ରଙ୍ଗର ପର୍ବ ହୋଲି ଏଥର ଚୈତ୍ର କୃଷ୍ଣ ପ୍ରତିପଦରେ ପାଳନ କରାଯିବ । ଏହାର ପୂର୍ବ ଦିନ ହୋଲିକା ଦହନ ପର୍ବ ପାଳିତ ହେବ । ହୋଲିକା ଦହନ ଦିନ ଏହିଥର ଦୁର୍ଲଭ ସଂଯୋଗ ହେଉଅଛି । ଏହି ସଂଯୋଗ ହେଉଥିବାରୁ ଅନେକ ପ୍ରକାରର ଅନିଷ୍ଟ ଦୂର ହେବ । ହାରାହାରି ୭ବର୍ଷ ପରେ ଦେବଗୁରୁ ବୃହସ୍ପତିଙ୍କ ଉଚ୍ଚ ପ୍ରଭାବରେ ଏହି ହୋଲି ପାଳନ କରାଯିବ । ଏହା ଦ୍ଵାରା ମାନସମ୍ମାନ ବା ପାରିବାରିକ ସୁଖର ପ୍ରାପ୍ତି ହେବ ।
ଆତ୍ମସମ୍ମାନ ଏବଂ ଉନ୍ନତି ଦେବ ଏହି ସଂଯୋଗ
ଏହି ବର୍ଷ ହୋଲି ଉତ୍ତରା ଫାଲ୍ଗୁନୀ ନକ୍ଷତ୍ରରେ ଆରମ୍ଭ ହୋଇ ହସ୍ତା ନକ୍ଷତ୍ରରେ ଶେଷ ହେଉଛି । ଊ.ଫାଲ୍ଗୁନୀ ନକ୍ଷତ୍ର ସୂର୍ଯ୍ୟଙ୍କର ଅଟେ । ସୂର୍ଯ୍ୟ ଆତ୍ମସମ୍ମାନ, ଉନ୍ନତି, ପ୍ରକାଶ ଆଦିର କାରକ ଅଟନ୍ତି । ଏହା ଦ୍ଵାରା ବର୍ଷକ ଯାକ ସୂର୍ଯ୍ୟଙ୍କର କୃପା ମିଳିବ। ଯେବେ ସମସ୍ତ ଗ୍ରହ ୭ଟି ସ୍ଥାନରେ ଥାନ୍ତି, ବୀଣା ଯୋଗର ସଂଯୋଗ ହୁଏ । ଏହି ସ୍ଥିତିରେ ସଙ୍ଗୀତ, ନୃତ୍ୟ ଆଦିରେ ରୁଚି ବଢେ ।
ଏଥର ହୋଲିକା ଦହନ ଜୀବନ ରେ ଉତ୍ସବ, ହର୍ଷ, ଆମୋଦ-ପ୍ରମୋଦ ନେଇ ଆସିଛି । ଏହିଦିନ ଜ ଏବଂ ଗହମର ଗଛ ଲଗାଯାଏ । ଏହା ପରେ ଶରୀରରେ ଉପଟନ ଲଗାଇ ତାହାର ଅଂସ ପକାଇଥାନ୍ତି। ଏହା କରିବା ଦ୍ଵାରା ଜୀବନରେ ଆରୋଗ୍ୟତା ଏବଂ ସୁଖ ସମୃଦ୍ଧି ଆସେ ।
ପୂଜାର ମହତ୍ଵ
ଘରେ ସୁଖ-ଶାନ୍ତି, ସମୃଦ୍ଧି, ସନ୍ତାନ ପ୍ରାପ୍ତି ଆଦି ପାଇଁ ମହିଳା ମାନେ ଏହି ଦିନ ହୋଲିର ପୂଜା କରନ୍ତି । ହୋଲିକା ଦହନ ପାଇଁ ପାଖାପାଖି ଗୋଟେ ମାସ ଆଗରୁ ପ୍ରସ୍ତୁତି ଆରମ୍ଭ ହୋଇଯାଇଥାଏ। କଣ୍ଟା ଥିବା କାଠ ଆଦି ଏକାଠି କରାଯାଏ, ଏବଂ ହୋଲି ଦିନ ଶୁଭ ମୂହୁର୍ତ୍ତ ରେ ହୋଲିକାର ଦହନ କରାଯାଏ ।