ହିନ୍ଦୁ ମାନ୍ୟତା ଅନୁସାରେ ରବିବାର ସୂର୍ଯ୍ୟଦେବଙ୍କ ଦିନ ହୋଇଥାଏ । କୁହାଯାଏ କି ଏହି ଦିନ ଯିଏ ସୂର୍ଯ୍ୟଦେବଙ୍କୁ ପ୍ରସନ୍ନ କରିଦିଏ ତାର ଭାଗ୍ୟ ପରିବର୍ତ୍ତନ ହୋଇ ଶୁଭ ପ୍ରାପ୍ତି ହୁଏ । ସୂର୍ଯ୍ୟଦେବ ତେଜସ୍ଵୀ ଦେବତା ଅଟନ୍ତି । ଯେକୌଣସି ବ୍ୟକ୍ତି ହେଉ ନା କାହିଁକି ତାର ଭାଗ୍ୟକୁ ପରିବର୍ତ୍ତନ କରିବାର ଶକ୍ତି ସୂର୍ଯ୍ୟଦେବଙ୍କର ଅଛି । ସୂର୍ଯ୍ୟଙ୍କ କିରଣରେ ହିଁ ବହୁତ ପଜିଟିଭ ଏନର୍ଜି ରହିଥାଏ ।
ଯଦି ଆପଣଙ୍କୁ ସୂର୍ଯ୍ୟଦେବଙ୍କ କୃପା ମିଳିଯାଏ ତେବେ ସମସ୍ତ କାର୍ଯ୍ୟ ଚିନ୍ତା ବାଧା ଦୂର ହୋଇ ସହଜ ସରଳରେ କାର୍ଯ୍ୟ ସମ୍ପନ୍ନ ହୋଇଥାଏ । କିପରି ପୂଜା କରିଲେ ସୂର୍ଯ୍ୟଦେବ ପ୍ରସନ୍ନ ହୁଅନ୍ତି ଆଜି ସେହି ବିଷୟରେ ଜାଣିବା ।
ସୂର୍ଯ୍ୟଦେବ ପ୍ରସନ୍ନ ହେବା ପାଇଁ ଏକ ବିଶିଷ୍ଟ ଉପାୟ ଅଛି, ଯାହା ବିଧି-ବିଧାନ ଅନୁଯାଇ ପୂଜା କରିଲେ ଭାଗ୍ୟ ପରିବର୍ତ୍ତନ ହୋଇଥାଏ । ଏହି ଉପାୟ ରବିବାର ଦିନ କରିବାକୁ ହେବ । ରବିବାର ଦିନ ସକାଳୁ ଉଠି ପ୍ରଥମେ ସ୍ନାନ କରିବ । ହଳଦିଆ ବା ଧଳା ବସ୍ତ୍ର ପିନ୍ଧିବାକୁ ହେବ । ଏହାପରେ ଏକ ତମ୍ବା ଢାଳରେ ଶୁଦ୍ଧ ଜଳ ଆଣି ସେଥିରେ କିଛି କୁଙ୍କୁମ ଓ ଅକ୍ଷତ ବା ଚାଉଳ ପକାଇବ । ଏବେ ସେହି ଢାଳଟିକୁ ନେଇ ଓସ୍ତ ବୃକ୍ଷ ନିକଟକୁ ଯାଅ । ସେହି ଜଳ ପିପଳ ବୃକ୍ଷମୂଳରେ ଚଢାଇ ନିମ୍ନ ମନ୍ତ୍ରକୁ ଜପ କରିବ ।
ମନ୍ତ୍ର-
ଓଁ ଭାସ୍କରାୟ ପୁତ୍ରଂ ଦେହି ମହାତେଜସେ । ଧୀମହୀ ତନ୍ନଃ ସୂର୍ଯ୍ୟ ପ୍ରଚୋଦୟାତ୍ ।
ଓଁ ହ୍ରାଂ ହ୍ରୀଂ ସଃ ସୂର୍ଯ୍ୟାୟ ନମଃ । ଓଁ ଘୃଣୀଃ ସୂର୍ଯ୍ୟ ଆଦିବ୍ୟୋମ ।
ଓଁ ହ୍ରୀଂ ଶ୍ରୀଂ ଆଂ ଗ୍ରହାଧିରାଜାୟ ଆଦିତ୍ୟାୟ ନମଃ ।
ଏହାକୁ ଜପ କରିବାକୁ ହେବ । ପାଣି ଚଢାଇବା ପରେ ତା ନିକଟରେ ବସି ସେହି ମନ୍ତ୍ର୍କୁ ଜପ କରନ୍ତୁ । ସମ୍ଭବ ହେବତ ଏପରି ଜାଗାରେ ବସନ୍ତୁ ଯାହା ସୂର୍ଯ୍ୟଙ୍କ କିରଣ ଆପଣଙ୍କ ଶରୀରକୁ ପଡୁଥିବ । ଏହାପରେ ନିଜ ଜାଗାରେ ଠିଆ ହୋଇ ୭ ଥର ପରିକ୍ରମା କରନ୍ତୁ । ଏହାପରେ ବୃକ୍ଷ ଚାରିପଟରେ ୧୧ଥର ପରିକ୍ରମା କରନ୍ତୁ । ବୃକ୍ଷ ମୂଳରେ ଏକ ଦୀପ ଜଳାନ୍ତୁ । ଏହି ରବିବାର ଦିନ ସୂର୍ଯ୍ୟଦେବଙ୍କର ବ୍ରତ ମଧ୍ୟ ପାଳନ କରିପାରିବେ ।
ଯେଉଁଦିନ ଏହି ଉପାୟ କରିବ ସେହି ଦିନ ମାଂସାହାରୀ ଭୋଜନ, ନିସାଯୁକ୍ତ ଦ୍ରବ୍ୟ ଆଦି ସେବନ କରିବ ନାହିଁ । ସେହିଦିନ କିଛି ଜିନିଷ, ପଇସା, ବସ୍ତ୍ର ଆଦି ବ୍ରହ୍ମଣ ବା ଗରିବ ବ୍ୟକ୍ତିଙ୍କୁ ଦାନ ମଧ୍ୟ କରିବେ । ମନ୍ଦିରରେ ମଧ୍ୟ ଦାନ କରିପାରିବେ । ଏହି ବ୍ରତ ମାସକୁ ଥରେ କରିପାରିବେ । ଏହିପରି କଲେ ଲାଭ ମିଳିଥାଏ । ସବୁ କାର୍ଯ୍ୟ ଭଲରେ ସଂପୂର୍ଣ୍ଣ ହେବ । ଭାଗ୍ୟ ପରିବର୍ତ୍ତନ ହୋଇ ସବୁ ଶୁଭଫଳ ପ୍ରାପ୍ତି ହୋଇଥାଏ ।