ହିନ୍ଦୁ ଧର୍ମରେ ପରମ୍ପରାର ବିଶେଷ ମହତ୍ଵ ରହିଛି । ଏଠାରେ ସବୁ କାମ ପାଇଁ ଗୋଟିଏ ସମୟ ଥାଏ । ସମୟ ହିସାବରେ ହିଁ ସବୁ କାମ କରାଯାଇଥାଏ । ଗ୍ରହଙ୍କର ଚଳନ ହିସାବରେ ସବୁ ଠିକ କରାଯାଏ । ହିନ୍ଦୁ ଧର୍ମ ଅନୁସାରେ ଏବେ ଏକ ମାସ ପର୍ଯ୍ୟନ୍ତ କୌଣସି ଶୁଭ କାମ କରିବା କଥା ନୁହେଁ । 16 ଡିସେମ୍ବର ରୁ ଖରମାସ ଆରମ୍ଭ ହୋଇ ସାରିଛି , ଯାହାକୁ ସାଧାରଣ ଭାଷାରେ ମଳମାସ ମଧ୍ୟ କୁହନ୍ତି । ଏହା ଅନୁସାରେ ଏବେ ଏକ ମାସ ପର୍ଯ୍ୟନ୍ତ କୌଣସି ଶୁଭ କାମ ହେବ ନାହିଁ । ଏହାର ଅର୍ଥ ଏହି ମାସରେ ମଙ୍ଗଳ କାର୍ଯ୍ୟ କରିବା ଦ୍ଵାରା ଅମଙ୍ଗଳ ହେବାର ସମ୍ଭାବନା ବଢିଯାଇଥାଏ । ତେବେ ଜାଣନ୍ତୁ ଆମର ଏହି ଲେଖାରେ ଆପଣଙ୍କ ପାଇଁ କଣ ବିଶେଷ କଥା ରହିଛି ।
ହିନ୍ଦୁ ଧର୍ମ ପରମ୍ପରା ଅନୁସାରେ ଯେଉଁଠି ଗୋଟିଏ ସମୟ ଥାଏ ଯେଉଁଥିରେ ଶୁଭ କାମ କରାଯାଏ ତ ଆଉ କିଛି ଏମିତି ସମୟ ନିର୍ଦ୍ଧାରିତ ହୋଇଥାଏ ଯେଉଁଥିରେ ଶୁଭ କାମ କରିବା ମନା ଏବଂ ଏହାକୁ ଖର ମାସ ବା ମଳମାସ କୁହନ୍ତି । ବହୁତ ଲୋକ ଖର ମାସ ବିଷୟରେ ଜାଣିଥିବେ । ଏହା ଏବେ 16 ଡିସେମ୍ବର ରୁ 14 ଜାନୁଆରୀ 2019 ପର୍ଯ୍ୟନ୍ତ ହେବ । 15 ଜାନୁଆରୀ 2019 ରୁ ନୂଆ ମାସ ଓ ଶୁଭ ମାସ ଆରମ୍ଭ ହୋଇଯିବ ଏବଂ ସେତେବେଳେ ଆପଣ କୌଣସି ଶୁଭ କାମ କରି ପାରିବେ । ତେବେ ଚଲାନ୍ତୁ ଜାଣିବା ଏହି ମଳମାସ ବା ଖରମାସ କଣ ହୋଇଥାଏ ।
ଯେତେବେଳେ ସୂର୍ଯ୍ୟ ଦେବତା ମିନ ରାଶି ଓ ଧନୁ ରାଶିରେ ପ୍ରବେଶ କରନ୍ତି ତେବେ ଏହାକୁ ମିନ ଓ ଧନୁ ସଙ୍କ୍ରାନ୍ତି କୁହନ୍ତି । ଏମିତି ବି ସୂର୍ଯ୍ୟ କୌଣସି ରାଶିରେ ବି ଏକ ମାସ ପର୍ଯ୍ୟନ୍ତ ରୁହନ୍ତି, କିନ୍ତୁ ଯେତେବେଳେ ମିନ ଓ ଧନୁ ରାଶିରେ ପ୍ରବେଶ କରନ୍ତି ତେବେ ଏହାକୁ ଏକ ଅଧିକ ମାସ ରୂପରେ ଗଣାଯାଏ ଏବଂ ଏହାକୁ ମଳମାସ କୁହାଯାଏ । ଏହି ମାସରେ ସବୁ ଶୁଭ କାମ ବର୍ଜିତ ହୋଇଥାଏ ଯେମିତି କି ବିବାହ,ବ୍ରତ , ଗୃହ ପ୍ରବେଶ, ନୂଆ କିଣିବା ବା ଅନ୍ୟ କୌଣସି ଶୁଭ କାର୍ଯ୍ୟ କରିବା । କେବଳ ଏତିକି ନୁହେଁ ଏହି ମାସରେ ନା କୌଣସି ବ୍ରତ ଆରମ୍ଭ କରାଯାଏ ନା କୌଣସି ବ୍ରତ ଶେଷ କରାଯାଏ ।
ହିନ୍ଦୁ ଧର୍ମରେ ପ୍ରଚଳିତ ମାନ୍ୟତା ଅନୁସାରେ ଏହି ମାସରେ କରାଯାଉଥିବା ସବୁ ଶୁଭ କାମ ଅଶୁଭ ଫଳ ଦିଅନ୍ତି , ଏଥି ପାଇଁ ଏହି ମାସରେ କୌଣସି ଶୁଭ କାମ କରିବା ଉଚିତ ନୁହେଁ । କେବଳ ଏତିକି ନୁହେଁ ଯେତେବେଳେ ସୂର୍ଯ୍ୟ ବୃହସ୍ପତି ଗୁରୁଙ୍କ ରାଶିରେ ପ୍ରବେଶ କରନ୍ତି, ସେତେବେଳେ ବ୍ୟକ୍ତିକୁ କୌଣସି ଶୁଭ କାମ କରିବା କଥା ନୁହେଁ । ଉତ୍ତର ଭାରତରେ ତ ଲୋକ ନୂଆ ବସ୍ତ୍ର ମଧ୍ୟ କିଣନ୍ତି ନାହିଁ କାରଣ ସେଠାରେ ଏହି ଜିନିଷର ବହୁତ ମାନ୍ୟତା ରହିଛି । ଏହି ସମୟରେ ସମସ୍ତଙ୍କୁ ଈଶ୍ଵର ଭକ୍ତିରେ ଲୀନ ହୋଇଯିବା ଦରକାର ।