ଭୀଷ୍ମ ପିତାମହ ଯୁଧିଷ୍ଠିର ଙ୍କୁ କହିଥିଲେ ନାରୀଙ୍କ ବିଷୟରେ କିଛି ମହତ୍ଵପୂର୍ଣ୍ଣ କଥା
ଆଜିର ସମୟରେ ମହିଳା ମାନଙ୍କୁ ନିଜର ଆତ୍ମସମ୍ମାନ ରକ୍ଷକରିବା ପାଇଁ ଓ ନିଜର ଅଧିକାର ପାଇଁ ନିଜେ ହିଁ ଲଢିବାକୁ ପଡୁଛି । ବହୁତ କମ ଲୋକ ଏଇ ସଂସାରରେ ଅଛନ୍ତି ଯେଉଁମାନେ ମହିଳାଙ୍କ ଅଧିକାର ବିଷୟରେ ଆଲୋଚନା କରନ୍ତି ବା ସେମାନଙ୍କ ସାଥ ଦିଅନ୍ତି । ନଚେତ କିଛି ଲୋକ ନାରୀଙ୍କୁ କେବଳ ବସ୍ତୁ ଭାବନ୍ତି ତ କିଛି ଲୋକ ଏମାନଙ୍କୁ କାମ କରିବାର ମେଶିନ । ନାରୀର ନିଜର କିଛି ଅସ୍ତିତ୍ଵ ଅଛି ବୋଲି ଏହା ବହୁତ କମ ଦେଖିବାକୁ ମିଳେ । ଭାରତରେ ଯେଉଁଠି ଗୋଟେ ପଟେ ଝିଅ ବଞ୍ଚାଅ ଝିଅ ପଢାଅର ନାରା ଦିଆ ଯାଉଛି ସେଇଠି ଅନ୍ୟ ପଟରେ ଛୋଟ ଛୋଟ ଛୁଆଙ୍କର ଇଜ୍ଜତ ସହ ମଧ୍ୟ ଖେଳିବାକୁ ପଛଉ ନାହାନ୍ତି କିଛି ରାକ୍ଷସ ।
କିନ୍ତୁ ଇତିହାସ ସାକ୍ଷୀ ଅଛି ଯେବେ ଯେବେ ମହିଳା ମାନଙ୍କଇଜ୍ଜତ ସହ ଖେଳିବାକୁ ଚେଷ୍ଟା କରାଯାଇଛି ସେବେ ସର୍ବନାଶ ହିଁ ହୋଇଛି । ଉଦାହରଣ ପାଇଁ ଆପଣ ରାମାୟଣ ନିଅନ୍ତୁ, ବା ମହାଭାରତର ଦ୍ରୌପଦୀଙ୍କ କଥା ନିଅନ୍ତୁ । ଯେଉଁଥିରେ ଭୀଷ୍ମ ପିତାମହ ଯୁଧିଷ୍ଠିରଙ୍କୁ କହିଥିଲେ ନାରୀ ମାନଙ୍କ ବିଷୟରେ କିଛି ମହତ୍ଵ ପୂର୍ଣ୍ଣ କଥା ।
ମହାଭାରତରେ ହୋଇଥିବା ଯୁଧ୍ୟର କାରଣ ତ ସମସ୍ତେ ଜାଣିଛନ୍ତି, ଯେତେବେଳେ କୌରବ ଓ ପାଣ୍ଡବଙ୍କ ମଧ୍ୟରେ ଏକ ବଡ ଯୁଦ୍ଧ ହୋଇଥିଲା । ସଭା ମଧ୍ୟରେ ଯେତେବେଳେ ସମସ୍ତଙ୍କ ସମ୍ମୁଖରେ ଦ୍ରୌପଦୀଙ୍କ ଚିର ହରଣ ହେଉଥିଲା ସେତେବେଳେ ତାଙ୍କ ସ୍ଵାମୀ ମଧ୍ୟ କିଛି କରିପାରିଲେ ନାହିଁ । ତାହା ପରେ ଦ୍ରୌପଦିଙ୍କ ସହ ହୋଇଥିବା ସେହି ଅତ୍ୟାଚାର ପାଇଁ ମହାଭାରତ ଯୁଦ୍ଧ ଆରମ୍ଭ ହୋଇଥିଲା । ଏହି ଯୁଦ୍ଧରେ ଅର୍ଜୁନଙ୍କ ତିର ଦ୍ଵାରା ଆଘାତ ପାଇଥିବା ଭୀଷ୍ମ ପିତାମହ ଯେତେବେଳେ ତୀର ଶଯ୍ୟାରେ ନିଜ ମୃତ୍ୟୁ ପାଇଁ ଅପେକ୍ଷା କରିଥାନ୍ତି ସେତେବେଳେ ସେ ନିଜର ସବୁ ଭଲ ଓ ଖରାପ କର୍ମ ବିଷୟରେ ଭାବୁଥାନ୍ତି ।
ସେହି ସମୟରେ ସେ ଭାବିଲେ ସେ ତାଙ୍କ ଜୀବନରେ ବହୁତ କିଛି ଭୁଲ କରିଛନ୍ତି, ସେଥିପାଇଁ ସେ ଯୁଧିଷ୍ଠିରଙ୍କୁ ତାଙ୍କ ପାଖକୁ ଡାକି ନିଜ ଜୀବନରୁ ମିଳିଥିବା କିଛି ଅନୁଭୂତି ଓ କିଛି ଜ୍ଞାନ ତାଙ୍କୁ ଦବାକୁ ଲାଗିଲେ । ସେ କହିଲେ କି ପୁରୁଷ ମାନଙ୍କୁ ନାରୀ ମାନଙ୍କର ସମ୍ମାନ କରିବା ଉଚିତ, ଘରେ ହେଉ ଅବା ବାହାରେ ସମସ୍ତ ନାରୀଙ୍କର ସମ୍ମାନ କରିବା ଏକ ସଚ୍ଚୋଟ ପୁରୁଷର ଲକ୍ଷଣ ।
ଭୀଷ୍ମ ପିତାମହ କହିଥିଲେ ଯେଉଁ ଘରେ ମହିଳା ମାଙ୍କର ସମ୍ମାନ , ଆଦର ସତ୍କାର କରାଯାଏ ସେହି ଘରେ ଲକ୍ଷ୍ମୀ ବାସ କରନ୍ତି । କିନ୍ତୁ ଯେଉଁ ଘରେ ନାରୀକୁ ଅସମ୍ମାନ କରାଯାଏ ସେଠି ଦେବତା ମାନେ ଥିଲେ ମଧ୍ୟ ଫେରି ଆସନ୍ତି । ସେହି ଘରେ ସର୍ବଦା ଦୁଃଖ ଓ ବିବାଦର ସ୍ଥିତି ଲାଗି ରୁହେ ।
ଭୀଷ୍ମ ପିତାମହ ଯୁଧିଷ୍ଠିରଙ୍କୁ କହିଲେ ଯେଉଁ ପରିବାରରେ ନିଜ ଝିଅ ଓ ପର ଝିଅ ମାନେ ବୋହୂ ମଧ୍ୟରେ ଅନ୍ତର କରାଯାଏ ତେବେ ତାଙ୍କ ଝିଅ ମଧ୍ୟ ତା ଶାଶୁଘରେ ସମ୍ମାନ ପାଏ ନାହିଁ । ତେଣୁ ଯେତେ ଭଲ ପାଇବା ଓ ସମ୍ମାନ ଆପଣ ନିଜ ବୋହୁକୁ ଦେବେ ସେତିକି ମାନ ସମ୍ମାନ ଆପଣଙ୍କ ଝିଅକୁ ମଧ୍ୟ ମିଳିବ । ବୋହୂ ଓ ଝିଅର ସମ୍ମାନ ସମସ୍ତଙ୍କୁ କରିବା ଆବଶ୍ୟକ, ଯାହା ଦ୍ଵାରା କାହାକୁ କିଛି ସମସ୍ୟା ହେବ ନାହିଁ ।
ନାରୀଙ୍କ ସମ୍ମାନ ପାଇଁ ଗୋଟିଏ ଶେୟାର ନିଶ୍ଚୟ କରନ୍ତୁ