ମହାଶିବରାତ୍ରି ଭଳି ବିଶେଷ ପୂଜାରେ କିଛି ଖାସ ଦ୍ରବ୍ଯରେ ଭଗବାନ ଶିବଙ୍କର ପୂଜା କରାଯାଏ। ସେଇଠି ମଧ୍ୟ ଏମିତି କିଛି ଜିନିଷର ଧ୍ୟାନ ଦେବା ଆବଶ୍ୟକ ଯାହା ଭଗବାନ ଶିବଙ୍କ ଉପରେ ଚଢାଯାଏ ନାହିଁ । ଭୁଲରେ ବି ସେହି ସବୁ ବସ୍ତୁର ଉପଯୋଗ ପୂଜାରେ କରିଲେ ଦୋଷ ଲାଗିଥାଏ । ଭଗବାନ ଶିବଙ୍କୁ ଭାଙ୍ଗ – ଦୁଦୁରା ଆଦି ବହୁତ ପସନ୍ଦ । କିନ୍ତୁ କିଛି ଏମିତି ସାମଗ୍ରୀ ମଧ୍ୟ ଅଛି ଯାହାର ଉପଯୋଗ ମହଶିବରାତ୍ରିରେ ଶିବଙ୍କ ଆରାଧନା ସମୟରେ ବିଲକୁଲ କରିବା କଥା ନୁହେଁ ।
ମହଶିବରାତ୍ରି ପୂଜାରେ ଏହି ୫ଟି ଜିନିଷର ବ୍ୟବହାର କରନ୍ତୁ ନାହିଁ
୧- କେତକୀ ଫୁଲ
ପୌରାଣିକ କଥା ଅନୁସାରେ କେତକୀ ଫୁଲ ବ୍ରହ୍ମାଙ୍କର ମିଛରେ ସହଯୋଗ କରିଥିଲେ, ଯେଉଁଥିପାଇଁ କ୍ରୋଧିତ ହୋଇ ଭୋଲେନାଥ କେତକୀ ଫୁଲକୁ ଶ୍ରାପ ଦେଇଥିଲେ ଓ କହିଥିଲେ କି ଶିବଲିଙ୍ଗ ଉପରେ କେବେବି କେତକୀ ଫୁଲ ଅର୍ପଣ କରାଯିବ ନାହିଁ । ଏହା ପରଠୁ ଶିବଙ୍କୁ କେତକୀ ଫୁଲ ଚଢା ଯାଏ ନାହିଁ ।
୨- ହଳଦୀ ଚଢାନ୍ତୁ ନାହିଁ
ଶିବଙ୍କ ବ୍ଯତୀତ ପ୍ରାୟତଃ ସମସ୍ତ ଦେବୀ ଦେବତାଙ୍କୁ ପୂଜାରେ ହଳଦୀର ପ୍ରୟୋଗ କରାଯାଏ । ଶାସ୍ତ୍ର ଅନୁସାରେ ଶିବଲିଙ୍ଗ ପୁରୁଷ ତତ୍ଵଏ ପ୍ରତୀକ ଅଟେ ଏବଂ ହଳଦୀ ସ୍ତ୍ରୀ ତତ୍ଵ ବସ୍ତୁ ଅଟେ । ସେଥିପାଇଁ ଶିବଲିଙ୍ଗ ଉପରେ ହଳଦୀ ଚଢାଯାଏ ନାହିଁ ।
୩- କୁମକୁମ ବା ସିନ୍ଦୁର
ସିନ୍ଦୁର, ବିବାହିତ ସ୍ତ୍ରୀଙ୍କର ଗହଣା ଅଟେ । ସ୍ତ୍ରୀମାନେ ନିଜ ସ୍ବାମୀର ଦୀର୍ଘାୟୁ ପାଇଁ ନିଜ ମଥାରେ ସିନ୍ଦୁର ଲାଗନ୍ତି ଓ ଭଗବାନଙ୍କୁ ମଧ୍ୟ ଅର୍ପଣ କରନ୍ତି । କିନ୍ତୁ ଶିବ ହେଉଛନ୍ତି ବିନାଶର ଦେବତା ସେଥିପାଇଁ ତାଙ୍କୁ ସିନ୍ଦୁର ଦେଇ ପୂଜା କରିବା ଠିକ ନୁହେଁ ବୋଲି କୁହାଯାଏ।
୪- ଶଙ୍ଖରେ ଜଳ
ଦୈତ୍ୟ ଶଙ୍ଖଚୂଡର ଅତ୍ୟାଚାରରେ ସମସ୍ତ ଦେବତା ଚିନ୍ତିତ ଥିଲେ । ଭଗବାନ ଶଙ୍କର ତ୍ରିଶୂଳରେ ତାଙ୍କର ବଧ କରିଥିଲେ । ଯାହା ପରେ ତାର ଶରୀର ଭସ୍ମ ହୋଇଯାଇଥିଲା। ସେହି ଭସ୍ମରୁ ଶଙ୍ଖର ଉତ୍ପତ୍ତି ହୋଇଥିଲା। ଶିବ ଶଙ୍ଖଚୂଡର ବଧ କରିଥିଲେ ସେଥିପାଇଁ କେବେବି ଶଙ୍ଖରେ ଶିବଙ୍କୁ ଜଳ ଅର୍ପଣ କରାଯାଏ ନାହିଁ ।
୫- ତୁଳସୀ ପତ୍ର
ଏମିତି ତ ତୁଳସୀ ପତ୍ର ପୂଜାରେ ବହୁତ କାମରେ ଆସେ, କିନ୍ତୁ ଭଗବାନ ଶିବଙ୍କ ପୂଜାରେ କରିବା କଥା ନୁହେଁ । ଭଗବାନ ଶିବ ତୁଳସୀଙ୍କର ସ୍ଵାମୀ ଅସୁର ଜଳନ୍ଧରର ବଧ କରିଥିଲେ । ସେଥିପାଇଁ ସେ ନିଜେ ଶିବଙ୍କୁ ନିଜ ଅଲୌକିକ ଏବଂ ଦିବ୍ୟ ଗୁଣରୁ ବଞ୍ଚିତ କରିଛନ୍ତି ।