ହିନ୍ଦୁ ଧର୍ମରେ କୁହାଯାଇଛି ଯେ ସବୁ ଘରେ ତୁଳସୀ ଗଛ ଲଗାଇବା ଅନିବାର୍ଯ୍ୟ ଅଟେ । କେବଳ ଏତିକି ନୁହେଁ ଯେଉଁ ବ୍ୟକ୍ତି ପ୍ରତିଦିନ ତୁଳସୀ ପତ୍ର ଖାଏ, ସେହି ବ୍ୟକ୍ତିର ଶରୀରରେ ଅନେକ ପ୍ରକାର ରୋଗରୁ ମଧ୍ୟ ରକ୍ଷା ପାଇଥାଏ । ବିଶ୍ଵାସ କରାଯାଏ ଯେ ଯଦି ଘରର ଅଗଣାରେ ତୁଳସୀ ଗଛ ଥାଏ ତେବେ ଘରେ ଅସନ୍ତୋଷ ଓ ବିଶୃଙ୍ଖଳା ଦୂର ହୁଏ । ମାତା ଲକ୍ଷ୍ମୀଙ୍କର କୃପା ପ୍ରାପ୍ତି ହୁଏ ।
ଆସନ୍ତୁ ଜାଣିବା ଏହି ଗଛର ୧୩ ପ୍ରକାର ଲାଭ ।
ଯେଉଁ ବ୍ୟକ୍ତି ପ୍ରତିଦିନ ତୁଳସୀ ପତ୍ରକୁ ଖାଏ ତାର ଶରୀର ଅନେକ ଚାନ୍ଦ୍ରାୟଣ ବ୍ରତର ଫଳ ସହିତ ସମାନ ପବିତ୍ରତା ପ୍ରାପ୍ତ କରିଥାଏ । ପୌରାଣିକ ଶାସ୍ତ୍ର ଅନୁସାରେ ତୁଳସୀ ପତ୍ରକୁ ଖାଇବା ଦ୍ଵାରା ସବୁ ଦେବୀ ଦେବତାଙ୍କ କୃପା ପ୍ରାପ୍ତ ହୋଇଥାଏ ।
ଗାଧୋଇବା ବେଳେ ପାଣିରେ ତୁଳସୀ ପତ୍ର ବା ଜଟା ପାକାଇ ଗାଧୋଇଲେ ତୀର୍ଥଯାତ୍ରାରେ ସ୍ନାନ କରି ପବିତ୍ର ହେବା ପରି ଅଟେ । ଯେଉଁ ବ୍ୟକ୍ତି ଏହିଭଳି କରେ ସେ ସବୁ ଯଜ୍ଞରେ ବସିବାର ଅଧିକାର ପାଇଥାଏ ।
ଘରେ ଲଗାଯାଇଥିବା ତୁଳସୀ ଗଛ ଘରର ବାସ୍ତୁଦୋଷ କୁ ମଧ୍ୟ ଦୂର କରିବାର ସକ୍ଷମ ଥାଏ ।
ପ୍ରତିଦିନ ତୁଳସୀ ପୂଜା କରିବା ଓ ଗଛରେ ପାଣି ଦେବା ଏହା ପ୍ରାଚୀନ କାଳର ପରମ୍ପରା ଅଟେ । ଯେଉଁ ଘରେ ପ୍ରତିଦିନ ତୁଳସୀ ପୂଜା ହୁଏ, ସେଠାରେ ସୁଖ ସମୃଦ୍ଧି ସୌଭାଗ୍ୟ ମିଳିଥାଏ ।
ତୁଳସୀ ଗଛ ଘରେ ରଖି ପୂଜା କରିଲେ ଧନ ଅଭାବ ହୁଏ ନାହିଁ । ତେଣୁ ପ୍ରତିଦିନ ତୁଳସୀ ପୂଜା କରିବା ଉଚିତ୍ ।
ତୁଳସୀ ପତ୍ର ଖାଇଲେ ମଧ୍ୟ ସବୁ ଦେବ ଦେବୀଙ୍କର ଆଶୀର୍ବାଦ ମିଳିଥାଏ ।
ଘରର ଅଗଣାରେ ତୁଳସୀ ଗଛ ଥିଲେ ଘରର କଳହ ଓ ଅଶାନ୍ତି ଦୂର ହୋଇଯାଏ ।
ଘର ପରିବାରରେ ମାତା ଲକ୍ଷ୍ମୀଙ୍କ କୃପା ମିଳିଥାଏ ।
ପ୍ରତିଦିନ ଦହି, ଚିନୀ ସହିତ ତୁଳସୀ ପତ୍ର ମିଶାଇ ଖାଇଲେ ବହୁତ ଶୁଭ ବୋଲି କୁହାଯାଏ ।
ଦହି ସହିତ ତୁଳସୀ ଖାଇଲେ ଅନେକ ପ୍ରକାର ଆୟୁର୍ବେଦିକ ଲାଭ ମଧ୍ୟ ପ୍ରାପ୍ତ ହୋଇଥାଏ ।
ପ୍ରତିଦିନ ତୁଳସୀ ପତ୍ର ଖାଇଲେ କାର୍ଯ୍ୟରେ ମନ ଲାଗେ ।
ତୁଳସୀ ପତ୍ର ଖାଇଲେ ଶରୀର ସର୍ବଦା ଊର୍ଜାବାନ ଲାଗି ରହିଥାଏ ।
ତୁଳସୀ ପତ୍ର ଖାଇଲେ ମାନସିକ ଚିନ୍ତା ହୁଏ ନାହିଁ ।