୨୦୨୧ ମସିହା, ଅଗଷ୍ଟ ମାସ ୨୮ ତାରିଖ, ଶନିବାର, ସିଂହ ମାସ ୧୨ ଦିନ, ଭାଦ୍ରବ ମାସ, କୃଷ୍ଣପକ୍ଷ, ଷଷ୍ଠୀତିଥି, ଦ୍ଵିଜା ନକ୍ଷତ୍ର, ମେଷ ରାଶିରେ ଚନ୍ଦ୍ର । ବୃଦ୍ଧି ଯୋଗ ପ୍ରାତଃ ୫ଟା ୫୩ମିନିଟ୍ ଗତେ ଧୃବ ଯୋଗ, ଗର କରଣ ସକାଳ ୭ଟା ୪୯ମିନିଟ୍ ଗତେ ବାଣିଜ୍ୟ କରଣ । ବୃଷ, ସିଂହ, କନ୍ୟା ରାଶିର ଘାତବାର । ମେଷ ରାଶିର ଘାତଚନ୍ଦ୍ର । ନିମ୍ବ ବା ପିତା ଦ୍ରବ୍ୟ ନ ଖାଇଲେ ଭଲ, ରାତି ୮ଟା ୫୬ମିନିଟ୍ ପରେ ତାଳ ନ ଖାଇଲେ ଭଲ । ଯୋଗିନୀ- ପଶ୍ଚିମେ ରାତ୍ରି ୮ଟା ୫୬ମିନିଟ୍ ପରେ ବାୟବ୍ୟେ ଯାତ୍ରା ନିଷେଧ ।
ଶ୍ରାଦ୍ଧ ତର୍ପଣ- ଷଷ୍ଠୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ । ଅଶୁଭସମୟ-ପ୍ରାତଃ ୫ଟା ୩୩ମିନିଟ୍ ରୁ ୭ଟା ୭ମିନିଟ୍, ଦିବା ୪ଟା ୨୮ମିନିଟ୍ ରୁ ସନ୍ଧ୍ୟା ୬ଟା ୧ମିନିଟ୍ । ଦିବା ୧ଟା ୨୧ମିନିଟ୍ ରୁ ଦିବା ୨ଟା ୫୪ମିନିଟ୍ । ସନ୍ଧ୍ୟା ୬ଟା ୧ମିନିଟ୍ ରୁ ୭ଟା ୨୮ମିନିଟ୍, ରାତ୍ରି ୪ଟା ୭ମିନିଟ୍ ରୁ ୫ଟା ୩୪ମିନିଟ୍ । ଶୁଭସମୟ- ଦିବା ୧୦ଟା ୧୫ମିନିଟ୍ ରୁ ୧ଟା ୧ମିନିଟ୍, ରାତ୍ର ୮ଟା ୨୧ମିନିଟ୍ ରୁ ୧୦ଟା ୩୭ମିନିଟ୍, ରାତ୍ର ୧୨ଟା ୧୧ମିନିଟ୍ ରୁ ୧ଟା ୪୨ମିନିଟ୍, ରାତ୍ର ୨ଟା ୩୦ମିନିଟ୍ ରୁ ୪ଟା ।
ମେଷ:-ରଚନାତ୍ମକ କାର୍ଯ୍ୟରେ ଭାଗ ନେବା ଉଚିତ୍ । ପରିବାରରେ ସୁଖର ପରିବେଶ ରହିବ । ଅଳ୍ପ ପରିଶ୍ରମ ଦ୍ୱାରା ନିଜର ଲକ୍ଷ ହାସଲ କରି ପାରିବେ । ପୁରୁଣା ସାଙ୍ଗମାନଙ୍କ ସହିତ ଭେଟ ହେବାରୁ ବହୁତ ଉତ୍ସାହିତ ହେବେ । ନୂତନ ରୋଜଗାର କରିବା ପାଇଁ ଚେଷ୍ଟା କରିବେ । ପିଲାମାନଙ୍କର ସ୍ୱଭାବକୁ ନେଇ ଚିନ୍ତିତ ରହିବେ । ଟଙ୍କା ଦେବା ନେବା କାରବାର ବିଷୟରେ ସାବଧାନ ରହିବା ଉଚିତ୍ । ନଚେତ୍ ଟଙ୍କା ଅଟକି ଯାଇ ପାରେ । ପ୍ରତିକାର:- ଷଣ୍ଢକୁ କିଛି ଖାଇବାକୁ ଦିଅନ୍ତୁ ।
ବୃଷ:-ସରକାରୀ କର୍ମଚାରୀ ମାନେ କର୍ମକ୍ଷେତ୍ରରେ ସଫଳତା ଲାଭକରିବେ । ବ୍ୟବସାୟରେ ବାଧା ଉପୁଜିଲେ ମଧ୍ୟ ଲାଭବାନ୍ ହେବେ । ଭାଇ ଭଉଣୀମାନଙ୍କ ସହ ମନୋମାଳିନ୍ୟ ମେଣ୍ଟିଯାଇ ପାରିବାରିକ କ୍ଷେତ୍ରରେ ଶାନ୍ତି ଦେଖାଦେବ । ଅଥିତିମାନେ ଘରକୁ ଆସିବେ । ସ୍ୱାସ୍ଥ୍ୟପ୍ରତି ସାବଧାନ ରହିବା ଉଚିତ୍ । ଯେ କୌଣସି ସ୍ଥାନରେ ବଡ଼ ଧରଣର ନିବେଶ କରନ୍ତୁ ନାହିଁ । ମିତ୍ରଙ୍କ ବ୍ୟବହାରରେ ମନ ବ୍ୟଥିତ ହୋଇପାରେ । ପ୍ରତିକାର- କୁକୁରକୁ କିଛି ଖାଇବାକୁ ଦିଅନ୍ତୁ ।
ମିଥୁନ:-ଶତୃ ପରାଜିତ ହୋଇ ବ୍ୟବସାୟରେ ଭଲ ଲାଭ ପାଇବା ସହ ଆର୍ଥିକ କ୍ଷେତ୍ରରେ ଉନ୍ନତି ହେବ । ନୂଆ ସୂତ୍ରରେ ଧନ ଲାଭ ହୋଇ ଋଣ ପରିଶୋଧ କରି ପାରିବେ । ଧୈର୍ଯ୍ୟ ଓ ବୁଝାମଣା ସହିତ ସବୁ କାର୍ଯ୍ୟ କରିବାକୁ ଚେଷ୍ଟା କରନ୍ତୁ ଅଫିସ୍ରେ ପରିବେଶ ସକରାତ୍ମକ ରହିବ । ବଡ଼ କମ୍ପାନୀରୁ ଚାକିରୀ କରିବାକୁ ଅଫର୍ ମିଳିପାରେ । ପ୍ରଭାବଶାଳୀ ଲୋକମାନଙ୍କର ସହଯୋଗ ପାଇବା ଫଳରେ ନୂତନ ଯୋଜନାରେ ସଫଳତା ମିଳିବ । ପ୍ରତିକାର- ସବୁଜ ରଙ୍ଗର ରୁମାଲ ଟିଏ ପାଖରେ ରଖନ୍ତୁ ।
କର୍କଟ:-ଆର୍ଥିକ କ୍ଷେତ୍ରରେ ଲାଭଦାୟକ ହେବା ଫଳରେ ନୂଆ ବ୍ୟବସାୟ ଆରମ୍ଭ କରିପାରିବେ । କାର୍ଯ୍ୟରେ ସ୍ଥିରତା ରହିବ । ବ୍ୟବସାୟ କ୍ଷେତ୍ରରେ କାମ ଧୀର ଗତିରେ ପୂରଣ ହେବ । କର୍ମକ୍ଷେତ୍ରରେ ସହକର୍ମୀମାନଙ୍କ ସହିତ ଭଲ ସମ୍ପର୍କ ରହିବ । ଶୁଭ ଖବର ଶୁଣିବାକୁ ପାଇବେ । ବିରୋଧୀ ମାନଙ୍କ ଉପରେ ନଜର ରଖି ବିଜୟୀ ହେବେ । ଶେୟାର ବଜାରରୁ ଭଲ ଅର୍ଥ ଲାଭ କରିପାରିବେ । କିଛି ନୂଆ କୌଶଳ ଶିଖିବା ପାଇଁ ଚେଷ୍ଟା କରିବେ । ପ୍ରତିକାର- ତୁଲସୀ ମୂଳ ମାଟି ମୁଣ୍ଡରେ ଧାରଣ କରନ୍ତୁ ।
ସିଂହ:-ଶତୃବୃଦ୍ଧି ହେଲେ ମଧ୍ୟ ଯେ କୌଣସି କାର୍ଯ୍ୟରେ ହାତଦେଲେ ସଫଳହେବେ । ପରିବାରରେ ପାରସ୍ପରିକ ବିଶ୍ୱାସ ବୃଦ୍ଧି ହେବ । କର୍ମକ୍ଷେତ୍ରରେ ଅଚାନକ ଭାବରେ ସ୍ଥାନ ପରିବର୍ତ୍ତନ ହୋଇପାରେ । ପୈତୃକ ବ୍ୟବସାୟ ପ୍ରତି ଧ୍ୟାନ ଦେବା ଉଚିତ୍ । ନୂଆ ସାଙ୍ଗ କରିବାକୁ ତତ୍ପର ହୁଅନ୍ତୁ ନାହିଁ । ନଚେତ୍ କୌଣସି ଦ୍ୱନ୍ଦରେ ପଡିପାରନ୍ତି । ଆଖପାଖର ପରିବେଶ ଉପରେ ନଜର ରଖିବା ଉଚିତ୍ । ବନ୍ଧୁଙ୍କ ପ୍ରତି ଅଧିକ ବିଶ୍ୱାସ ନ କରିବା ଉଚିତ୍ । ପ୍ରତିକାର:- ଅଶ୍ୱସ୍ଥ ବୃକ୍ଷମୂଳରେ ଗୁଡ଼ ଥୋଇ ପ୍ରଣାମ କରନ୍ତୁ ।
କନ୍ୟା:-ସରକାରୀ କର୍ମଚାରୀ ମାନେ କର୍ମ କ୍ଷେତ୍ରରେ ବହୁ ସୁବିଧାର ସୁଯୋଗ ପାଇବେ । ଧାର୍ମିକ କାର୍ଯ୍ୟରେ ବ୍ୟସ୍ତ ରହିବେ । ବ୍ୟବସାୟିକ ପ୍ରତିଦ୍ୱନ୍ଦ୍ୱିତାରେ ସଫଳ ହେବେ । ଶତ୍ରୁମାନଙ୍କ ଉପରେ ନଜର ନରଖିଲେ କ୍ଷତିରେ ପଡିବେ । ପ୍ରେମିକ ପ୍ରେମିକାମାନେ ପ୍ରେମକ୍ଷେତ୍ରରେ ସଫଳ ହେବେ । ଛାତ୍ର ଛାତ୍ରୀମାନେ ପଢ଼ା ପଢ଼ିରେ ମନଯୋଗ ଦେଇ ପରୀକ୍ଷା ପ୍ରତିଯୋଗିତାରେ ସଫଳ ହେବେ । ବିରୋଧୀମାନେ ଷଡଯନ୍ତ୍ର ଜାରି ରଖିବେ । ପ୍ରତିକାର:- ଗୋମାତାକୁ କିଛି ଖାଇବାକୁ ଦିଅନ୍ତୁ ।
ତୁଳା:-ସୋସିଆଲ ମିଡିଆରେ ଭୁଲ୍ ବିଷୟ ବସ୍ତୁକୁ ପ୍ରଚାରିତ କରନ୍ତୁ ନାହିଁ । କେବଳ ନିଜର ନୁହେଁ ଅନ୍ୟର ଖୁସିକୁ ମଧ୍ୟ ବିବେଷ ଧ୍ୟାନ ରଖିବା ଉଚିତ୍ । ଛାତ୍ର ଛାତ୍ରୀମାନେ ନିଜ କ୍ୟାରିୟର ବିଷୟରେ ଖୁସି ରହିବେ । ବଡ଼ ଧରଣର ବ୍ୟବସାୟର ଚୁକ୍ତିପତ୍ର ହୋଇପାରେ । ଯଦି କୌଣସି ଇଣ୍ଟରଭ୍ୟୁ ଦେଇଛନ୍ତି ତେବେ ସେଥିରେ ସଫଳତା ମିଳିବାର ସମ୍ଭାବନା ବହୁତ ଅଛି । ଗୁରୁତ୍ୱପୂର୍ଣ୍ଣ ପ୍ରୋଜେକ୍ଟରେ ଟଙ୍କା ନିବେଶ କରିପାରନ୍ତି । ପ୍ରତିକାର- ଧଳାବସ୍ତ୍ର ପରିଧାନ କରନ୍ତୁ । ନତୁବା ଧଳା ରୁମାଲ ଟିଏ ପାଖରେ ରଖନ୍ତୁ ।
ବିଚ୍ଛା:-ଲୋକମାନଙ୍କୁ ସାହାଯ୍ୟ କରିବା ଦ୍ୱାରା ନିଜ ମନର ବୋଝ ହାଲୁକା ହେବ । କର୍ମକ୍ଷେତ୍ରରେ ଦୃଢମନବଳ ଓ ଉତ୍ସାହର ସହିତ କାର୍ଯ୍ୟ କରନ୍ତୁ । ଭାଗୀଦାର ମାନଙ୍କ ସହିତ ଭୁଲ୍ ବୁଝାମଣା ସମାଧାନ ହୋଇଯିବ । ବ୍ୟବସାୟରେ ଗ୍ରାହକ ମାନଙ୍କ ସହିତ ସମ୍ପର୍କ ଭଲ ରହିବା ଫଳରେ ଆଶାତୀତ ଲାଭ ପାଇବେ । ଭବିଷ୍ୟତକୁ ଚିନ୍ତା କରି ନିଜ କ୍ୟାରିୟର ପାଇଁ ଯୋଜନା କରିବେ । ପ୍ରେମୀକ ପ୍ରେମିକା ମାନଙ୍କ ବିବାହ କରିବା ପାଇଁ ପ୍ରସ୍ତାବ ଆସିବ । ପ୍ରତିକାର-ଲାଲଚନ୍ଦନ ବା ସିନ୍ଦୁର ଟିକେ ମସ୍ତକରେ ଲଗେଇ ଦିଅନ୍ତୁ ।
ଧନୁ:-ସମସ୍ତ ପ୍ରକାର ବ୍ୟବସାୟରେ ଉନ୍ନତି ଓ ଲାଭବାନ୍ ହେବେ । ପାରିବାରିକ ସମସ୍ୟା ସମାଧାନ ହୋଇ ଦାମ୍ପତ୍ୟ ସୁଖରେ ଆଶାତୀତ ଖୁସି ପାଇବେ । ସରକାରୀ କର୍ମଚାରୀମାନେ ଅତ୍ୟଧିକ କାର୍ଯ୍ୟ ଚାପ ଯୋଗୁ କଠିନ ପରିଶ୍ରମ କରି ପ୍ରଶଂସା ପାଇବେ । ଶିକ୍ଷା କ୍ଷେତ୍ରରେ ମନଯୋଗ ଦେଇ ସ୍ଵନମ ଅର୍ଜନ କରିବେ । ସନ୍ତାନମାନଙ୍କ ଭବିଷ୍ୟତ ନେଇ ଚିନ୍ତିତ ରହି ପାରନ୍ତି । ଶାରୀରିକ ପୀଡା ଓ ମାନସିକ କଷ୍ଟ ଭୋଗି ପାରନ୍ତି । ପ୍ରତିକାର- କୁକୁରକୁ କିଛି ଖାଇବାକୁ ଦିଅନ୍ତୁ ।
ମକର:-ସମସ୍ତଙ୍କର ପୂର୍ଣ୍ଣ ସହଯୋଗ ମିଳିବା ଫଳରେ ଉତ୍ତମ ରୋଜଗାରର ବାଟମିଳିବ । ବାକିଥିବା ଅର୍ଥପ୍ରାପ୍ତି ହେବ । ସରକାରୀ କର୍ମଚାରୀମାନେ କର୍ମକ୍ଷେତ୍ରରେ ଉତ୍ତମ କାର୍ଯ୍ୟକରି ପ୍ରଶଂସା ପାଇବେ । ଗୃହସ୍ଥ ଜୀବନ ସୁଖମୟ ହେବ । ସାମାଜିକ ପ୍ରତିଷ୍ଠା ମାନ ସମ୍ମାନ ବୃଦ୍ଧି ହେବ । ପ୍ରେମିକ ପ୍ରେମିକାମାନଙ୍କର ପ୍ରେମକ୍ଷେତ୍ରରେ ବୁଝାମଣା ଠିକ୍ ରଖି ପାରିବେ । ଶିକ୍ଷାକ୍ଷେତ୍ରରେ କଠିନ ପରିଶ୍ରମ କରିବା ଫଳରେ ସଫଳତା ଲାଭ କରିବେ । ପ୍ରତିକାର:- କୁଆ ପାରାଙ୍କୁ ଚାଉଳ ଖାଇବାକୁ ଦିଅନ୍ତୁ ।
କୁମ୍ଭ:-ସରକାରୀ କର୍ମଚାରୀ ମାନେ କର୍ମକ୍ଷେତ୍ରରେ ସହକର୍ମୀ ମାନଙ୍କର ସହଯୋଗ ପାଇବେ ଓ ଉତ୍ତମ କାର୍ଯ୍ୟକରି ପ୍ରଶଂସିତ ହେବେ । ନୂତନ ବ୍ୟବସାୟ କରିବା ପାଇଁ ଯୋଜନା କରିବେ । ବ୍ୟବସାୟ ବୃଦ୍ଧି କରିବାର ସୁଯୋଗ ପାଇବେ ଓ ଆର୍ଥିକ କ୍ଷେତ୍ରରେ ପରିବର୍ତ୍ତନ ଆସିବ । ନୂତନ କର୍ମ ନିଯୁକ୍ତି କ୍ଷେତ୍ରରେ ସଫଳ ହେବେ । ପାରିବାରିକ ଜୀବନ ସୁଖ ଶାନ୍ତିରେ କଟିବ । ଦୂର ସ୍ଥାନକୁ ଯାତ୍ରା କରିବେ । ବୌଦ୍ଧିକ ଆଲୋଚନାରେ ଭାଗ ନେଇପାରନ୍ତି । ପ୍ରତିକାର-ମାଆବାପା, ଗୁରୁଙ୍କୁ ପ୍ରଣାମ କରନ୍ତୁ ।
ମୀନ:-ସାମାଜିକ କାର୍ଯ୍ୟରେ ସଫଳତା ମିଳିବା ସହ ମାନସମ୍ମାନ ବୃଦ୍ଧି ହେବ । ସହକର୍ମୀଙ୍କର ସମର୍ଥନ ଓ ଅଧସ୍ତନଙ୍କର ସହଯୋଗ ଯୋଗୁ କର୍ମକ୍ଷେତ୍ରରେ ଆନନ୍ଦ ପାଇବେ । ଗୃହରେ କଲ୍ୟାଣକର କର୍ମ ସମ୍ପାଦନ କରିବା ଫଳରେ ପାରିବାରିକ ଜୀବନ ଆନନ୍ଦମୟ ହେବ । ନିଜର କର୍ତ୍ତବ୍ୟକୁ ଠିକ୍ ଭାବରେ ନିର୍ବାହ କରିପାରିବେ । ଉଚ୍ଚ ସମ୍ଭାବନାର ଆଶା ଓ ଆଶ୍ୱାସନା ଲାଭ କରି ମାନସିକ ଶାନ୍ତି ପାଇବେ । ଶିକ୍ଷା କ୍ଷେତ୍ରରେ ସୁନାମ ଅର୍ଜନ କରିବେ । ପ୍ରତିକାର:- ଗୋମାତାକୁ କିଛି ଖାଇବାକୁ ଦିଅନ୍ତୁ ।
Jyotirbid Dr. Pramod Satapathy
Jantra Jyotisha, Cuttack
For personalized consultation and appointment,
you can connect on WhatApp @ 7008758366 or 9437006746
For more information
Visit us: jantrajyotisha.com
Get solution to all your problems by analyzing your birth chart,
Call now for appointment ???? 9937745975 or 943700674