ଶୋଇବା ଘର ଏକ ଏମିତିକା ଘର ଯାହା କି ଦୁନିଆର ସବୁ ଚିନ୍ତାକୁ ଭୁଲିଯାଇ ଶାନ୍ତିରେ ଆରମ ଭାବରେ ଶୋଇଥାଉ ଓ ଦାମ୍ପତ୍ୟ ଜୀବନରେ ଶାନ୍ତି ମଧ୍ୟ ମିଳିଥାଏ । କିନ୍ତୁ ଆପଣ ଜାଣି ନଥିବେ ଯେ ଶୋଇବାଘରେ ରଖାଯାଇଥିବା କିଛି ଏମିତି ଜିନିଷ ଆପଣଙ୍କ ଶାନ୍ତିରେ ବାଧା ସୃଷ୍ଟି କରିଥାଏ । ଏହି ବାଧା ଦୂର କରିବା ପାଇଁ ଯଦି ଶୋଇବାଘରେ ଏହି ୫ଟି ଜିନିଷ ଥାଏ ତେବେ ତାକୁ ବାହାର କରିଦିଅନ୍ତୁ ।
ଶୋଇବାକୁ ଯିବାବେଳେ ଯଦି ଶରୀର ଭଲ ଲାଗେ ନାହିଁ, ଝଗଡା ହୁଏ ବା ଭଲ ନିଦ ହୁଏ ନାହିଁ ତେବେ ଦେଖିବାକୁ ହେବ ଯେ ଶୋଇବାଘରେ ଏହି ୫ଟି ଜିନିଷ ନଥିବା ଉଚିତ୍ ।
୧- ଜୋତା ବା ଚପଲ- କେବେ ମଧ୍ୟ ଶୋଇବାଘରେ ଜୋତା ବା ଚପଲ ରଖନ୍ତୁ ନାହିଁ, କାରଣ ଏଥିରୁ ଯେଉଁ ଦୂଷିତ ଗନ୍ଧ ବାହାରେ ତାହା ଆପଣଙ୍କ ଜୀବନ ଉପରେ ବାଧା ସୃଷ୍ଟି କରିଥାଏ ।
୨- ଝାଡୁ- ଯଦି ଶୋଇବାଘରେ ଝାଡୁ ରହିଥାଏ ତେବେ ପ୍ରତିଦିନ ଝଗଡା ହେବ । ତେଣୁ ଝାଡୁ ବାହାର କରିଦେବା ଉଚିତ୍ ।
୩- ଚିରା ଫଟା ବସ୍ତ୍ର- ଯଦି ଶୋଇବାଘରେ ଚିରା ଫଟା କପଡା ବା ବସ୍ତ୍ର ରହିଥାଏ ତେବେ ତାହାକୁ ତୁରନ୍ତ ବାହାର କରି ଫୋପାଡି ଦିଅନ୍ତୁ, ଏହା ଆପଣଙ୍କୁ କଙ୍ଗାଳ କରିବ ଓ ସମସ୍ତଙ୍କ ଠାରୁ ଦୂରେଇ ଦେବ ।
୪- ଭଙ୍ଗା ଫଟା ପ୍ଲାଷ୍ଟିକ ଓ ପଲିଥିନ୍- ଯଦି ଆପଣଙ୍କ ଶୋଇବାଘରେ ଭଙ୍ଗା ଫଟା ପ୍ଲାଷ୍ଟିକ ଓ ପଲିଥିନ୍ ଜମା କରି ରଖୁଛନ୍ତି ତେବେ ତାକୁ ଅନ୍ୟ ସ୍ଥାନରେ ରଖନ୍ତୁ । କାରଣ ଏଥିରୁ ଯେଉଁ ନକରାତ୍ମକ କିରଣ ବାହାରେ ତାହା ଆପଣଙ୍କୁ ବିଚଳିତ କରିଦେବ ।
୫- ଟିଭି- ବର୍ତ୍ତମାନ ସମୟରେ ସମସ୍ତେ ଶୋଇବାଘରେ ଟିଭି ରଖୁଛନ୍ତି, କିନ୍ତୁ ଏହା ବହୁତ ଘାତକ ଅଟେ । କାରଣ ଇଲେକ୍ଟ୍ରୋନିକ୍ସ ଜିନିଷରୁ ମଧ୍ୟ ନକରାତ୍ମକ ଊର୍ଜା ବାହାରେ । ଯଦି ଟିବି ଅନ୍ୟ ଜାଗାରେ ରଖିବାକୁ ସ୍ଥାନ ନାହିଁ, ତେଣୁ ଶୋଇବାଘରେ ଟିବି ରଖିବାକୁ ବାଧ୍ୟ ହେଉଛନ୍ତି, ତେବେ ଶୋଇବାବେଳେ ଟିବିକୁ ଘୋଡେଇ ଦିଅନ୍ତୁ ।
ଅନ୍ୟ- ଏହା ବ୍ୟତୀତ ଘର ଅପରିଷ୍କାର, ବୁଢିଆଣୀ ଜାଲ, ପୁରୁଣା କସମେଟିକ୍, ଖାଲି ଡବା, ଘରପୋଛା, ଭଙ୍ଗା କାଚ ସାମଗ୍ରୀ, ଖରାପ ବିଛଣା ଓ ଭଙ୍ଗା ବା ଶବ୍ଦ କରୁଥିବା ପଙ୍ଖାକୁ ମଧ୍ୟ ଶୋଇବାଘରେ ରଖନ୍ତୁ ନାହିଁ, ଯଦି ଏହି ସାମଗ୍ରୀ ରହିଅଛି ତେବେ ତାହାକୁ ତୁରନ୍ତ ବାହାରକୁ କାଢି ଦିଅନ୍ତୁ ।