ହସ୍ତରେଖା ଜ୍ୟୋତିଷ:- ହାତରେ ଥିବା ତିଳ ଚିହ୍ନ ବା କଳାଜାଇର ଶୁଭ ଅଶୁଭ ସଂକେତ

ଶେୟାର କରନ୍ତୁ ଅନ୍ୟମାନକ ସହିତ

ଜ୍ୟୋତିଷ ଶାସ୍ତ୍ର ଅନୁସାରେ ହାତରେ ଥିବା ରେଖା ଓ ତିଳ ଚିହ୍ନ ମାଧ୍ୟମରେ ଜୀବନର ଭବିଷ୍ୟତ ବିଷୟରେ ଜାଣି ହୁଏ । ଏହା ବ୍ୟତୀତ ଶରୀରରେ ଥିବା ତିଳ ଚିହ୍ନରେ ମଧ୍ୟ ଭବିଷ୍ୟତ ବିଷୟରେ ଜାଣି ହୁଏ । ହାତରେ ରେଖା ସହିତ ତିଳ ଚିହ୍ନ ମଧ୍ୟ ରହିଥାଏ । ସାମୁଦ୍ରିକ ଶାସ୍ତ୍ରରେ ଏହି ଚିହ୍ନର ବିଶେଷ ମହତ୍ଵ ଥାଏ । ଏହି ତିଳ କିଛି ଶୁଭଫଳ ଓ କିଛି ଅଶୁଭଫଳ ଦେଇଥାଏ । ଯେଉଁ ଲୋକମାନଙ୍କର ହାତରେ ଶୁଭ ତିଳ ଚିହ୍ନ ଥାଏ ସେମାନଙ୍କ ଜୀବନରେ ସୁଖ ଓ ସମୃଦ୍ଧି ମିଳିଥାଏ । କିନ୍ତୁ ଯେଉଁମାନଙ୍କର ହାତରେ ଏହି ଚିହ୍ନ ଅଶୁଭ ସ୍ଥାନରେ ଥାଏ ସେମାନଙ୍କର ଜୀବନରେ ଚିନ୍ତା ଲାଗିରୁହେ ।

ଯଦି ବ୍ୟକ୍ତିର ହାତରେ ଗୁରୁ ପର୍ବତ ଉପରେ ତିଳ ଚିହ୍ନ ଥାଏ ତେବେ ବ୍ୟକ୍ତିର ଜୀବନରେ ଧନ ଅଭାବ ହୁଏ ନାହିଁ । ଧନ ସମ୍ପଦ ପରିପୂର୍ଣ୍ଣ ରହେ ଓ ଜୀବନ ଆନନ୍ଦରରେ ବିତେଇଥାନ୍ତି ।

ହାତର କାଣୀ ଆଙ୍ଗୁଠିରେ କଳାଜାଇ ଚିହ୍ନ ଥିଲେ ବ୍ୟକ୍ତି ବହୁତ ସମୃଦ୍ଧିଶାଳୀ ଓ ମାନ ସମ୍ମାନ ପାଇଥାଏ ।

ଅନାମିକା ଆଙ୍ଗୁଠିରେ କଳାଜାଇ ଚିହ୍ନ ଥିଲେ ବ୍ୟକ୍ତି ସମାଜରେ ବିଖ୍ୟାତ ହୋଇଥାନ୍ତି ଓ ସରକାରୀ କ୍ଷେତ୍ରରେ ଅଧିକାରୀ ହୋଇଥାନ୍ତି ।

ବୁଢା ଆଙ୍ଗୁଠିରେ କଳାଜାଇ ଚିହ୍ନ ଥିଲେ ବ୍ୟକ୍ତି ବହୁତ ପରିଶ୍ରମୀ ଓ ନ୍ୟାୟପ୍ରିୟ ହୋଇଥାନ୍ତି ।

ଯେଉଁ ଲୋକମାନଙ୍କ ହାତରେ ଶନିଙ୍କ ସ୍ଥାନରେ ତିଳ ଚିହ୍ନ ରହିଥାଏ ତେବେ ସେହି ଲୋକମାନେ ବହୁତ ଧନ ରୋଜଗାର କରିଥାନ୍ତି ।

ଯେଉଁ ବ୍ୟକ୍ତିମାନଙ୍କର ବୁଢା ଆଙ୍ଗୁଠିରେ ତିଳ ଚିହ୍ନ ଥିବ ସେହି ବ୍ୟକ୍ତିମାନେ ବହୁତ ପରିଶ୍ରମୀ ହୁଅନ୍ତି ଓ ନ୍ୟାୟପ୍ରିୟ ହୋଇଥାନ୍ତି । ଏହି ବ୍ୟକ୍ତିମାନେ ଧନ ଖର୍ଚ୍ଚ କରିବାକୁ କୁଣ୍ଠାବୋଧ ହୁଅନ୍ତି ନାହିଁ ତଥାପି ତାଙ୍କ ପାଖରେ ଧନ ଅଭାବ ହୁଏ ନାହିଁ ।

ଯଦି ଲୋକମାନଙ୍କର ବାମ ହାତରେ ତିଳ ଚିହ୍ନ ଥାଏ ସେମାନେ ବହୁତ ଧନ ଖର୍ଚ୍ଚ କରନ୍ତି । ସେହି ଲୋକମାନେ ବହୁତ ଧନ ରୋଜଗାର କରନ୍ତି କିନ୍ତୁ ଧନ ସଞ୍ଚୟ କରିପାରନ୍ତି ନାହିଁ । ସେହିପରି ଡାହାଣହାତର ଉପର ଭାଗରେ ତିଳ ଚିହ୍ନ ଥିଲେ ବହୁତ ଶୁଭ ହୋଇଥାଏ । ଏହି ଲୋକମାନଙ୍କ ପାଖରେ କଦାପି ଧନ ଅଭାବ ହୁଏ ନାହିଁ । ସେମାନଙ୍କର ସବୁବେଳେ ଧନ ଧାନ୍ୟରେ ପରିପୂର୍ଣ୍ଣ ରହିଥାଏ ।

କୁହାଯାଏ କି ହାତରେ ଯେଉଁ ଯେଉଁ ଜାଗାରେ ତିଳ ଚିହ୍ନ ରହିଲେ ଅଶୁଭ ହୋଇଥାଏ ତାହା ହେଲା ଶୁକ୍ର ପର୍ବତ ଉପରେ ତିଳ ଚିହ୍ନ ରହିଲେ ଅଶୁଭ ହୁଏ ବୋଲି କୁହାଯାଏ । ଏହି ତିଳ ଚିହ୍ନ ଶୁକ୍ର ପର୍ବତ ଉପରେ ଥିଲେ ବ୍ୟକ୍ତିକୁ ବୈବାହିକ ଜୀବନରେ ସମସ୍ୟାର ସମ୍ମୁଖୀନ ହେବାକୁ ପଡିଥାଏ । ସେହିପରି ମଙ୍ଗଳ ପର୍ବତ ଉପରେ ତିଳ ଚିହ୍ନ ଥିଲେ ଦୁର୍ଘଟଣାର ସାମ୍ନାହେବାର ସଙ୍କେତ ହୋଇଥାଏ । ବୁଧ ପର୍ବତ ଉପରେ ତିଳ ଚିହ୍ନ ରହିଲେ ହାନି ହେବାର ସମ୍ଭାବନା ରହିଥାଏ ।


ଶେୟାର କରନ୍ତୁ ଅନ୍ୟମାନକ ସହିତ
error: Content is protected !!