍ଥାନକୁ ବୁଲିବାକୁ ଯାଇପାରନ୍ତି । ପ୍ରତିକାର- ଦହି ମିଠା ଖାଇ ଘରୁ ବାହାରନ୍ତୁ ।
ମିଥୁନ:-ମନ ଯୋଗ ଦେଇ କାର୍ଯ୍ୟ କଲେ ଉପରିସ୍ଥ କର୍ମଚାରୀ ମାନଙ୍କ ପ୍ରିୟଭାଜନ ହେବେ । ପରିବାରରେ କିଛି ଅର୍ଥ ସଙ୍କଟ ଦେଖାଦେବାରୁ ଅତ୍ୟଧିକ ଚିନ୍ତା କରିବେ । ପରୀକ୍ଷା ପ୍ରତିଯୋଗିତା ଓ ସାକ୍ଷାତ୍କାରରେ ସଫଳ ହେବେ । ଆଧ୍ୟାତ୍ମିକ ବା ଧାର୍ମିକ କ୍ଷେତ୍ରରେ ବ୍ୟସ୍ତ ରହିବେ । ବ୍ୟବସାୟ କ୍ଷେତ୍ରରେ କର୍ମଚାରୀ କେହି ବିଶ୍ୱାସ ଘାତକତା କରି ପାରନ୍ତି । ରାସ୍ତା ଘାଟରେ ଅତ୍ୟନ୍ତ ସତର୍କତା ସହ ଯାତାୟାତ କରିବା ଉଚିତ୍ । ପ୍ରତିକାର- କୁକୁରକୁ କିଛି ଖାଇବାକୁ ଦିଅନ୍ତୁ ।
କର୍କଟ:-କର୍ମକ୍ଷେତ୍ରରେ କେବେବି ଆଗକୁହା ନ ହୋଇ କର୍ମନିଷ୍ଠା ମଧ୍ୟରେ ନିଜକୁ ସୀମିତ ରଖିବା ହିତକର ହେବ । ରାଜନୈତିକ କ୍ଷେତ୍ରରେ ଆତ୍ମବିଶ୍ଵାସ ଯୋଗେ ସମ୍ମାନର ଆଧିକାରୀ ହୋଇ ପାରିବେ । ବାସସ୍ଥାନ ବା ଯାନବାହାନ ନବୀକରଣ କରିବାର ସୁବିଧା ସୁଯୋଗ ପାଇବେ । ଦାମ୍ପତ୍ୟ ସୁଖରେ ଆଶାଜନକ ଫଳପ୍ରାପ୍ତି ହେବ । ଯୁକ୍ତି-ତର୍କରେ ଦକ୍ଷତା ସହ ବ୍ୟବହାରିକ ବିଜ୍ଞାନ ଓ ଦର୍ଶନର ଗଭୀରତା ଭିତରକୁ ଟାଣିହୋଇ ଯିବେ । ପ୍ରତିକାର:- କୁଆ ପାରାଙ୍କୁ ଚାଉଳ ଖାଇବାକୁ ଦିଅନ୍ତୁ ।
ସିଂହ:-ଜୀବନ ସାଥୀଙ୍କ ଦୃଷ୍ଟିରେ ଆପଣଙ୍କ ପ୍ରତି ସମ୍ମାନ ବଢ଼ିବ । ସୃଜନାତ୍ମକ କାର୍ଯ୍ୟ ପ୍ରତି ଆକର୍ଷିତ ହେବେ । ବିଦ୍ୟାର୍ଥୀମାନଙ୍କୁ ପ୍ରତିଯୋଗୀ ପରୀକ୍ଷାରେ ସଫଳତା ମିଳିବ । ବ୍ୟବସାୟରେ ଗୁରୁଜନଙ୍କ ପରାମର୍ଶ ନେଲେ ଲାଭକାରୀ ହେବ । ବ୍ୟାକିଂ ଓ ଫାଇନାଂସ୍ ସମ୍ବନ୍ଧିତ କାର୍ଯ୍ୟରେ ଉତ୍ତମ ଲାଭ ହେବ । ଉଧାର ଦେଇଥିବା ଟଙ୍କା ଫେରସ୍ତ ପାଇବେ । ଆର୍ଥିକ ସମସ୍ୟା ଦୂର ହେବ । ପ୍ରେମୀଜନଙ୍କ ସହିତ ବୁଲିବାକୁ ଯାଇପାରନ୍ତି । ପ୍ରତିକାର-ମାଦକଦ୍ରବ୍ୟ ଠାରୁ ଦୂରେଇ ରୁହନ୍ତୁ ।
କନ୍ୟା:-ସରକାରୀ କାର୍ଯ୍ୟରେ ପରିଶ୍ରମର ସାର୍ଥକ ପରିଣାମ ମିଳିବ । ଗୁରୁଙ୍କ ସମାନ ଜଣେ ବ୍ୟକ୍ତିଙ୍କ ଠାରୁ ମାଗଦର୍ଶନ ପାଇ ଶିକ୍ଷା କ୍ଷେତ୍ରରେ ସଫଳତା ମିଳିବ । ସବୁ କ୍ଷେତ୍ରରେ ଲାଭ ମିଳିବ । ସକରାତ୍ମକ ଚିନ୍ତା ଦ୍ୱାରା ଉନ୍ନତି କରିପାରିବେ । ଜୀବନସାଥୀ ମନୋବଳକୁ ବଢ଼ାଇବାରେ ସାହାଯ୍ୟ କରିବେ । ନୂଆ ଗାଡି କିଣିବାକୁ ବିଚାର କରିବେ । ବୌଦ୍ଧିକ ଗୁଣ ବୃଦ୍ଧି ହୋଇ ମନ ଖୁସି ରହିବ । ଚାକିରୀ କ୍ଷେତ୍ରରେ ଉଚ୍ଚପଦ ପାଇବାର ସମ୍ଭାବନା ଅଛି । ପ୍ରତିକାର- ସବୁଜ ରଙ୍ଗର ରୁମାଲ ଟିଏ ପାଖରେ ରଖନ୍ତୁ ।
ତୁଳା:-ଆପଣଙ୍କ ସ୍ୱଭାବରେ ସକରାତ୍ମକ ପରିବର୍ତ୍ତନ ହୋଇପାରେ । କର୍ମକ୍ଷେତ୍ରରେ ଆପଣଙ୍କୁ ନେଇ ବହୁତ ଆଲୋଚନା ହୋଇ ପାରେ । ସାମାଜିକ କାର୍ଯ୍ୟକ୍ରମରେ ଯୋଗ ଦେବେ । ବ୍ୟବସାୟରେ ଅପେକ୍ଷା କରିଥିବା ସଫଳତା ପାଇବାର ସମ୍ଭାବନା ଅଛି । ଲୋକମାନେ ଆପଣଙ୍କର ଉଦାରତା ଭାବକୁ ପ୍ରଶଂସା କରିବେ । ପରିବାର ସଦସ୍ୟଙ୍କ ସହିତ ବାହାରକୁ ବୁଲିବାକୁ ଯାଇପାରନ୍ତି । ଘରେ ଶୁଭକାର୍ଯ୍ୟ ହେବାର ସମ୍ଭାବନା ଅଛି । ପ୍ରତିକାର- ଅସହାୟଙ୍କୁ ସାହାଯ୍ୟ କରନ୍ତୁ ।
ବିଚ୍ଛା:-ଲେଖନ କାର୍ଯ୍ୟରେ ପ୍ରଶଂସା ମିଳିବ । ନିଜ ଯୋଜନା ମୁତବକ କାର୍ଯ୍ୟ ଆରମ୍ଭ କରି ପାରିବେ । ପରିବାର ସହିତ ମିଶି କୌଣସି ପାର୍ଟିର ଆୟୋଜନ କରିପାରନ୍ତି । ଶୁଭ ସମାଚାର ଶୁଣିବାକୁ ପାଇବେ । ଦାମ୍ପତ୍ୟ ଜୀବନ ସୁଖମୟ ହେବ । ଧାର୍ମିକ କାର୍ଯ୍ୟରେ ଅଧିକ ମନ ଲଗାଇବେ । ଚାକିରୀ କ୍ଷେତ୍ରରେ ପ୍ରମୋଶନ ହେବ । ନୂଆ ଉଦ୍ୟେଗରେ ସଫଳତା ମିଳିବ । କୌଣସି ସମସ୍ୟାର ସମାଧାନ କରିବା ପାଇଁ ମଧ୍ୟସ୍ଥତା କରିବେ । ପ୍ରତିକାର:- ଗୋମାତାକୁ କିଛି ଖାଇବାକୁ ଦିଅନ୍ତୁ ।
ଧନୁ:-ଘରକୁ ବନ୍ଧୁମାନେ ଆସିବାର ସମ୍ଭାବନା ଅଛି । ଯେ କୌଣସି ଜଟିଳ କାର୍ଯ୍ୟକୁ ବିନା ସାହାଯ୍ୟରେ ପୂରଣ କରିପାରିବେ । ବିଦ୍ୟାର୍ଥୀମାନେ ଉଚ୍ଚ ଶିକ୍ଷାରେ ସଫଳତା ପାଇବେ । ପ୍ରତିସ୍ପର୍ଦ୍ଧା ଓ ପ୍ରତିଯୋଗିତାରେ ବିଜୟଶ୍ରୀ ହେବ । ଅଧ୍ୟୟନ, ଅନୁସନ୍ଧାନ, ଶୋଧ, ଲେଖନ ଆଦି କାର୍ଯ୍ୟ ଆରମ୍ଭ କରି ପାରିବେ । ଟଙ୍କା ନିବେଶ କରିବା ପୂର୍ବରୁ ପ୍ରଥମେ ପ୍ଲାନିଂ କରନ୍ତୁ ଓ ସବୁ ବିଷୟରେ ବୁଝି ସୁଝି ନିର୍ଣ୍ଣୟ ନିଅନ୍ତୁ । ପ୍ରତିକାର- କୁକୁରକୁ କିଛି ଖାଇବାକୁ ଦିଅନ୍ତୁ ।
ମକର:-ସେୟାର ମାର୍କେଟ ଓ ମ୍ୟୁଚୁଆଲ୍ ଫଣ୍ଡରେ ଟଙ୍କା ନିବେଶ କରିଲେ ପ୍ରବଳ ଧନ ଲାଭ ହେବ । ସମ୍ପତ୍ତି କ୍ରୟ କରିବାର ଯୋଜନା କରିବେ । ଅଟକିଥିବା କାର୍ଯ୍ୟ ପୂରଣ କରିବାକୁ ଚେଷ୍ଟା ଜାରି ରଖିବେ । ବ୍ୟବସାୟରେ ବଡ଼ ଧରଣର ଡିଲ୍ ହୋଇପାରେ, ଯାହାଦ୍ୱାରା ଅଧିକ ଧନ ଲାଭ ହେବ । ସାମାଜିକ କ୍ଷେତ୍ରରେ ଭଲ ପ୍ରଦର୍ଶନ କରିବା ଫଳରେ ଅଧିକାରୀମାନେ ଆପଣଙ୍କ ପଦୋନ୍ନତି ବିଷୟରେ ଯୋଜନା କରିବେ । ପ୍ରତିକାର-ମାଆବାପା, ଗୁରୁଙ୍କୁ ପ୍ରଣାମ କରନ୍ତୁ ।
କୁମ୍ଭ:-ଅବିବାହିତ ଯୁବକ ଯୁବତୀ ମାନଙ୍କର ବିବାହ ସ୍ଥିର ହୋଇପାରେ । ଭୋଗ ବିଳାସରେ ଅଧିକ ମହତ୍ୱ ଦେବେ । ପରିବାରର ଶୁଭ କାର୍ଯ୍ୟରେ ଧନ ଖର୍ଚ୍ଚ କରିପାରନ୍ତି । ବିଦ୍ୟାର୍ଥୀମାନେ ଶିକ୍ଷା କ୍ଷେତ୍ରରେ ଭଲ ଫଳ ପାଇବେ । ଅସହାୟ ଲୋକମାନଙ୍କର ଉପକାର କରିବା ପାଇଁ ଆଗ୍ରହୀ ହେବ । ବ୍ୟବସାୟରେ ଆପଣଙ୍କୁ ଉତ୍ତମ ଲାଭ ମିଳିବ । ନିଜର ଲକ୍ଷ୍ୟ ପୂରଣ କରିବା ପାଇଁ କଠିନ ପରିଶ୍ରମ କରିବାକୁ ପଡିବ । ପ୍ରତିକାର:- ଅଶ୍ୱସ୍ଥ ବୃକ୍ଷମୂଳରେ ଗୁଡ଼ ଥୋଇ ପ୍ରଣାମ କରନ୍ତୁ ।
ମୀନ:-ଧର୍ମକାର୍ଯ୍ୟରେ ଯୋଗଦେଇ ଦେବଦର୍ଶନ କରିବେ । ବାଦବିବାଦ, ମାଲିମୋକଦ୍ଦମା, ପ୍ରତିଯୋଗିତା ପରୀକ୍ଷା ଓ ସାକ୍ଷାତ୍କାରରେ ସଫଳ ହେବେ । ରାଜନୀତିରେ ଲୋକ ସମର୍ଥନକୁ ଆଧାର କରି ପଦପଦବି ଆଶାୟୀ ହେବେ । ଇନ୍ଦ୍ରିୟ ପରାୟଣତା ଓ ବିଷୟ ବାସନା ଉପରେ ଅଧିକ ଗୁରୁତ୍ଵ ଦେବେ । ସତର୍କତା ଅବଲମ୍ବନ ନକଲେ ମାଲିମୋକଦ୍ଦମାର ଭୟ ରହିବ । ରାସ୍ତା ଘାଟରେ ଅତ୍ୟନ୍ତ ସତର୍କତା ସହ ଯାତାୟାତ କରିବା ଉଚିତ୍ । ପ୍ରତିକାର- କୁକୁରକୁ କିଛି ଖାଇବାକୁ ଦିଅନ୍ତୁ ।