ଯେଉଁମାନଙ୍କର ଜାତକ ନାହିଁ, ଯେଉଁମାନେ ଭବିଷ୍ୟତ ବିଷୟରେ ଜାଣିପାରୁନାହାନ୍ତି, ଯେଉଁମାନେ ଟିକେଭଲମନ୍ଦ ବିଷୟରେ ଜାଣିବା ପାଇଁ ଆଗ୍ରହୀ, ସେମାନେ ନିଜର ନାମରୁ ରାଶି ନକ୍ଷତ୍ରର ଗୁଣ, ସ୍ଵଭାବ, ଚରିତ୍ର, ପ୍ରକୃତି, କର୍ମ, ବିଦ୍ୟା, ବ୍ୟବସାୟ ବିଷୟରେ ଜାଣି କଣକରିବେ କଣ ନ କରିବେ ସେବିଷୟରେ ଆସନ୍ତୁ ଜାଣିବା ।
(୨)- ବୃଷରାଶି- ଯଦି ଆପଣଙ୍କ ନାମର ପ୍ରଥମ ଅକ୍ଷର ଈ, ଉ, ଏ, ଓ, ବା, ବୀ, ବୁ, ବେ, ବୋ ହୋଇଥାଏ ତେବେ ଆପଣଙ୍କ ରାଶି ବୃଷ ହେବ । ଆପଣଙ୍କ ରାଶିର ଚିହ୍ନ-ବୃଷଭ ବା ଷଣ୍ଢ, ରାଶି ସ୍ୱାମୀ-ଶୁକ୍ର, ରାଶି ତତ୍ୱ-ପୃଥ୍ୱୀ, ରାଶି ସ୍ୱରୂପ-ସ୍ଥିର, ରାଶି ଦିଗ-ଦକ୍ଷିଣ । ରାଶି ଗୁଣ-ସ୍ତ୍ରୀ, ରଜୋଗୁଣୀ । ରାଶି ଜାତି-ବୈଶ୍ୟ ।
ରାଶି ପ୍ରକୃତି-ବାତ ପ୍ରକୃତି । ରାଶି ସ୍ୱଭାବ-ସୌମ୍ୟ ସ୍ୱଭାବ । ରାଶି ଅଙ୍ଗ-ମୁଖ । ରାଶିର ଶୁଭ ରତ୍ନ-ହୀରା । ରାଶିର ଶୁଭ ରଙ୍ଗ-ଧଳା । ରାଶିର ଶୁଭବାର-ବୁଧବାର, ଶୁକ୍ରବାର, ଶନିବାର । ରାଶିର ଶୁଭ ଦେବତା-ଶିବ, ବିଷ୍ଣୁ ଓ ଭୈରବ । ରାଶିର ଶୁଭ ଦେବୀ-ଲକ୍ଷ୍ମୀ, କମଳା ଓ ସନ୍ତୋଷୀ ମାତା । ରାଶିର ବ୍ରତ, ଉପବାସ-ସୋମବାର ଓ ଶୁକ୍ରବାର । ରାଶିର ଅଙ୍କ ବା ସଂଖ୍ୟା-୬ । ରାଶିର ତାରିଖ-୬, ୧୫, ୨୪ । ରାଶିର ମିତ୍ର ରାଶି-ମକର, କୁମ୍ଭ । ରାଶିର ଶତୃ ରାଶି-ସିଂହ, ଧନୁ, ମୀନ ।
ଘାତବାର-ଶନିବାର, ଘାତନକ୍ଷତ୍ର-ହସ୍ତା, ଘାତତିଥି-ଚତୁର୍ଥୀ, ଘାତଚନ୍ଦ୍ର- କନ୍ୟାଚନ୍ଦ୍ର । ରାଶି ବ୍ୟକ୍ତିତ୍ୱ-ସୁମତି, ଶୁଚିପ୍ରିୟ, ପ୍ରବଳସ୍ମରଣଶକ୍ତି, ନ୍ୟାୟଗୁଣସମ୍ପନ୍ନ, କୀର୍ତ୍ତିମାନ୍, ପୂଜନୀୟ, କୁଳଶ୍ରେଷ୍ଠ, ବହୁଧନଯୁକ୍ତ, ଦେବବ୍ରାହ୍ମଣସେବକ, ଧାର୍ମିକ, ସୁପୁତ୍ରଯୁକ୍ତ, ରାଜମାନ୍ୟ, ଲୋକପ୍ରିୟ, ଦେବପୂଜକ, ବସ୍ତୁସଂଗ୍ରହୀ, କାବ୍ୟକର୍ତ୍ତା, ସ୍ୱକୁଳପ୍ରିୟ, ସାହସୀ, ବିନୟୀ, ଅଳ୍ପଭୋଜୀ, ଅଳ୍ପସନ୍ତାନ, ସୁଗନ୍ଧଯୁକ୍ତ ଓ ବାଲ୍ୟବୟସରୁ ଧନଧାନ୍ୟଯୁକ୍ତ, ଗୁରୁଭକ୍ତ, କୃତଜ୍ଞ, ଦୟାଳୁ, ପରୋପକାରୀ । ରାଶିର ସକରାତ୍ମକ ତଥ୍ୟ-ଆକର୍ଷକ, ବସ୍ତ୍ରାଭୂଷଣରେ ରୁଚି । ରାଶିର ନକରାତ୍ମକ ତଥ୍ୟ- ଦୁରାଗ୍ରହୀ, ଆଳସୀ । ରାଶିର ନକ୍ଷତ୍ର- କୃତ୍ତିକା, ରୋହିଣୀ, ମୃଗଶିରା ।
ରାଶିର ନକ୍ଷତ୍ର :-
କୃତ୍ତିକା- ଯଦି ଆପଣଙ୍କ ନାମର ପ୍ରଥମ ଅକ୍ଷର ଈ, ଉ, ଏ ହୋଇଥାଏ ତେବେ ଆପଣଙ୍କର ବୃଷରାଶି କୃତ୍ତିକା ନକ୍ଷତ୍ରରେ ଅନ୍ତିମ ତୃତୀୟ ଚରଣରେ ୬ବର୍ଷ ସୂର୍ଯ୍ୟଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ବର୍ଗ-ଗରୁଡ଼, ଯୋନି-ମେଣ୍ଢା, ଗଣ-ରାକ୍ଷଣ, ବର୍ଣ୍ଣ-ବୈଶ୍ୟ, ହଂସକ ବା ତତ୍ୱ-ଭୂମି, ନାଡ଼ୀ-ଆଦ୍ୟ, ଦିଗ-ପୂର୍ବ, ପାଦ-ସୁବର୍ଣ୍ଣ, ବୈଶ୍ୟ-ଚତୁଷ୍ପଦ ହେବ । ଆପଣ ସୁନ୍ଦର ଓ କଠୋର ପରିଶ୍ରମୀ ହେବେ ।
ରୋହିଣୀ- ଯଦି ଆପଣଙ୍କ ନାମର ପ୍ରଥମ ଅକ୍ଷର ଓ, ବା, ବୀ, ବୁ ହୋଇଥାଏ, ତେବେ ଆପଣଙ୍କର ବୃଷରାଶି ରୋହିଣୀ ନକ୍ଷତ୍ରରେ ୧୦ବର୍ଷ ଚନ୍ଦ୍ରଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ବର୍ଗ-ଗରୁଡ଼, (ଦ୍ୱିତୀୟ, ତୃତୀୟ, ଚତୁର୍ଥ ଚରଣରେ ବର୍ଗ-ହରିଣ), ଯୋନି-ସର୍ପ, ଗଣ-ମାନବ, ବର୍ଣ୍ଣ-ବୈଶ୍ୟ, ହଂସକ ବା ତତ୍ୱ-ଭୂମି, ନାଡ଼ୀ-ମଧ୍ୟ, ବୈଶ୍ୟ-ଚତୁଷ୍ପଦ, ଦିଗ-ପୂର୍ବ, ପାଦ-ସୁବର୍ଣ୍ଣ ହେବ । ଆପଣ ଅତ୍ୟନ୍ତ ବୁଦ୍ଧିଜୀବି, ଐଶ୍ୱର୍ଯ୍ୟପୂର୍ଣ୍ଣ ଜୀବନ ବିତେଇବେ, ଭୋଗୀ ଓ ଯୋଗୀ ସମ୍ପନ୍ନ ହେବେ ।
ମୃଗଶିରା- ଯଦି ଆପଣଙ୍କ ନାମର ପ୍ରଥମ ଅକ୍ଷର ବେ, ବୋ ହୋଇଥାଏ ତେବେ ଆପଣଙ୍କର ବୃଷରାଶି ମୃଗଶିରା ନକ୍ଷତ୍ରରେ ୭ବର୍ଷ ମଙ୍ଗଳଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ବର୍ଗ-ହରିଣ, ଯୋନି-ସର୍ପ, ଗଣ-ଦେବତା, ବର୍ଣ୍ଣ-ବୈଶ୍ୟ, ହଂସକ ବା ତତ୍ୱ-ଭୂମି, ନାଡ଼ୀ-ଅନ୍ତ୍ୟ, ବୈଶ୍ୟ-ଚତୁଷ୍ପଦ, ଦିଗ-ପୂର୍ବ, ପାଦ-ସୁବର୍ଣ୍ଣ ହେବ । ଆପଣ ଅତ୍ୟନ୍ତ ଅଧୈର୍ଯ୍ୟଶୀଳ, ଯୁଦ୍ଧ କଳାରେ ପ୍ରବୀଣ, ଖେଳରେ ଉତ୍ସାହୀ ଓ ଧନ ବୃଦ୍ଧି କରିବାରେ ସଫଳ ହେବେ ।
ଶୁଭଫଳ ପାଇବା ପାଇଁ ବାପାମାଆ ଓ ଗୁରୁ-ଗୁରୁଜନମାନଙ୍କର ସେବା କରନ୍ତୁ, ସମ୍ମାନ ଦିଅନ୍ତୁ । ତାଙ୍କୁ କେବେ ମଧ୍ୟ କଷ୍ଟ ଦିଅନ୍ତୁ ନାହିଁ ଅନ୍ୟଥା ନିଜକୁ ମଧ୍ୟ ସୁଖ ପ୍ରାପ୍ତି ହେବ ନାହିଁ । ୨- ପ୍ରତ୍ୟେକବର୍ଷ ଜନ୍ମଦିନରେ ଚନ୍ଦ୍ର ଗ୍ରହଙ୍କ ସମ୍ବନ୍ଧିତ ବସ୍ତୁ ଯଥା- ମୋତିରତ୍ନ, ରୂପା, ଅରୁଆଚାଉଳ, ମିଶ୍ରି, ଦହି, ଧଳାବସ୍ତ୍ର, ଧଳାଫୁଲ, ଶଙ୍ଖ, କର୍ପୁର, ଧଳା ଚନ୍ଦନ ଆଦି ଶକ୍ତି ଅନୁସାରେ ଯେକୌଣସି ଦ୍ରବ୍ୟ ଦାନ କରନ୍ତୁ । ୩- ଚନ୍ଦ୍ର ଗ୍ରହଙ୍କ ସମ୍ବନ୍ଧିତ ବସ୍ତୁ ଗୃହରେ ସ୍ଥାପିତ କଲେ ମନରେ ଶାନ୍ତି ପ୍ରାପ୍ତ ହୁଏ ।
୪- ଗୃହର ମୁଖ୍ୟଦ୍ୱାରର ଡାହାଣ ପଟରେ ଅର୍ଦ୍ଧଚନ୍ଦ୍ରାକାର ପଥର ଖଣ୍ଡେ ପୋତି ଦିଅନ୍ତୁ । ୫- ରୂପାର ପାତ୍ରରେ କ୍ଷୀର ରଖି ତାକୁ ଧଳା ରଙ୍ଗର ଗାଈକୁ ବା କୌଣସି ବ୍ରାହ୍ମଣ ପୁତ୍ରକୁ ପିଆଇଲେ ଚନ୍ଦ୍ରଙ୍କ ଅଶୁଭତା ସମାପ୍ତ ହୋଇଯାଏ । ୬- ଧଳା ବା ଶାଗୁଆ ରଙ୍ଗର ବସ୍ତ୍ର ଦାନ କରନ୍ତୁ । ୭- ମାଟି ଘଡିରେ ଚାଉଳ ଭର୍ତ୍ତିକରି ଘରର ଅନ୍ତିମ କକ୍ଷର ଭୂମିରେ ଗାତଖୋଳି ପୋତି ଦିଅନ୍ତୁ । ୮- ମାସକୁ ଥରେ ଇଷ୍ଟଦେବୀଙ୍କ ନିକଟରେ ଶୁକ୍ରବାର ଦିନ କିଛି ଭୋଗ ଲଗେଇ ପିଲାଙ୍କୁ ବାଣ୍ଟିଦେବେ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।